చిత్రం : జైలర్
నటీనటులు : రజినీకాంత్, మోహన్ లాల్, శివరాజ్ కుమార్, తమన్నా, సునీల్, రమ్యకృష్ణన్
నిర్మాత : కళానిధి మారన్
దర్శకత్వం : నెల్సన్
సంగీతం : అనిరుధ్ రవిచందర్
విడుదల తేదీ : ఆగస్టు 10 , 2023
‘Jailer’ Movie Review & Rating : దక్షిణాదిలోనే సూపర్ స్టార్ రజినీకాంత్ సినిమాలు తమిళంలోనే కాదు తెలుగు కన్నడ, హిందీతోపాటు జపాన్ వంటి దేశాల్లోనూ ఆడుతాయి. ఆయనకు అభిమానగణం ఎక్కువ. ప్రపంచవ్యాప్తంగా రజినీకి అభిమానులున్నారు. తాజాగా రజినీకాంత్ ‘జైలర్’ మూవీ రిలీజ్ అయ్యింది. ఈ సినిమా ఎలా ఉందో రివ్యూలోకి వెళ్లి తెలుసుకుందాం.
– కథ
టైగర్ ముత్తువేల్ పాండియన్ (రజినీకాంత్) ఒక జైలర్ గా రిటైర్ అవుతాడు. తన రిటైర్మెంట్ జీవితాన్ని తన భార్య, కొడుకు, మనవడు, కోడలితో చెన్నైలో సంతోషంగా గడుపుతున్నారు. అతను తన పదవీ విరమణ అనంతరం ఖాళీ సమయాన్ని తన మనవడికి యూట్యూబ్ ఛానెల్‌ని నడిపించడంలో సహాయం చేస్తాడు. ముత్తువేల్ కొడుకు అర్జున్ ఎవరికీ భయపడని నిజాయితీగల పోలీసు. ఉన్నత స్థాయి కేసును ట్రాక్ చేస్తున్నప్పుడు అర్జున్ తప్పిపోతాడు. ఒక ముఠా తన కొడుకు అర్జున్ ను చంపినట్లు ముత్తువేల్ తెలుసుకుంటాడు. కానీ అది అంతా నిజం కాదు.. తన కొడుకు బతికే ఉన్నాడు అని తెలుసుకుంటాడు. అయితే తన కొడుకును తిరిగి పంపించాలి అంటే వారు చెప్పిన పని చేయాలి అని ఒక గ్యాంగ్ ముత్తువేల్ కు ఛాలెంజ్ చేస్తారు. అప్పుడు ముత్తువేల్ ఏం చేశాడు? తన కొడుకును ఎలా కాపాడుకున్నాడు. అసలు వాళ్లు చేసిన డిమాండ్ ఏంటి? అది పూర్తి చేయగలిగాడా? ఇవన్నీ తెలియాలంటే సినిమా చూడాల్సిందే.. కొడుకును కాపాడేందుకు ముత్తువేల్ ఏం చేశాడు? కథలో ఇంకా చాలా ఆశ్చర్యాలు మలుపులు ఉన్నాయి.
*మూవీ ఎలా ఉందంటే?
జైలర్ లో రజినీకాంత్ మాత్రమే కాదు.. మలయాళ, కన్నడ, తెలుగు సహా ఇతర నటీనటులు అతిథి పాత్రలలో తళక్కున మెరిసారు. పూర్తి రజనీ చిత్రంలో ఇదే హైలెట్ అని చెప్పొచ్చు. ఇంత మంది స్టార్ యాక్టర్స్‌తో పెద్ద స్క్రీన్ స్పేస్‌ కనువిందు చేసింది. ఈ సినిమా చూశాక మనం చెప్పగలిగేది ఒక్కటే, రజనీ ఈజ్ బ్యాక్. గత కొన్ని సినిమాలు ఫ్లాప్ కావడంతో రజినీకాంత్ సినిమాలపై అంచనాలు పడిపోయాయి. ‘బీస్ట్’తో పెద్ద పాఠం నేర్చుకున్న నెల్సన్ అలాంటి తప్పులు పునరావృతం కాకుండా చూసుకున్నాడు. సెకండాఫ్‌లో కథ రంజుగా సాగింది. ముఖ్యంగా మోహన్‌లాల్ విజిల్స్ వేయిస్తాడు. చప్పట్లు కొట్టిస్తాడు. మాథ్యూ పాత్రలో అతని పాత్ర చాలా ఎక్కువ దృష్టిని ఆకర్షిస్తుంది. నరసింహగా శివరాజ్ కుమార్ కూడా తన లుక్స్ , బాడీ లాంగ్వేజ్‌తో బాగా కనిపించాడు. నెల్సన్ ఈ ఇతర భాషల్లోని హీరోలను పరిపూర్ణంగా ఉపయోగించుకున్నాడు.
యోగి బాబు తన చమత్కారమైన వన్-లైనర్‌లతో ఆకట్టుకున్నాడు. రజనీతో అతని కలయిక సన్నివేశాలు నిజమైన ట్రీట్ గా చెప్పొచ్చు. నెల్సన్ యొక్క ట్రేడ్‌మార్క్ డార్క్ కామెడీ సినిమా అంతటా వ్యాపించింది. వినాయకన్ ఈ సినిమాలో ఘోరమైన విలన్ గా దుమ్ములేపాడు. అతను తన బహుముఖ ప్రజ్ఞను నిరూపించుకున్నాడు. సూపర్‌స్టార్ రజినీ బద్ధశత్రువుగా సరితూగేలా నటించాడు. అద్భుతమైన పర్ ఫామెన్స్ ఇచ్చాడు. ఈ చిత్రంలో అనేక గూస్‌బంప్స్ మూమెంట్స్ ఉన్నాయి. నెల్సన్ దానిని పరిపూర్ణంగా రూపొందించారు.
-ప్లస్ , మైనస్ లు
ఇక టెక్నికల్ విషయానికి వస్తే.. అనిరుధ్ సంగీతం పెద్ద బ్యాక్‌బోన్. అతను రజనీ యాక్షన్ సన్నివేశాలను తదుపరి స్థాయికి ఎలివేట్ చేశాడు. సాధారణం నడిచే సన్నివేశం కూడా అతని BGM కారణంగా చాలా విజిల్స్, కేకలను పొందుతుంది. విజయ్ కార్తీక్ కన్నన్ ఫ్రేమ్స్ పర్ఫెక్ట్ గా ఉన్నాయి. లైటింగ్ , కలర్ టోన్ సహజంగా సన్నివేశం యొక్క మూడ్‌ను సెట్ చేస్తుంది. యాక్షన్ సన్నివేశాలను అద్భుతంగా కొరియోగ్రఫీ చేశారు. ఆర్ట్ డైరెక్టర్ కిరణ్ తన రియలిస్టిక్ సెట్ వర్క్ కోసం మరొక ముఖ్యమైన ప్రస్తావన పొందాడు.
సినిమాలో మైనస్ ఏంటంటే సెకండ్ హాఫ్ లో వచ్చే కొన్ని అనవసర ఎపిసోడ్స్ తో అక్కడక్కడ సాగదీసినట్టుగా అనిపిస్తోంది. కానీ ఓవరాల్ గా చూస్తే సినిమా బ్లాక్ బస్టర్ గా చెప్పొచ్చు.
ఓకేతెలుగు రేటింగ్ : 3/5
