Today 6 November 2025 Horoscope: జ్యోతిష్య శాస్త్రం ప్రకారం గురువారం ద్వాదశ రాశులపై కృత్తిక నక్షత్ర ప్రభావం ఉంటుంది. ఇదే సమయంలో కొన్ని రాశుల వారికి మెరుగైన ఫలితాలు ఉండే అవకాశం ఉంది. మరికొన్ని రాశుల వారు ఆర్థిక వ్యవహారాల్లో జాగ్రత్తగా ఉండాలి. మేషంతో సహా మీనం వరకు మొత్తం రాశుల ఫలితాలు ఎలా ఉన్నాయో చూద్దాం.
మేష రాశి (అశ్విని, భరణి,1,2,3,4) : ఈ రాశి వారు ఈరోజు చాలా విషయాల్లో ప్రయోజనాలు పొందే అవకాశం ఉంది. కొందరు ఉద్యోగులకు హాని కలిగించే అవకాశం ఉంది. అందువల్ల తోటి వారితో జాగ్రత్తగా ఉండాలి. కుటుంబ సభ్యులకు ప్రత్యేకంగా బహుమతులు కొనుగోలు చేస్తారు. సమాజంలో గౌరవం పెరుగుతుంది. జీవిత భాగస్వామితో కలిసి విహారయాత్రలకు వెళ్తారు. విద్యార్థులు పోటీ పరీక్షలో పాల్గొంటే విజయం సాధించే అవకాశం ఉంది.
వృషభరాశి( కృత్తిక 2,3,4 రోహిణి) : ఈ రాశి వారు ఈ రోజు ప్రియమైన వారి కోసం వస్తువులు కొనుగోలు చేస్తారు. ఆర్థికంగా మెరుగైన ఫలితాలు సాధిస్తారు. ఆదాయానికి మించిన ఖర్చులు ఉంటాయి. అందువల్ల వస్తువులు కొనుగోలు చేసే సమయంలో జాగ్రత్తగా ఉండాలి. వ్యాపారులు కొత్త అవకాశాలను పొందుతారు. నిరుద్యోగులకు శుభవార్తలు అందుతాయి. ఇంటి నిర్మాణానికి సంబంధించిన వస్తువులు కొనుగోలు చేస్తారు. స్నేహితుడికి ఆర్థిక సహాయం చేస్తారు.
మిథున రాశి( మృగశిర 3,4 అరుద్ర): ఈ రాశి వారు ఈరోజు ఏదైనా అప్పు చేయాల్సి వస్తే తిరిగి చెల్లించడం కష్టంగా మారుతుంది. అనుకోకుండా సంపద పెరుగుతుంది. ఉన్నతాధికారులతో కలిసి ఉద్యోగులు ప్రాజెక్టులను పూర్తి చేస్తారు. అయితే తోటి ఉద్యోగులతో జాగ్రత్తగా ఉండాలి. వ్యాపారాలు కొత్త భాగస్వాములతో ఒప్పందాలను చేసుకుంటారు. జీవిత భాగస్వామితో కలిసి విహారయాత్రాలకు వెళ్తారు. కుటుంబ జీవితం సంతోషంగా ఉంటుంది.
కర్కాటక రాశి(పునర్వసు 4, పుష్యమి, అశ్లేష) : ఈ రాశి వారి వైవాహిక జీవితం సంతోషంగా ఉంటుంది. స్నేహితులతో కలిసి ఆహ్లాదకరమైన వాతావరణంలో ఉంటారు. రాజకీయాల్లో ఉండే వారికి ఈ రోజు ప్రజల మద్దతు విపరీతంగా ఉంటుంది. సమాజంలో గౌరవం లభిస్తుంది. సామాజిక కార్యక్రమాల్లో పాల్గొనేందుకు ముందుకు వస్తారు. అనుకోకుండా దూర ప్రయాణం చేయాల్సి వస్తుంది. ఈ సమయంలో కొత్త వ్యక్తులు పరిచయమవుతారు.
సింహా రాశి( ముఖ, పుబ్బ, ఉత్తర 1) : ఈ రాశి వారు జీవిత భాగస్వామితో కలిసి దూర ప్రయాణాలు చేయాల్సి వస్తుంది. వ్యాపారులు కొత్త ప్రాజెక్టులు చేపడతారు. ఉద్యోగులకు అనువైన వాతావరణం ఉండడంతో అనుకున్న పనులను పూర్తి చేస్తారు. దీంతో సంపద పెరిగే అవకాశం ఉంటుంది. నిరుద్యోగులు శుభవార్తలు వింటారు. తల్లిదండ్రుల ఆరోగ్యం పై ప్రత్యేక దృష్టి పెడతారు. కుటుంబ సభ్యులతో కలిసి దూర ప్రయాణాలు చేయాల్సి వస్తుంది.
కన్యరాశి(ఉత్తర 2,3,4 హస్త చిత్త 1,2) : ఈ రాశి వారు ఈ రోజు శుభ ఫలితాలను పొందుతారు. పెండింగ్లో ఉన్న పనులను పూర్తి చేస్తారు. అనుకోకుండా సంపద పెరిగే అవకాశం ఉంటుంది. అయితే ఖర్చుల విషయంలో జాగ్రత్తగా ఉండాలి. బంధువుల నుంచి ధన సహాయం అందుతుంది. విద్యార్థులు పోటీ పరీక్షలో పాల్గొంటే విజయం సాధిస్తారు. ఎవరికైనా డబ్బు ఇస్తే తిరిగి వచ్చే అవకాశాలు తక్కువగా ఉంటాయి. అందువల్ల ఆర్థిక వ్యవహారాల్లో జాగ్రత్తగా ఉండాలి.
తుల రాశి(చిత్త 3,4, స్వాతి: విశాఖ 1,2,3) : ఈ రాశి వారు ఈరోజు నష్టాలను ఎదుర్కొనే అవకాశం ఉంది. అందువల్ల ఆర్థిక వ్యవహారాలు ఆచితూచి వ్యవహరించాలి. కొత్తగా ఏదైనా ప్రాజెక్టులను ప్రారంభించాలని అనుకుంటే తోటి వారి మద్దతు ఉంటుంది. జీవిత భాగస్వామి సలహాలు తీసుకోవాల్సిన అవసరం ఉంది. వ్యాపారులు కొత్త అవకాశాలను పొందుతారు. పిల్లల కెరీర్ పై కీలక నిర్ణయం తీసుకుంటారు. ఊహించని దానికంటే ఎక్కువ లాభాలు ఉంటాయి.
వృశ్చిక రాశి(విశాఖ 4, అనురాధ, జ్యేష్ఠ) : ఈ రాశి వ్యాపారులకు ఈరోజు అనుకోకుండా లాభాలు వచ్చే అవకాశం ఉంది. విలువైన వస్తువుల విషయంలో జాగ్రత్తగా ఉండాలి. తల్లిదండ్రుల తో కలిసి విహారయాత్రలకు వెళ్తారు. పిల్లల కెరీర్ పై కీలక నిర్ణయం తీసుకుంటారు. దూర ప్రయాణాలు చేయాల్సివస్తే జాగ్రత్తగా ఉండాలి. కొత్త వ్యక్తులు పరిచయమైతే వారితో అప్పుడే ఆర్థిక వ్యవహారాలు జరపొద్దు. ఉన్నట్లుండి వ్యాపారులకు లాభాలు వచ్చే అవకాశం ఉంటుంది.
ధనస్సు రాశి ( మూల, పుర్వాషాఢ, ఉత్తరాషాడ 1) : ఈ రాశి వారు కొత్త వ్యక్తుల నుంచి ధన సహాయం పొందుతారు. ఉద్యోగులకు పదోన్నతి వచ్చే అవకాశం ఉంది. తొందరపడి ఎటువంటి నిర్ణయాలు తీసుకోకూడదు. విద్యార్థులు పోటీ పరీక్షలో పాల్గొంటారు. గురువుల మద్దతుతో ఇందులో విజయం సాధించే అవకాశం ఉంది. అనుకోకుండా ప్రయాణాలు చేయాల్సివస్తే ఆలోచించాలి. ఆర్థిక వ్యవహారాల్లో జాగ్రత్తగా వ్యవహరించాలి.
మకర రాశి (ఉత్తరాషాఢ 2,3,4 శ్రవణం, ధనిష్ఠ 1,2) : ఈ రాశి వారు ఈరోజు కొత్త వ్యాపారాన్ని ప్రారంభించే అవకాశం ఉంది. కుటుంబ సభ్యుల మధ్య సంబంధాలు దెబ్బతినే అవకాశం ఉంది. ఎవరితోనైనా కొత్త ప్రాజెక్టును ప్రారంభిస్తే వారితో ఆర్థిక వ్యవహారాల్లో జాగ్రత్తగా ఉండాలి. కొందరు స్నేహితులు మోసం చేసే అవకాశం ఉంటుంది. ఆర్థిక సంబంధించిన విషయాల్లో ఇబ్బందులు తొలిగిపోతాయి. ఎవరికైనా అప్పు ఇవ్వాల్సి వస్తే ఆలోచించాలి.
కుంభ రాశి (ధనిష్ఠ 3,4 శతభిష పూర్వాభాద్ర 1,2,3) : ఈ రాశి వారు ఈ రోజు కొత్త పనులను చేపడతారు. గతంలో ఉన్న వివాదం నుంచి బయటపడతారు. చట్టపరమైన చిక్కులు ఉంటే అవి తొలగిపోతాయి. జీవిత భాగస్వామి నుంచి పూర్తి మద్దతు ఉంటుంది. సమాజంలో గౌరవ లభిస్తుంది. ఆధ్యాత్మిక కార్యక్రమాల్లో పాల్గొంటారు. పరిసరాల్లో ఏదైనా శుభకార్యం జరిగితే పాల్గొంటారు.
మీనరాశి (పూర్వాభద్ర 4, ఉత్తరాభాద్ర రేవతి ) : ఈ రాశి వారు ఈ రోజు ఆర్థికపరంగా మెరుగైన ఫలితాలు సాధిస్తారు. తల్లిదండ్రుల ఆరోగ్యం పై ప్రత్యేక దృష్టి పెట్టాలి. జీవిత భాగస్వామితో వ్యాపారం చేయాల్సివస్తే లాభాలు పొందుతారు. అనుకోకుండా దూర ప్రయాణాలు చేయాల్సి వస్తుంది. ఆర్థికంగా మెరుగైన ఫలితాలు సాధిస్తారు. ఎవరికైనా డబ్బు ఇస్తే తిరిగి ఇచ్చే అవకాశాలు తక్కువగా ఉంటాయి.
