Sugar Apple:  సీతాఫలం తినేవాళ్లకు షాకింగ్ న్యూస్.. ఆ సమస్యలు వచ్చే ఛాన్స్?

Sugar Apple:  పిల్లలు, పెద్దలు అందరూ ఇష్టపడే పండ్లలో సీతాఫలం కూడా ఒకటి. సీతాఫలం పండ్లు తినడం వల్ల మన శరీరానికి ఎన్నో ఆరోగ్య ప్రయోజనాలు చేకూరుతాయి. వైద్య నిపుణులు సైతం అనారోగ్యంతో బాధపడే వాళ్లకు సీతాఫలం పండ్లు తినాలని సూచనలు చేస్తారు. మెగ్నీషియం, యాంటీఆక్సిడెంట్లు, విటమిన్ సి, విటమిన్ ఎతో పాటు శరీరానికి అవసరమైన కాపర్, ఫైబర్, పొటాషియం సీతాఫలం ద్వారా లభిస్తాయి.

సీజనల్ ఫ్రూట్ అయిన సీతాఫలం శరీరానికి మంచిదే అయినా ఈ ఫ్రూట్ వల్ల కొన్ని ఆరోగ్య సమస్యలు సైతం వచ్చే అవకాశాలు అయితే ఉంటాయి. రోజుకు ఒక సీతాఫలం పండును మాత్రమే తీసుకోవాలని ఒకటి కంటే ఎక్కువ తీసుకుంటే మాత్రం ఆరోగ్య సమస్యలు వస్తాయని వైద్యనిపుణులు వెల్లడించారు. సీతాఫలంలో కేలరీలు ఎక్కువగా ఉంటాయి. ఈ పండును తినడం ద్వారా బరువు పెరిగే ఛాన్స్ అయితే ఉంటుంది. సీతాఫలం తీసుకోవడం వల్ల కేలరీల పరిమాణం పెరిగే అవకాశం ఉంటుంది.

సీతాఫలంలో శరీరానికి అవసరమైన ఐరన్ ఉంటుంది. సీతాఫలాన్ని తీసుకోవడం ద్వారా వికారం సమస్యను ఎదుర్కొనే అవకాశం ఉంటుంది. ఎక్కువగా సీతాఫలంను తింటే కడుపు నొప్పి, పేగుల సమస్యలు ఎదురయ్యే అవకాశాలు ఉంటాయి. సీతాఫలం ఆరోగ్యానికి మంచిది కాబట్టి తినాలని చాలామంది సలహా ఇస్తారు. అయితే ఎక్కువగా తింటే మాత్రం ఆరోగ్య సమస్యలు వస్తాయి.

అయితే కొంతమందికి సీతాఫలం వల్ల దురద, చర్మ సమస్యలు వచ్చే అవకాశాలు ఉంటాయి. సీతాఫలం తిన్న వెంటనే అలెర్జీ, దురద సమస్యలు వస్తే ఆ పండుకు దూరంగా ఉండాలి. ఇప్పటికే అలర్జీ సమస్యతో బాధ పడేవాళ్లు ఈ పండుకు దూరంగా ఉంటే మంచిదని చెప్పవచ్చు.