IND vs PAK: టీమిండియా బ్యాటింగ్ .. బౌలింగ్.. సత్తా చూపిస్తూ ఉంటుంది. భారత మహిళలు కొన్ని సందర్భాలలో అద్భుతమైన ఆటతీరుతో ఆకట్టుకుంటుంటారు. అయితే ఫీల్డింగ్ విషయంలో మాత్రం భారత జట్టు మీద కొన్నిసార్లు సదాభిప్రాయం ఉండదు. దీనికి ప్రధాన కారణం భారత ఫీల్డర్లు చురుకుగా కదలరు. దీనిపై అనేక రకాలుగా విమర్శలు ఉన్నప్పటికీ మన ఫీల్డింగ్ అంతగా మారలేదు.
కానీ ఈ టి20 వరల్డ్ కప్ లో టీమిండియా ఫీల్డింగ్ పూర్తిస్థాయిలో మారినట్టు కనిపిస్తోంది. పాకిస్తాన్ జట్టుతో జరిగిన మ్యాచ్లో టీమ్ ఇండియా ఫీల్డర్లు మైదానంలో పాదరసం మాదిరిగా కదిలారు.. పాకిస్తాన్ జట్టుకు ఏ దశలో కూడా అవకాశం ఇవ్వకుండా బంతులకు అడ్డుగోడలుగా అడ్డు తగిలారు.. కీలకమైన క్యాచ్ లు.. రనౌట్ లు చేసి పాకిస్తాన్ జట్టుకు దిమ్మతిరిగే షాక్ ఇచ్చారు. మునిబా ను దీప్తి శర్మ రనౌట్ చేయడం ఈ మ్యాచ్ మొత్తానికి హైలైట్ అయితే… అంతకు మించిన స్థాయిలో క్యాచ్ పట్టి శ్రేయాంక అదరగొట్టింది. ఇప్పటివరకు జరిగిన టి20 మ్యాచ్లలో ఆమె పట్టిన క్యాచ్ అద్భుతం అంటే.. ఏ స్థాయిలో ఫీల్డింగ్ చేసిందో అర్థం చేసుకోవచ్చు.
శ్రీ చరణి బౌలింగ్లో పాకిస్తాన్ బ్యాటర్ రమీన్ షమీం బంతిని గట్టిగా కొట్టింది. బంతి వేగంగా గాలిలో పరుగులు పెడుతుంటే.. శ్రేయ అమాంతం ఆ బంతిని అందుకుంది. అంతే వేగంతో కింద పడింది. అయినప్పటికీ ఆమె చేతుల్లో బంతిని అలాగే గట్టిగా పట్టుకుంది. ఫలితంగా పాకిస్తాన్ బ్యాటర్ ఒక్కసారిగా షాక్ అయింది. అటువంటి కష్టతరమైన క్యాచ్ అందుకోవడమే ఒకరకంగా ఇబ్బందిగా ఉంటుంది. క్యాచ్ అందుకొని.. శరీరాన్ని నియంత్రించుకొని.. బంతిని అలానే పట్టుకోవడం అంటే మామూలు విషయం కాదు. పైగా శ్రేయ చురుకైన ఫీల్డర్ కూడా. ఆమె ఫీల్డింగ్ చూసి కెప్టెన్ కౌర్ కూడా ఆశ్చర్యపోయింది.
శ్రేయ పట్టిన క్యాచ్ ను చూసి డగ్ అవుట్ లో ఉన్న పాకిస్తాన్ ప్లేయర్లు కూడా ఆశ్చర్యపోయారు. ఇదేలా సాధ్యం అనుకుంటూ తమలో తామే చర్చించుకున్నారు. మరోవైపు పాకిస్తాన్ ఫీల్డర్లు ఈ మ్యాచ్లో దారుణంగా ఫీల్డింగ్ చేశారు. కీలకమైన క్యాచ్లు వదిలేసారు. బంతిని ఆపడంలో తడపడ్డారు. ఫలితంగా ప్రారంభంలో రెండు వికెట్లు కోల్పోయినప్పటికీ.. పాకిస్తాన్ ప్లేయర్ల నిర్లక్ష్యం వల్ల భారత్ నిలదొక్కుకుంది. తద్వారా పాకిస్తాన్ ఎదుట 171 పరుగుల భారీ టార్గెట్ విధించింది. అటు ఫీల్డింగ్.. బ్యాటింగ్, బౌలింగ్ లో అదరగట్టిన టీమిండియా అద్భుతమైన విజయాన్ని అందుకొని.. సంపూర్ణ ఆత్మవిశ్వాసంతో తదుపరి మ్యాచ్ కు సిద్ధమైంది.
Head to Head India Vs Pakistan at the men’s and women’s World Cups:
Matches – 31.
India – 28.
Pakistan – 3.THE GREATEST ONE SIDED RIVALRY…!!pic.twitter.com/CfoUULOlvV
— Cricket Central (@CricketCentrl) June 14, 2026
