Truck Tire Rubber Strips: రోడ్డు మీద చాలా వెహికిల్స్ తిరుగుతూ ఉంటాయి. కొన్ని భారీ వాహనాలు, కొన్ని చిన్న వాహనాలు తిరుగుతాయి. వీటిలో మనకు తెలియని చాలా విషయాలు దాగి ఉంటాయి. ఉదాహరణకు వాహనాలకు ఉండే అద్దాలు కేవలం వెనుక ఉన్న వాహనాలను చూడటానికి మాత్రమేనా? పుటాకార అద్దాలు వంటి వాటి వల్ల ప్రయోజనాలు ఏంటి? ఇలా చాలా విషయాలు మనకు తెలియకుండా ఉంటాయి. అయితే మీరు రోడ్లపై నడుస్తున్న పెద్ద ట్రక్కులను చూసే ఉంటారు కదా. కానీ ఈ ట్రక్కుల టైర్ల దగ్గర కొన్ని నల్లటి రబ్బరు స్ట్రిప్స్ లేదా ట్యూబ్ ముక్కలు వేలాడుతూ ఉండటం మీరు ఎప్పుడైనా గమనించారా?
మనలో చాలా మంది వాటిని కేవలం ‘అలంకరణ’ లేదా ‘పాత వస్తువుల వాడకం’ అని భావించి విస్మరిస్తుంటాము. కానీ దీని వెనుక చాలా ఆచరణాత్మకమైన, ఆసక్తికరమైన కారణం ఉంది. సమాధానం తెలిస్తే మీరు ఆశ్చర్యపోతారు. మరి అదేంటో కూడా తెలుసుకుందామా?
Also Read: Largest Truck In India: 400 చక్రాలు.. ఏడాది నుంచి ప్రయాణం.. ఇండియాలోనే అతిపెద్ద ట్రక్కు కథ
మన ఇళ్ల బయట నిమ్మకాయలు, మిరపకాయలు వేలాడదీసినట్లుగా, ఈ రబ్బరు ముక్కలను దుష్ట దృష్టి నుంచి రక్షించడానికి ట్రక్కుపై ఉంచుతారని చాలా మంది అనుకుంటారు. కానీ నిజం వేరే ఉందండోయ్. నిజానికి, ఈ రబ్బరు స్ట్రిప్ల పని ఏంటంటే ట్రక్కు టైర్లను శుభ్రం చేయడం. ఒక ట్రక్కు రోడ్డుపై దుమ్ము లేదా బురదతో కూడిన రోడ్లపై వెళ్తున్నప్పుడు, దాని టైర్లపై దుమ్ము, బురద, కంకర, చిన్న రాళ్ళు పేరుకుపోతాయి. ఈ ధూళి టైర్పై ఉంటే, అది టైర్ పట్టును తగ్గిస్తుంది. త్వరగా అరిగిపోయేలా చేస్తుంది.
ట్రక్కుల టైర్ల దగ్గర వేలాడుతున్న ఈ రబ్బరు పట్టీలు సరళమైన కానీ ప్రభావవంతమైన సూత్రంపై పనిచేస్తాయి. ట్రక్కు కదిలేటప్పుడు, గాలి పీడనం, ట్రక్కు కదలిక కారణంగా ఈ రబ్బరు పట్టీలు నిరంతరం ఊగుతూనే ఉంటాయి. ఊగుతున్నప్పుడు, ఈ పట్టీలు పదే పదే ట్రక్కు టైర్లను తాకుతాయి. ఇలా జరుగుతున్నప్పుడు టైర్లపై పేరుకుపోయిన దుమ్ము, ధూళిని రాకుండా చేస్తుంది. ఇది ఒక రకమైన కదిలే టైర్ క్లీనర్. అంటే డ్రైవర్ టైర్లను శుభ్రం చేయడానికి అప్పుడప్పుడు ఆపాల్సిన అవసరం లేదు. ఈ రబ్బరు గొట్టాలు ఈ పనిని వాటంతట అవే చేస్తూనే ఉంటాయి.
టైర్లపై ధూళి పేరుకుపోకుండా నిరోధించడం ద్వారా, ట్రెడ్ అరిగిపోదు. తద్వారా అవి ఎక్కువ కాలం మన్నుతాయి. శుభ్రమైన టైర్లు రోడ్డును బాగా పట్టుకుంటాయి. డ్రైవింగ్ను సురక్షితంగా చేస్తాయి. టైర్లను పదే పదే శుభ్రం చేయడం లేదా కడగడం వల్ల కలిగే ఖర్చు ఆదా అవుతుంది. శుభ్రమైన టైర్లు కూడా బాగుంటాయి. ఇప్పుడు అర్థం అయిందా సర్ జీ…అదన్నమాట మ్యాటరు..
Disclaimer : ఈ సమాచారం కేవలం అవగాహన కోసం మాత్రమే అందిస్తున్నాము. దీన్ని Oktelugu.com నిర్ధారించదు. ఈ సూచనలు పాటించే ముందు నిపుణుల సలహాలు తీసుకోగలరు.
