Vaibhav Suryavanshi earnings shocking: మామూలుగా అయితే 15 సంవత్సరాల ప్రాయంలో ఎవరైనా సరే స్కూల్ కి వెళ్తారు. లేదా ఇంటర్లో చేరుతారు. ఎకనమికల్ గా స్ట్రాంగ్ గా లేని వారు ఏదో ఒక పని చూసుకుంటారు. ఆర్థికంగా బాగున్నవారు చదువుల మీద దృష్టి పెడతారు. తోటి పిల్లలతో ఆడుకుంటారు. అయితేనేమో స్కూలు.. లేకుంటే కాలేజీ.. ఇలా సాగిపోతూ ఉంటుంది వారి ప్రస్థానం.
15 సంవత్సరాల ప్రాయంలో మిగతా పిల్లల కంటే విచిత్రంగా.. ఎవరూ అంచనా వేయలేని విధంగా వైభవ్ సూర్య వంశీ చిచ్చరపిడుగు మాదిరిగా క్రికెట్లో బ్యాటింగ్ చేస్తున్నాడు. సునామి తరహాలో ఆడుతున్నాడు.. కనీసం మానవ మాత్రులకు సాధ్యం కానీ రికార్డులను నమోదు చేస్తున్నాడు. అంతటి గేల్ సూర్యవంశీని ఉద్దేశించి బేబీ మాన్ స్టార్ అని వ్యాఖ్యానించాడంటే.. అతడి బ్యాటింగ్ స్టైల్ ఏ రేంజ్ లో ఉందో అర్థం చేసుకోవచ్చు.. రాజస్థాన్ జట్టులో గొప్ప గొప్ప ప్లేయర్లు ఉన్నప్పటికీ.. వైభవ్ సూర్య వంశీ నిలబడితేనే ఆ జట్టు గెలుస్తోంది అంటే.. అతడి ప్రభావం ఏ స్థాయిలో ఉందో అవగతం చేసుకోవచ్చు.
వైభవ్ సూర్య వంశీ కి బీహార్ రాష్ట్రంలో తాజ్ పూర్ ప్రాంతంలో 40 లక్షల విలువైన ఇల్లు ఉంది. ఇంటి వెనకాల మైదానంలో ఆదోడు ప్రాక్టీస్ చేసేవాడు. ఐపీఎల్ ద్వారా ఏడాదికి అతనికి 1.10 కోట్లు లభిస్తున్నాయి. ఒక్కో మ్యాచ్ కు 7.5 లక్షలు కూడా అదనంగా వస్తున్నాయి. ఇటీవల దేశ ఆర్థిక రాజధాని అయిన ముంబై లో మూడు కోట్ల విలువైన ప్లాట్ కొనుగోలు చేశాడు. అదే కాదు రాజస్థాన్ రాయల్స్ జట్టు మాజీ ఓనర్ ఇతడికి బెంజ్ కారును బహుమతిగా ఇచ్చాడు. 2025లో ఐపీఎల్ టాటా కర్వ్ ఈవీ వాహనాన్ని ఇతడు గెలుచుకున్నాడు. 2026 లో అండర్ 19 వరల్డ్ కప్ లో అద్భుతంగా ఆడినందుకు బీహార్ రాష్ట్ర ప్రభుత్వం ఇతడికి 50 లక్షలు బహుమతిగా ఇచ్చింది.
15 సంవత్సరాల వయసులోనే అతని ఏకంగా కోట్ల సంపాదనతో ఆకట్టుకుంటున్నాడు. ఇప్పుడిప్పుడే క్రికెట్లో ఓనమాలు దిద్దుతున్న సూర్యవంశం పెను ప్రకంపనలు సృష్టిస్తున్నాడు. ఇప్పుడే ఈ స్థాయిలో ఆదాయం సంపాదిస్తున్నాడు అంటే.. వచ్చే రోజుల్లో అంతకుమించి అనే స్థాయిలో ఆర్జించి ముఖేష్ అంబానీ కచ్చితంగా బీట్ చేస్తాడని సోషల్ మీడియాలో అతడి అభిమానులు సరదాగా కామెంట్లు చేస్తున్నారు. సూర్యవంశీ ఇక పై కూడా అదే స్థాయిలో దూకుడు కొనసాగిస్తాడని.. అతడికి ఆ స్థాయి ఉందని.. సురేష్ రైనా చెప్పినట్టుగా టీమిండియా క్రికెట్ భవిష్యత్తు మొత్తాన్ని ఇతడు భద్రంగా చూసుకుంటాడని.. అందులో అనుమానం లేదని భారత క్రికెట్ అభిమానులు వ్యాఖ్యానిస్తున్నారు.
