Cristiano Ronaldo Retirement: ప్రపంచ ఫుట్ బాల్ చరిత్రలో ఒక ఆటగాడికి ఇలాంటి వీడ్కోలు దక్కడం హృదయ విదారకం.. ప్రపంచ ఫుట్ బాల్ చరిత్రలోనే ఒక సువర్ణమైన ఆటగాడిగా.. అనితర సాధ్యమైన రికార్డులు సాధించిన యోధుడిగా పోర్చుగీసు జట్టు ఆటగాడు క్రిస్టియానో రోనాల్డోకు పేరుంది. ప్రస్తుత ఫిఫా కప్ లో కూడా అతడు అదరగొట్టాడు. కానీ.. ఈసారి అదృష్టం అతడి వెంట లేదు. ఫలితంగా అతడు కన్న కలలు నెరవేరలేదు. అతడి జట్టు కీలక దశలో గెలవలేదు. ఫలితంగా సగటు ఫుట్ బాల్ అభిమాని గుండె పగిలింది. కన్నీరు మిగిలింది.
తన కెరియర్ చివరి ఫిఫా కప్ కావడంతో రోనాల్డో తన జట్టుకు ట్రోఫీ అందించాలని బలంగా నిర్ణయించుకున్నాడు. ప్రపంచ కప్ ట్రోఫీని అందుకోవాలని అనుకున్నాడు. 41 సంవత్సరాల వయసులోనూ.. శరీరం సహకరించకపోయినప్పటికీ.. తన దేశం కోసం రోనాల్డో చివరిదాకా పోరాడాడు. కానీ ఆ కల సాకారం కాలేదు. నెరవేరని కలతో ఫుట్ బాల్ నుంచి నిష్క్రమించాడు.
రోనాల్డో మైదానంలో చిరుత పులి మాదిరిగా దూసుకుపోయేవాడు. తన పాదాలతో వేగంగా పరుగులు పెట్టేవాడు.. కాలంతో పోటీపడి తన జట్టుకు విజయాలు అందించాడు. అటువంటి రోనాల్డో తన కథను ముగించాడు. స్పెయిన్ జట్టుతో జరిగిన మ్యాచ్లో ఓడిపోయిన తర్వాత.. కన్నీటి పర్యంతమయ్యాడు.
ఈ టోర్నీ ప్రారంభానికి ముందు.. నాకు ఇదే చివరి ఫిఫా కప్ అని రోనాల్డో ప్రకటించాడు. దానికి తగ్గట్టుగానే ఇప్పటివరకు తన జట్టుకు విజయాలు అందించాడు. అతి కీలకమైన మ్యాచ్ లో స్పెయిన్ చేతిలో పోర్చుగల్ ఓడిపోవడంతో.. రోనాల్డో కన్నీటి పర్యంతమయ్యాడు. మైదానంలోనే కూర్చొని భావోద్వేగానికి గురయ్యాడు.. ఈ మ్యాచ్లో స్పెయిన్ తరఫున మైకేల్ మెరీనో గోల్ కొట్టాడు. ఈ విజయం ద్వారా స్పెయిన్ ఏకంగా క్వార్టర్ ఫైనల్ దాకా వెళ్ళింది స్పెయిన్ 2010లో ప్రపంచ కప్ టైటిల్ అందుకుంది. దాదాపు 16 సంవత్సరాల తర్వాత ఆ జట్టు క్వార్టర్ ఫైనల్ చేరుకుంది.
ఫుట్ బాల్ కు గుడ్ బై చెప్పడంతో రోనాల్డో అభిమానులు కన్నీటి పర్యంతమవుతున్నారు. వీ మిస్ యు రోనాల్డో అంటూ సోషల్ మీడియాలో కామెంట్లు చేస్తున్నారు.. రోనాల్డో ఆధునిక ఫుట్బాల్ చరిత్రలో అత్యధికంగా అధికారిక గోల్స్ చేసిన ఆటగాడు. ఇతడి ఖాతాలో 900+ గోల్స్ ఉన్నాయి. సౌదీ అరేబియా.. ఇటలీ.. ఇంగ్లాండ్.. స్పెయిన్ వంటి భిన్నమైన లీగ్లలో అతడు సత్తా చూపించాడు. భిన్నమైన పరిస్థితుల్లో అదరగొట్టాడు. యు ఎఫ్ ఎఫ్ చాంపియన్స్ లీగ్ టైటిళ్లను ఐదుసార్లు సొంతం చేసుకున్న చరిత్ర అతడిది. ఇతడిని ఛాంపియన్ లీగ్ చక్రవర్తి అని పిలుస్తుంటారు.
పోర్చుగల్ జట్టు కోసం యూఈఎఫ్ఏ యూరో 2016, యూఈఎఫ్ఏ నేషన్స్ లీగ్ టైటిల్స్ అందించిన చరిత్ర ఇతడికి ఉంది.. ఇతడు కేవలం పోర్చుగల్ జట్టుకు మాత్రమే పరిమితమైన ఆటగాడు కాదు. ఎందుకంటే ఇతడికి ప్రపంచ వ్యాప్తంగా అభిమానులు ఉన్నారు. అతడు మైదానాన్ని వీడి వెళ్ళిపోతుంటే స్పెయిన్ అభిమానులు కూడా కన్నీళ్లు పెట్టుకున్నారు. అది రొనాల్డో అంటే..
