Rajamouli who will take the avatar of God soon?
Rajamouli : రాజమౌళి సినిమా అంటే చెప్పాల్సిన అవసరం లేదు. హీరోహీరోయిన్ లకు కూడా లేని ఫ్యాన్ బేస్ ఈ డైరెక్టర్ కు ఉంటుంది. ఇప్పటికీ ఆయన తెరకెక్కించిన అన్ని సినిమాలు కూడా సూపర్ హిట్ ను అందుకున్నాయి. సక్సెస్ లతో దూసుకొని పోయాయి. ఒకప్పుడు తెలుగు సినిమా గురించి బయట ఇండస్ట్రీలకు పెద్దగా తెలియదు. కానీ ప్రస్తుతం తెలుగు ఇండస్ట్రీ మంచి పేరు సంపాదించి పాన్ ఇండియా రేంజ్ లో అభిమానులను సంపాదించుకుంది. బాలీవుడ్ ఇండస్ట్రీల నుంచి కూడా స్టార్లు తెలుగు ఇండస్ట్రీలో నటించాలని తెగ ఆరాటపడుతున్నారు. దీనికి కారణం కూడా ది గ్రేట్ డైరెక్టర్ జక్కన్న అనడంలో సందేహం లేదు. బాహుబలి పార్ట్ 1 అయినా పార్ట్ 2 అయినా ఆయన రేంజ్ అర్థం అయింది. ఇక ఆర్ఆర్ఆర్ సినిమా తెరకెక్కించి తన రేంజ్ ను ప్రపంచమంతా చాటాడు.
ఈ డైరెక్టర్ సినిమా రాబోతుందంటే కేవలం తెలుగు ప్రేక్షకులు మాత్రమే కాదు ఆల్ ఇండియా నుంచి ప్రపంచ వ్యాప్తంగా ఎంతో మంది ఎదురుచూస్తుంటారు. ప్రస్తుతం ఈ డైరెక్టర్ సూపర్ స్టార్ మహేష్ బాబుతో సినిమాను తెరకెక్కించబోతున్నారు. మహేష్ బాబుకు సపరేట్ ఫ్యాన్ బేస్ ఉంటుంది. ఇలాంటి ఇద్దరు జోడి కడితే థియేటర్లు మరోసారి షేక్ కావాల్సిందే అంటున్నారు ఇరు సూపర్ మ్యాన్ ల అభిమానులు. అయితే మనమే ఈ రేంజ్ లో ఎక్స్ పెక్ట్ చేస్తే జక్కన్న ప్లాన్ లు మరే రేంజ్ లో ఉన్నాయో ఊహించగలరా?
SSMB 29 కోసం మరో మాస్టర్ ప్లాన్ వేశారట ఈ సూపర్ డైరెక్టర్. SSMB 29 గురించి ఇండియా మాత్రమే చర్చించుకోవడం లేదు. ఏకంగా ప్రపంచ సినిమా మాట్లాడుకుంటుంది. ఈ సినిమా ప్లానింగ్ కూడా అదే రేంజ్ లో ఉంది. ఇప్పటికే ప్రీ ప్రొడక్షన్ చివరి దశకు వచ్చేసిందని సమాచారం. మరికొన్ని రోజుల్లోనే సెట్స్‌పైకి రావడానికి సిద్దం అయిందట. నిన్నమొన్నటి వరకు ఈ చిత్ర బడ్జెట్ 500 కోట్లు అనుకున్నారు. కానీ ఈ రేంజ్ ను దాటేస్తుందట.
బాహుబలి సిరీస్‌తో 2400 కోట్లు.. ట్రిపుల్ ఆర్‌తో 1300 కోట్లు వసూలు చేసి తన సత్తా చాటారు ఈ డైరెక్టర్ రాజమౌళి.. మహేష్ బాబు కోసం అంతకుమించే ఆలోచిస్తారు అంటున్నారు అభిమానులు. నిజంగా అదే చేస్తున్నారట కూడా. అయితే SSMB29 కోసం వరకు టీం అంతా హాలీవుడ్ నుంచి వస్తున్నారట. ప్రపంచంలోని ది బెస్ట్ లొకేషన్స్‌లో ఈ సినిమా షూటింగ్ జరగనుంది అని టాక్. అంతేకాదు ఇప్పటికే ఈ సినిమా బడ్జెట్ కనీసం 1000 కోట్లు అవుతుందని కూడా సమాచారం.
షూటింగ్ జరిగే టైమ్‌ను బట్టి మరో 200 నుంచి 300 కోట్లు అదనంగా అవుతుందట కూడా. బిజినెస్ టార్గెట్ 2000 కోట్లుకు పైమాటే అని టాక్. RRRతో హాలీవుడ్‌కు హాయ్ చెప్పిన జక్కన్న.. SSMB29తో అక్కడే సెటిలవుతారు కావచ్చు అంటున్నారు విశ్లేషకులు. బాహుబలితో పాన్ ఇండియన్ సినిమాకు గేట్స్ ఓపెన్ చేశారు.అంతేకాదు బడ్జెట్ బారియర్స్ లేకుండా చేసిన ఘనత కూడా ఈ డైరెక్టర్ కే దక్కింది. ఇప్పుడు SSMB29తో హాలీవుడ్‌లోనూ మన సినిమా మార్కెట్ ఓపెన్ చేయాలని కంకణం కట్టుకున్నారు కావచ్చు అంటున్నారు నెటిజన్లు. ఇదే జరిగితే జక్కన్న ఇండియా సినిమాకు దేవుడు అవడం ఖాయం. అటు మహేష్ బాబు రేంజ్ ను తట్టుకోవడం కూడా కష్టమే అని అంచనాలు వేస్తున్నారు ఇద్దరి అభిమనులు.