BiggBoss 6 Telugu: తెలుగు బుల్లితెరపై బిగ్గెస్ట్ రియాలిటీ షో ‘బిగ్ బాస్’ లాంచ్ అయ్యింది. కింగ్ నాగార్జున చేతుల మీదుగా 6వ సీజన్ ఘనంగా ప్రారంభమైంది. ఓ పేకమీడల మధ్యలో నాగార్జునను నిలబెట్టి.. బిగ్ బాస్ థీమ్ ను ప్రజెంట్ చేస్తూ షోను మొదలుపెట్టారు. బ్యాక్ గ్రౌండ్ లో కమలాసన్ ‘విక్రమ్’ మూవీ మ్యూజిక్ వస్తుండగా.. సుందరాంగుల మధ్యలో నుంచి నాగార్జున బయటకొచ్చి ‘బంగార్రాజు’ పాటకు స్టెప్పులేసి బిగ్ బాస్ 6ను లాంచ్ చేశారు.
పోయిన సారి సెట్ కంటే ఈసారి కాస్తా కలర్ ఫుల్ గా బిగ్ బాస్ హౌస్, సెట్ వేశారు. ఎంటర్ టైన్ మెంట్ కు అడ్డా 6, ఎంటర్ టైన్ మెంట్ కు అడ్డా ఫిక్స్ అంటూ నాగార్జున మొదట బిగ్ బాస్ ఇంటిని వెరైటీగా చూపించారు. ఈసారి బిగ్ బాస్ హౌస్ ను ఒక పాట రూపంలో వినూత్నంగా ఆవిష్కరించారు. హౌస్ మాత్రం ఎంతో అందంగా ముస్తాబు చేశారు. డైనింగ్ హాల్, స్విమ్మింగ్ ఫూల్, గార్డెన్ ఏరియా సహా అన్నింటిని కలవ్ ఫుల్ గా డిజైన్ చేశారు. చూస్తుంటేనే ఆహ్లాదరకంగా ఇది ఉంది. ఈసారి ఎంటర్ టైన్ మెంట్ అదిరిపోయేలా కనిపిస్తోంది.
ఇక ఈసారి రౌండ్ టేబుల్ బెడ్స్ వేసి వినూత్నంగా బెడ్ రూంను రెడీ చేశారు. హౌస్ లో బాల్కనీ సహా కొన్ని స్పెషల్ చిట్ చాట్ రూంలను ప్రవేశపెట్టారు. ఇంగ్లీష్ మోడళ్లతో నాగార్జున రోమాన్స్ చేస్తూ ఇంటిని పరిచయం చేసిన తీరు ఆకట్టుకుంది.
బిగ్ బాస్ హౌస్ లోకి తొలి కంటెస్టెంట్ గా సీరియల్ యాక్టర్ ‘కీర్తి’ అడుగుపెట్టింది. పాటతో ఎంట్రీ ఇచ్చింది. ఈమె చరిత్ర చూస్తే.. యాక్సిడెంట్ లో తల్లిదండ్రులు, కుటుంబం మొత్తాన్ని కీర్తి కోల్పోయింది. 32 రోజులు కోమాలో ఉండి కోలుకున్నది. ఆ తర్వాత బంధువులు అంతా ఆస్తి లాగేసుకోవడంతో రోడ్డున పడింది. ప్రస్తుతం స్టార్ మా సీరియల్స్ లో యాక్టర్ గా మెయిన్ రోల్ పోషిస్తోంది. ఈ కీర్తినే బిగ్ బాస్ హౌస్ లోకి తొలి కంటెస్టెంట్ గా అడుగుపెట్టింది.
ఇక బిగ్ బాస్ హౌస్ లోకి వెళ్లడానికి ముందు నాగార్జున స్వయంగా కీర్తికి ఒక కార్డు అందించారు. ‘వెన్నుపోటు’ అనే కార్డును తీసిన కీర్తి బిగ్ బాస్ లోకి అడుగుపెట్టింది. ఆకార్డ్ ఏంటి? ఎలా వాడాలన్నది తర్వాత చెబుతానని నాగార్జున అన్నారు. బిగ్ బాస్ హౌస్ లోకి ఎంట్రీ ఇచ్చిన కీర్తి.. హౌస్ అందచందాలకు మురిసిపోయింది. తొలి కంటెస్టెంట్ గా కీర్తి ఎంట్రీ ఇచ్చింది.
