శ్రీదేవి కూతురుగా సినీ రంగ ప్రవేశం చేసింది జాన్వీ కపూర్. తల్లి మాదిరి తనకంటూ ప్రత్యేక గుర్తింపు తెచ్చుకునే పనిలో పడింది ఈ అమ్మడు.
తెలుగు ఇండస్ట్రీలో స్టార్ హీరోయిన్ అయ్యే ప్రయత్నాలు కూడా మొదలుపెట్టింది. ఇందులో భాగంగా స్టార్ హీరో ఎన్టీఆర్ సినిమాతో కథానాయికగా ఎంట్రీ ఇవ్వబోతుంది జాన్వీ.
ఈ అమ్మడు ఇండస్ట్రీలో అడుగుపెట్టి ఆరు సంవత్సరాలు అవుతుంది. కానీ ఇప్పటికీ సరిగ్గా ఒక్క బ్రేక్ మాత్రం రాలేదు.
అందుకే ఇప్పుడు సౌత్ ఇండస్ట్రీ మీద తన పట్టు సాధించాలనుకుంటుంది. ఆ దిశగా అడుగులు మొదలు పెట్టేసింది అమ్మడు.
ఎన్టీఆర్ హీరోగా కొరటాల శివ దర్శకత్వంలో రాబోతున్న ‘దేవర’ సినిమాతో తెలుగు సినీ ఇండస్ట్రీ ప్రేక్షకులకు పరిచయం కానుంది.
ఈ సినిమాతో ప్యాన్ ఇండియా స్టార్ గా ఫేమ్ తెచ్చుకోవడం పక్కా అంటున్నారు అమ్మడు అభిమానులు. ఇక ఈ సినిమా ఈ నెల 27న విడుదల అవడానికి రంగం సిద్దమైంది.
తారక్ తో చేస్తోన్న దేవర రెండు పార్ట్ లతో పాటు రామ్ చరణ్‌ తో RC 16 మూవీలో కూడా నటించబోతుంది.
'ధడక్‌' చిత్రంతో సినీ రంగ ప్రవేశం చేసింది జాన్వీ. ఈ సినిమా బాక్సాఫీస్ వద్ద మంచి టాక్ ను సొంతం చేసుకుంది. అయితే ఆ త‌ర్వాత జాన్వీ నటించిన సినిమాలు ఎక్కువగా ఓటీటీ వేదిక‌గానే విడుదలయ్యాయి. ఇప్పుడు మాత్రం ఏకంగా పాన్ ఇండియా రేంజ్ లో రాబోతున్నాయి.
