Nara Lokesh- NTR: సీనియర్ ఎన్టీఆర్ కి సినీ వారసుడిగా ఇప్పటికే తెలుగు ప్రేక్షకుల హృదయాల్లో సుస్థిర స్థానాన్ని సంపాదించుకున్నాడు జూనియర్ ఎన్టీఆర్. అలాగే, రాజకీయాల్లోనూ ఎప్పటికైనా వారసుడు అవుతాడు అని ఆశిస్తున్నారు. అందుకే, టీడీపీ అభిమానులు కూడా సీనియర్ ఎన్టీఆర్ కి నిజమైన వారసుడిగా తారక్ ను భావిస్తారు. అయితే, ఎన్టీఆర్ హెల్త్ యూనివర్సిటీ పేరు మారుస్తూ వైఎస్ జగన్మోహన్ రెడ్డి అసెంబ్లీలో తీర్మానం చేయడం వివాదాస్పదమైంది. ఎన్టీఆర్ పేరు తీసేసి వైఎస్సార్ పేరు పెట్టడం.. ఎన్టీఆర్ అభిమానులను కూడా బాగా బాధ పెట్టింది. దీని పై జూనియర్ ఎన్టీఆర్ కూడా స్పందించిన సంగతి తెలిసిందే.
కానీ, ఈ క్రమంలో తారక్.. ”ఎన్టీఆర్, వైఎస్సార్ విశేష ప్రజాదరణ కలిగిన గొప్ప నాయకులు’ అంటూ ఒక లైన్ రాశాడు. ఈ లైన్ దగ్గరే ఇప్పుడు చర్చ నడుస్తోంది. తారక్ పై నెగిటివ్ కామెంట్స్ కి కారణం అయింది. ముఖ్యంగా పలువురు టీడీపీ ఫాలోవర్స్ (ప్రధానంగా లోకేష్ అనుచరులు) జూనియర్ ఎన్టీఆర్ పై విమర్శలకు దిగారు. ‘ఎన్టీఆర్ తో వైఎస్ఆర్ ను పోల్చడం ఏమిటి మీకు సిగ్గు లేదు ?, అసలు ఎన్టీఆర్ పేరే ఉంచాలని, ఆ పేరు ఉండటమే, తెలుగువారి ఆత్మగౌరవం అని చెప్పొచ్చుగా ? ప్రశ్నించొచ్చుగా ? ఎందుకు ఈ తికమక సమాధానం ?, నువ్వు వేస్ట్’ అంటూ తారక్ ను సీరియస్ కామెంట్స్ చేశారు.
ఎన్టీఆర్ గారి కుటుంబ సభ్యుడివి అయి ఉండి వైఎస్ఆర్ భజన చేయడం ఏమిటి ?, నువ్వు జగన్ మనిషివి. నీకు రోషం లేదు’ అంటూ పలు రకాలుగా తారక్ పై నిప్పులు చెరిగారు లోకేష్ అభిమానులు. అయితే, ఈ విమర్శలన్నీ గమనించిన జూనియర్ ఎన్టీఆర్ అభిమానులు రంగంలోకి దిగారు. డైరెక్ట్ గా లోకేష్ పై, నారా ఫ్యామిలీ పై బూతుల వర్షం కురిపించారు. పైగా ఈ బూతులను ట్విటర్లో ట్రెండింగ్ లోకి కూడా తీసుకొచ్చారు. ‘జూ. ఎన్టీఆర్ కాళ్ల కింద నారా కుక్కలు’ అంటూ ఒక పోస్టర్ ను డిజైన్ చేసి వైరల్ చేస్తున్నారు.
అలాగే, బాహుబలి ఇంటర్వెల్ సీక్వెన్స్ గుర్తుందా. ఆ సీన్ లో రానా భారీ విగ్రహాన్ని మించిన స్థాయిలో ప్రభాస్ విగ్రహం కనిపిస్తోంది. ఇప్పుడు ప్రభాస్ విగ్రహాన్ని జూ. ఎన్టీఆర్ లా, టీడీపీ ని రానా విగ్రహంగా పోలుస్తూ మరో పోస్టర్ ను వైరల్ చేస్తున్నారు ఎన్టీఆర్ అభిమానులు. పైగా నారా కుక్కలు మొరిగినంత మాత్రాన సింహం పట్టించుకోవాల్సిన అవసరం లేదు’ అని ట్వీట్లు చేస్తున్నారు.
మొత్తానికి జూ.ఎన్టీఆర్ ఫ్యాన్స్ దెబ్బకు లోకేష్ ఫాలోవర్స్ ధీటుగా నిలబడలేపోతున్నారు. నిజానికి తారక్ చాలా మర్యాదపూర్వకంగా ట్వీట్ చేశాడు. ‘పేరు తీసివేసి ఒకరి పేరు పెట్టడం ద్వారా వచ్చే గౌరవంతో వైఎస్సార్ స్థాయి పెరగదు. ఎన్టీఆర్ స్థాయి తగ్గించదు. విశ్వవిద్యాలయానికి పేరు మార్చడం ద్వారా ఎన్టీఆర్ సంపాదించుకున్న కీర్తిని , తెలుగు జాతి చరిత్రలో వారి స్థాయిని, తెలుగు ప్రజల గుండెల్లో ఉన్న ఆయన జ్ఞాపకాలను చెరిపివేయలేరు’ జూనియర్ ఎన్టీఆర్ పోస్ట్ పెట్టాడు. ఈ పోస్ట్ లో చాలా మర్యాద ఉంది. అయినా జూనియర్ ఎన్టీఆర్ పై విమర్శలు రావడం కొసమెరుపు.
[…] […]