IND vs NZ Test Match :ఇండియాలో ఇండియాను ఓడించి చరిత్ర సృష్టించిన న్యూజిలాండ్.. మన సీనియర్లు బుద్దితెచ్చుకోవాల్సిందే

IIND vs NZ Test Match :భారత్-న్యూజిలాండ్ జట్ల మధ్య మూడు టెస్టు మ్యాచ్‌ల సిరీస్‌లో భాగంగా పూణెలోని మహారాష్ట్ర క్రికెట్ అసోసియేషన్ గ్రౌండ్‌లో రెండో మ్యాచ్ జరిగింది. ఈ మ్యాచ్‌లో టీమిండియా ఓటమిని చవిచూడాల్సి వచ్చింది. దీంతో భారత జట్టు ఈ టెస్టు సిరీస్‌ను కూడా కోల్పోయింది. సిరీస్‌లో న్యూజిలాండ్ చరిత్ర సృష్టించి 2-0తో తిరుగులేని ఆధిక్యంలో నిలిచింది. న్యూజిలాండ్ తన సొంతగడ్డపై టెస్టు సిరీస్‌లో భారత్‌ను ఓడించడం ఇదే తొలిసారి. దీంతో భారత్‌లో వరుసగా టెస్టు సిరీస్‌లను కైవసం చేసుకున్న టీమ్‌ఇండియా పరంపరకు కూడా బ్రేక్‌ పడింది. ఈ ఓటమి టీమ్ ఇండియాకు చాలా బాధాకరం. 12 ఏళ్ల తర్వాత స్వదేశంలో భారత్ టెస్టు సిరీస్‌ను కోల్పోయింది. అంతకుముందు 2012-13 భారత పర్యటనలో ఇంగ్లండ్ టెస్టు సిరీస్‌లో టీమిండియాను ఓడించింది. అప్పటి నుంచి స్వదేశంలో భారత జట్టుదే ఆధిపత్యం. జట్టు వరుసగా 18 సిరీస్‌లను గెలుచుకుంది. కానీ ఇప్పుడు ఈ విజయాల పరంపరకు బ్రేక్ పడింది. రోహిత్ శర్మ సారథ్యంలోని టీమిండియా స్వదేశంలో జరిగిన నాలుగో టెస్టులో ఓడిపోయింది. ప్రస్తుతం భారత్‌లో అత్యధిక టెస్టు మ్యాచ్‌లు ఓడిన రెండో భారత కెప్టెన్‌గా నిలిచాడు.

ఈ మ్యాచ్‌లో న్యూజిలాండ్ జట్టు టాస్ గెలిచి మొదట బ్యాటింగ్ చేయాలని నిర్ణయించుకుంది. న్యూజిలాండ్ జట్టు తన తొలి ఇన్నింగ్స్‌లో 259 పరుగులకు ఆలౌటైంది. దీంతో భారత జట్టు తొలి ఇన్నింగ్స్‌లో 156 పరుగులు మాత్రమే చేయగలిగింది. ఏ బ్యాట్స్‌మెన్ కూడా 40 పరుగుల ఫిగర్‌ను తాకలేకపోయాడు. దీని తర్వాత న్యూజిలాండ్ రెండో ఇన్నింగ్స్‌లో కూడా అద్భుత ప్రదర్శన చేసి 255 పరుగులు చేసింది. ఇలాంటి పరిస్థితుల్లో ఈ మ్యాచ్‌లో టీమిండియాకు 359 పరుగుల విజయలక్ష్యంతో బరిలోకి దిగింది. అయితే ఈ ఇన్నింగ్స్‌లో యశస్వి జైస్వాల్ తప్ప మరే బ్యాట్స్‌మెన్ కూడా ఎక్కువసేపు గ్రీజులో నిలవలేకపోయారు. దీంతో భారత జట్టు ఘోర పరాజయాన్ని చవిచూడాల్సి వచ్చింది. తన రెండో ఇన్నింగ్స్‌లో 245 పరుగులు మాత్రమే చేయగలిగింది. లక్ష్యానికి 113 పరుగుల దూరంలో ఓటమిని చవిచూడాల్సి వచ్చింది.

రెండో ఇన్నింగ్స్‌ను ఆరంభించిన టీం ఇండియా 34 పరుగుల వద్ద రోహిత్ శర్మ (8) వికెట్ కోల్పోయింది. జట్టును ఆదుకుంటాడనుకున్న రోహిత్ శర్మ మొదట్లోనే చేతులెత్తేశాడు. ఓ రకంగా భారత ఓటమికి మార్గం పడింది ఇక్కడి నుంచే అని చెప్పుకోవచ్చు. శుభ్‌మన్ గిల్ (23)తో కలిసి జైస్వాల్ నిలకడగా ఆడటంతో లంచ్ బ్రేక్ సమయానికి భారత్‌ 81/1 స్కోరుతో మెరుగైన స్థితిలో కనిపించింది. కానీ, రెండో సెషన్‌లో వెంటవెంటనే ఆరు వికెట్లు కోల్పోవడంతో భారత్‌ ఓటమి అక్కడే ఖాయమైపోయింది. న్యూజిలాండ్ స్పిన్నర్ మిచెల్ శాంట్నర్.. యశస్వి జైస్వాల్‌, గిల్, విరాట్ కోహ్లీ (17), సర్ఫరాజ్‌ ఖాన్‌ (9)లను ఔట్ భారత్‌ను కోలుకోలేని దెబ్బతీశాడు. కోహ్లీ కూడా అండగా ఉంటాడని అనుకుంటే తన బ్యాట్ కు పని చెప్పుకుండా ఫెవీలియన్ బాటపట్టాడు. రిషభ్ పంత్ (0) అయితే అనవసరంగా రనౌటయ్యాడు. చివర్లో రవీంద్ర జడేజా (42) పోరాడినా ఫలితం లేకపోయింది.

ఈ మ్యాచ్‌లో న్యూజిలాండ్ ను గెలిపించడంలో ప్రధాన పాత్ర పోషించాడు స్టార్ స్పిన్నర్ మిచెల్ సాంట్నర్. పుణె పిచ్‌పై అద్భుత ప్రదర్శన చేశాడు. రెండు ఇన్నింగ్స్‌ల్లోనూ 5 వికెట్లు తీయగలిగాడు. మిచెల్ సాంట్నర్ ఈ మ్యాచ్ ఇన్నింగ్స్‌లో 53 పరుగులు ఇవ్వడం ద్వారా 7 మంది బ్యాట్స్‌మెన్‌లను తన బంతికి బానిసలను చేసుకున్నాడు. మిచెల్ సాంట్నర్ మ్యాజిక్ రెండో ఇన్నింగ్స్‌లో కూడా కొనసాగింది. ఈ ఇన్నింగ్స్‌లోనూ 6 వికెట్లు పడగొట్టి న్యూజిలాండ్‌ను సొంతంగా విజయతీరాలకు చేర్చగలిగాడు.