Virat Kohli fan craze story: మనదేశంలో క్రికెటర్లను ఆరాధ్య దైవాలుగా అభిమానులు కొలుస్తూ ఉంటారు. వారి నుంచి కరచాలనం తీసుకోవాలని.. వారితో ఒక ఫోటో దిగాలని చాలామంది అభిమానులు కలలు కంటారు. అయితే ఇందులో కొందరి కల మాత్రమే సాకారం అవుతూ ఉంటుంది. భద్రతా పరిమితుల దృష్ట్యా క్రికెటర్లు అభిమానులను అతి తక్కువగా కలుస్తూ ఉంటారు. గతంలో ఐపీఎల్ మ్యాచ్లు జరుగుతున్నప్పుడు అభిమానులు సెక్యూరిటీని దాటుకొని లోపలికి వెళ్లేవారు.. అయితే ఈ ఏడాది సెక్యూరిటీని మరింత కఠినం చేశారు. దీంతో అభిమానులు మైదానంలోకి వెళ్లలేకపోతున్నారు.
అభిమాన క్రికెటర్లతో ఫోటోలు దిగాలని.. వారితో ఆటోగ్రాఫ్ తీసుకోవాలని చాలామంది అభిమానులు ఆశ పడుతుంటారు. అయితే క్రికెటర్లు తమకున్న పరిమితుల దృష్ట్యా కొంతమందికి మాత్రమే ఆటోగ్రాఫ్ ఇస్తూ ఉంటారు. వారితో ఫోటోలు దిగుతూ ఉంటారు. ఇలాంటి అవకాశం కోసం అభిమానులు ఆత్రుతగా ఎదురు చూస్తూ ఉంటారు. మనదేశంలో క్రికెటర్లకు యుక్త వయసు.. పెద్ద వయసు వారు మాత్రమే కాకుండా.. కౌమార పిల్లలు కూడా అభిమానులుగా ఉంటారు. ముఖ్యంగా భారత క్రికెటర్ల మీద కౌమార పిల్లలకు విపరీతమైన ప్రేమ ఉంటుంది.
అభిమాన క్రికెటర్ల మీద ఉన్న ప్రేమ కొద్డీ చాలామంది కౌమార అభిమానులు సోషల్ మీడియాలో తన ఉత్సాహాన్ని చూపిస్తుంటారు. అభిమాన క్రికెటర్ల మీద టన్నుల కొద్ది ప్రేమను చూపిస్తూ ఉంటారు. వారిని కలుసుకోవడానికి తాపత్రయ పడుతుంటారు. అలాంటి ఓ కౌమార బాలుడి తాపత్రయం ఇప్పుడు సోషల్ మీడియాలో సంచలనంగా మారింది.
ఐపీఎల్ లో భాగంగా బెంగళూరు జట్టు, ఢిల్లీ జట్టు ఢిల్లీ వేదికగా తలపడ్డాయి. ఈ మ్యాచ్లో ఢిల్లీ జట్టు కుప్పకూలిపోయింది. గొప్పగా పరుగులు చేయకుండానే ఆల్ అవుట్ అయింది. ఈ లక్ష్యాన్ని ఢిల్లీ జట్టు ఒక్క వికెట్ మాత్రమే కోల్పోయి సాధించింది. ఈ విజయం నేపథ్యంలో బెంగళూరు పాయింట్లు పట్టికలో రెండవ స్థానాన్ని మరింత స్థిరం చేసుకుంది. ఇదే సమయంలో మ్యాచ్ ముగిసిన తర్వాత విరాట్ కోహ్లీ డ్రెస్సింగ్ రూమ్ లోకి వెళ్ళిపోతున్నాడు. అతడితో ఆటోగ్రాఫ్ తీసుకోవాలని ఓ కౌమార అభిమాని తాపత్రయపడ్డాడు. కానీ సెక్యూరిటీ సిబ్బంది అడ్డుపడ్డారు. దీంతో ఆ బాలుడు ఏడుపు మొదలుపెట్టాడు.
ఆటోగ్రాఫ్ తీసుకుందామని తీసుకొచ్చిన బ్యాట్ నేలకేసి కొట్టాడు. ఈ వీడియో ఇప్పుడు సోషల్ మీడియాలో సంచలనం కలిగిస్తోంది.. దీనిపై సోషల్ మీడియాలో భిన్నమైన వ్యాఖ్యలు వినిపిస్తున్నాయి. విరాట్ ఆటోగ్రాఫ్ ఇచ్చి ఉంటే బాగుండేదని కొంతమంది.. విరాట్ అంత ఈజీగా ఆటోగ్రాఫ్ ఎలా ఇస్తాడని మరి కొంతమంది సోషల్ మీడియాలో వ్యాఖ్యానిస్తున్నారు.
తన అభిమాన క్రికెటర్ విరాట్ కోహ్లీ ఆటోగ్రాఫ్ ఇవ్వలేదని ఓ చిన్నారి అభిమాని వెక్కి వెక్కి ఏడ్చిన వీడియో సోషల్ మీడియాలో వైరల్ అవుతోంది. ఢిల్లీలో నిన్న జరిగిన మ్యాచ్ అనంతరం, కోహ్లీ హోటల్కు వెళ్తుండగా ఆ బాలుడు ఆటోగ్రాఫ్ కోసం ప్రయత్నించాడు. అయితే, సెక్యూరిటీ అడ్డుకోవడం, కోహ్లీ… pic.twitter.com/SSruymLecq
— ChotaNews App (@ChotaNewsApp) April 28, 2026
