Arshdeep Singh viral news: టీమిండియాలో.. ముఖ్యంగా పొట్టి ఫార్మాట్ లో అర్ష్ దీప్ సింగ్ అలియాస్ పాజి కి ఉన్న రేంజ్ వేరు. డెత్ ఓవర్ల స్పెషలిస్ట్ గా ఇతడు పేరు తెచ్చుకున్నాడు. ప్రారంభ ఓవర్లలో వికెట్లు పడగొట్టుతూ.. టీమ్ ఇండియాకు తిరుగులేని ఆధిపత్యాన్ని అందించే బౌలర్ ఇతడు. అందువల్లే టి20 ఫార్మాట్ లో తిరుగులేని బౌలర్ గా కొనసాగుతున్నాడు. ఇతడు బౌలింగ్ వేసే తీరు అద్భుతంగా ఉంటుంది. ముఖ్యంగా అప్ స్టంప్ పక్కన బంతులు వేస్తూ, బ్యాటర్లను బోల్తా కొట్టించడంలో ఇతడు సిద్ధహస్తుడు.
ఐపీఎల్ లో పంజాబ్ జట్టు తరఫున ఆడుతున్న ఇతడు.. ఆ జట్టు సాధిస్తున్న విజయాలలో ముఖ్యపాత్ర పోషిస్తున్నాడు. అదనపు పరుగులు ఇస్తున్నప్పటికీ.. వికెట్లను తీస్తూ అదరగొడుతున్నాడు. అందువల్లే ఇతడిని తమ వజ్రాయుధమని పంజాబ్ జట్టు పేర్కొంటున్నది. ఇప్పటివరకు పది మ్యాచ్లలో 11 వికెట్లు తీశాడు.. ఖచ్చితమైన లైన్ అండ్ లెంత్ తో బంతులు వేయడంలో అర్ష్ దీప్ సింగ్ తోపు అసలు. అందువల్లే అతడిని పంజాబ్ జట్టు కొనసాగిస్తోంది.
అర్ష్ దీప్ సింగ్ ఇటీవల ఒక అమ్మాయితో తరచూ కనిపిస్తున్నాడు. ఆమె ఎవరో ఆరా తీస్తే.. అతడి ప్రియురాలు అని తేలింది. దీంతో వారిద్దరి మధ్య రిలేషన్ కన్ఫర్మ్ అయింది. దీంతో ఇద్దరు చిలక గోరింకల మాదిరిగా తిరుగుతున్నారు. ఇటీవల ఆమె పంజాబ్ జట్టు బస్సులో కూడా కనిపించింది. ఇద్దరు పక్కపక్కనే కూర్చుని కబుర్లు చెప్పుకున్నారు. ఆ వీడియో కాస్త సంచలనంగా మారింది.
ఇటీవల హైదరాబాద్ జట్టుతో పంజాబ్ పోటీ పడినప్పుడు.. అర్ష్ దీప్ సింగ్ జట్టు విమానంలో హైదరాబాద్ వచ్చాడు. ఆ తర్వాత తన స్నేహితురాలి లగేజ్ ను మోస్తూ కనిపించాడు. తన ప్రియురాలు ముందుకు నడుస్తూ ఉండగా.. వెనకాల రెండు చేతుల్లో లగేజ్ మోసుకుంటూ అర్ష్ దీప్ సింగ్ కనిపించాడు.. ఈ వీడియో ఇప్పుడు సోషల్ మీడియాలో విపరీతంగా సర్కులేట్ అవుతోంది. అంతేకాదు ఇతడిని నెటిజన్లు ట్రూ జెంటిల్మెన్ అని పేర్కొంటున్నారు.. మరికొందరేమో పెళ్లికాకముందే ఏంటి భయ్యా నీకు ఈ కష్టాలు.. రెండు చేతులతో బరువు మోస్తున్నావు. నీ కష్టం పగ వాడికి కూడా రావద్దు అంటూ కామెంట్లు చేస్తున్నారు.
