Bigg Boss 6 Telugu Sudeepa: తెలుగు బుల్లితెరపై బిగ్గెస్ట్ రియాలిటీ షో ‘బిగ్ బాస్’ లాంచ్ అయ్యింది. కింగ్ నాగార్జున చేతుల మీదుగా 6వ సీజన్ ఘనంగా ప్రారంభమైంది. ఓ పేకమీడల మధ్యలో నాగార్జునను నిలబెట్టి.. బిగ్ బాస్ థీమ్ ను ప్రజెంట్ చేస్తూ షోను మొదలుపెట్టారు. బ్యాక్ గ్రౌండ్ లో కమలాసన్ ‘విక్రమ్’ మూవీ మ్యూజిక్ వస్తుండగా.. సుందరాంగుల మధ్యలో నుంచి నాగార్జున బయటకొచ్చి ‘బంగార్రాజు’ పాటకు స్టెప్పులేసి బిగ్ బాస్ 6ను లాంచ్ చేశారు.
పోయిన సారి సెట్ కంటే ఈసారి కాస్తా కలర్ ఫుల్ గా బిగ్ బాస్ హౌస్, సెట్ వేశారు. ఎంటర్ టైన్ మెంట్ కు అడ్డా 6, ఎంటర్ టైన్ మెంట్ కు అడ్డా ఫిక్స్ అంటూ నాగార్జున మొదట బిగ్ బాస్ ఇంటిని వెరైటీగా చూపించారు. ఈసారి బిగ్ బాస్ హౌస్ ను ఒక పాట రూపంలో వినూత్నంగా ఆవిష్కరించారు. హౌస్ మాత్రం ఎంతో అందంగా ముస్తాబు చేశారు. డైనింగ్ హాల్, స్విమ్మింగ్ ఫూల్, గార్డెన్ ఏరియా సహా అన్నింటిని కలవ్ ఫుల్ గా డిజైన్ చేశారు. చూస్తుంటేనే ఆహ్లాదరకంగా ఇది ఉంది. ఈసారి ఎంటర్ టైన్ మెంట్ అదిరిపోయేలా కనిపిస్తోంది.
బిగ్ బాస్ హౌస్ లోకి తొలి కంటెస్టెంట్ గా సీరియల్ యాక్టర్ ‘కీర్తి’ అడుగుపెట్టింది. ఇక సెకండ్ కంటెస్టెంట్ గా నువ్వు నాకు నచ్చావ్ లో హీరోయిన్ ఆర్తి అగర్వాల్ చెల్లెలుగా నటించిన ‘పింకి’ ఎంట్రీ ఇచ్చింది. ఈమె అసలు పేరు సుదీప. ఏపీలోని తాడేపల్లి గూడెంకు చెందిన ఈమె బాలనటిగా సినిమాల్లో నటించింది. ఆ తర్వాత ఒక వ్యక్తిని ప్రేమించింది. తల్లిదండ్రులను ఒప్పుకోకపోవడంతో నాలుగేళ్ల పాటు వెయిట్ చేసి ఒప్పించి మరీ ప్రియుడిని భర్తగా చేసుకుంది.
హీరోలు వెంకటేశ్, చిరంజీవి, బాలయ్య సహా చాలా మంది చిత్రాల్లో నటించింది. కానీ నాగార్జునతో మాత్రం చేయలేదని పింకీ వాపోయింది. బాలనటిగా చాలా చిత్రాల్లో నటించి పెళ్లి చేసుకొని సెటిల్ అయిపోయింది. కూచీపూడి సంప్రదాయ నృత్యాల్లో ఆరితేరిన సుదీప రెండో కంటెస్టెంట్ గా బిగ్ బాస్ హౌస్ లోకి ఎంట్రీ ఇచ్చింది. వెళ్లేముందు సంప్రదాయ నృత్యరీతుల్లో కొన్ని భంగిమలను సుదీప చేత నాగార్జున చేయించి కామెడీని పంపించారు. సుదీప్ హౌస్ లోకి ఎంట్రీ ఇచ్చేముందు ఒక కార్డ్ ను తీసింది. అందులో బ్లాంక్ కార్డ్ వచ్చింది.. ఆ కార్డ్ ఏంటి? అందులో ఏముందున్నది హౌస్ లో చెబుతానని చెప్పి నాగార్జున పంపించారు. ఇలా బిగ్ బాస్ లోకి ఎంట్రీ ఇచ్చిన రెండో కంటెస్టెంట్ గా సుదీప అలియాస్ పింకీ నిలిచింది.
