IPL 2024 Schedule : భారత క్రికెట్ నియంత్రణ మండలి (BCCI) ఎట్టకేలకు గుడ్ న్యూస్ తెలిపింది. ఇండియన్ ప్రీమియర్ లీగ్ (IPL) 2024 కోసం షెడ్యూల్ను ప్రకటించింది.. IPL 2024 షెడ్యూల్ను ఎలైట్ టోర్నమెంట్లో మొదటి 15 రోజులకు మాత్రమే షెడ్యూల్ విడుదల చేసింది. సార్వత్రిక ఎన్నికల తేదీలు ఖరారు అయిన తర్వాత మిగిలిన మ్యాచ్ల జాబితాను ప్రకటిస్తారు.
ఇండియన్ ప్రీమియర్ లీగ్ గతంలో కంటే పెద్దదిగా మెరుగ్గా ఉంటుందని హామీ ఇచ్చింది. ప్రస్తుతానికి అన్ని రోజుల షెడ్యూల్ విడుదల కాలేదు. గత నెలలో రవీంద్ర జడేజా చివరి బంతికి బౌండరీ కొట్టి చెన్నై సూపర్ కింగ్స్ కి ఐదో ఐపిఎల్ టైటిల్ ను అందించాడు.
IPL 2024 సాధారణ ఎన్నికలతో పాటు నిర్వహించనున్నారు. గతంలో ఇది రెండుసార్లు ఇలా వాయిదా పడింది. 2009 ఎడిషన్ పూర్తిగా దక్షిణాఫ్రికాకు తరలించబడింది. అయితే 2014లో, IPL రెండు భాగాలుగా నిర్వహించారు. మొదటిది UAEలో.. మరొకటి తిరిగి భారతదేశంలో నిర్వహించారు. 2019లో రెండు ఈవెంట్లు టైం చూసుకునే పూర్తి చేశారు. ఈసారి మార్చి 23 నుండి ఐపీఎల్ పూర్తిగా భారతదేశంలోనే నిర్వహించనున్నారు. ఈ ఏడాది ఐపీఎల్ను విదేశాలకు తరలించేది లేదని ఐపీఎల్ ఛైర్మన్ అరుణ్ ధుమాల్ మరోసారి స్పష్టం చేశారు, అయితే ఎన్నికల తేదీలపై స్పష్టత వచ్చిన తర్వాత మాత్రమే పూర్తి షెడ్యూల్ ను విడుదల చేయనున్నారు.
ఈ ఏడాది ఐపీఎల్కు చాలా ఆసక్తి ఉంది. ముంబై ఇండియన్స్కు హార్దిక్ పాండ్యా, గుజరాత్ టైటాన్స్లో శుభ్మన్ గిల్కు కొత్త కెప్టెన్లు ఎంపికయ్యారు. MS ధోని చెన్నైని నడిపిస్తున్నారు.. 2023లో ఐపీఎల్ను గెలవడం తనకు రిటైర్మెంట్కు సరైన సమయమని చెన్నై సూపర్ కింగ్స్ కెప్టెన్ గత సంవత్సరం చెప్పాడు. అయితే ఈ ఏడాది కూడా చెన్నైని నడిపిస్తున్నాడు.
ఇండియన్ ప్రీమియర్ లీగ్ (ఐపీఎల్ 2024) కొత్త సీజన్ షెడ్యూల్ విడుదలైంది. ఐపీఎల్ 17వ సీజన్ మార్చి 22న ప్రారంభం కానుండగా.. చెన్నైలోని చెపాక్ స్టేడియంలో చెన్నై సూపర్ కింగ్స్, రాయల్ ఛాలెంజర్స్ బెంగళూరు జట్ల మధ్య తొలి మ్యాచ్ జరగనుంది. తొలి 15 రోజుల షెడ్యూల్ను ఐపీఎల్ నిర్వాహకులు ప్రకటించారు. మార్చి 22 నుంచి ఏప్రిల్ 7 వరకు ఆటలు జరుగుతాయి.
