Chandrababu And Pawan Kalyan: నాటుకోళ్లతో బాబు, పవన్ సంక్రాంతి సంబరం.. వైరల్ పిక్

Chandrababu And Pawan Kalyan: చంద్రబాబు, పవన్ పందానికి సిద్ధమయ్యారు. నాటు కోళ్లతో ఫైటుకు పిలుపునిచ్చారు. దమ్ముంటే కాచుకో అంటూ సవాల్ చేశారు. బరుల్లో దిగేందుకు సిద్ధమా అని చేశారు. ఇందుకు సంబంధించిన ఫోటోలు, వీడియోలు సోషల్ మీడియాలో వైరల్ అవుతున్నాయి. టిడిపి శ్రేణులు ట్రోల్ చేస్తున్నాయి.

గుంటూరు జిల్లా మందడంలో భోగి వేడుకల్లో చంద్రబాబు తో పాటు పవన్ హాజరైన సంగతి తెలిసిందే. అమరావతి జేఏసీ, టిడిపి, జనసేన ఆధ్వర్యంలో ‘ తెలుగు జాతికి స్వర్ణ యుగం.. సంక్రాంతి సంకల్పం’ పేరుతో కార్యక్రమాన్ని నిర్వహించారు. చంద్రబాబు, పవన్ ప్రత్యేక ఆకర్షణగా నిలిచారు. సంప్రదాయ వస్త్రధారణలో మెరిసిపోయారు. వారిద్దరితో ఫోటోలు, సెల్ఫీలు తీసుకునేందుకు పిల్లలు, పెద్దలు పోటీ పడ్డారు. అమరావతి రైతులు పెద్ద ఎత్తున హాజరయ్యారు. భారీగా ఏర్పాట్లు చేశారు.

మరోవైపు చంద్రబాబు, పవన్ లు ఎన్నికలనే యుద్ధానికి తాము సిద్ధమని సంకేతాలు ఇచ్చారు. పందానికి మేము సిద్ధంగా ఉన్నామని.. తేల్చుకోవాల్సింది మీరేనంటూ జగన్ కు సవాల్ చేశారు. నాటు కోళ్లు పట్టుకొని పందానికి మేము రెడీ అంటూ దిగిన ఫోటోలు, వీడియోలు సోషల్ మీడియాలో ప్రత్యేక ఆకర్షణగా నిలుస్తున్నాయి. సంక్రాంతి స్పెషల్ అంటూ ఇరు పార్టీల శ్రేణులు ఆ ఫొటోలను వైరల్ చేస్తూ షేర్ చేయడం విశేషం. నెట్ ఇంట్లో ఫోటోలు వైరల్ అవుతుండడంతో పెద్ద యుద్ధమే నడుస్తోంది. వైసీపీ శ్రేణులు ఈ ఫోటోలు పై విభిన్నంగా కామెంట్లు పెడుతున్నాయి. పందానికి ఎంతమంది వచ్చినా.. జగనే నెగ్గుతారంటూ సవాల్ చేస్తున్నారు. దీనికి టిడిపి, జనసేన శ్రేణులు కౌంటర్ ఇస్తున్నారు.