Boyfriend Rental: నేటి కాలంలో డబ్బు సంపాదన కోసం మనుషులు అడ్డదారులు తొక్కుతున్నారు. పిచ్చిపిచ్చి వ్యవహారాలకు పాల్పడుతున్నారు. వీటివల్ల దారుణాల జరుగుతున్నాయి. పోలీస్ కేసులు కూడా నమోదువుతున్నాయి.. అయినప్పటికీ ఈ తరహా వ్యక్తులు మారడం లేదు. కనీసం మారాలి అని అనుకోవడం లేదు. పైగా సాంకేతిక పరిజ్ఞానాన్ని ఉపయోగించి అడ్డమైన పనులు చేస్తున్నారు. చివరికి జైలు పాలవుతున్నారు.
ప్రస్తుతం ప్రపంచం మొత్తం సోషల్ మీడియా ఆధారంగానే గమనం సాగిస్తోంది. సోషల్ మీడియా కేంద్రంగానే వేలకోట్ల వ్యాపారం జరుగుతోంది. ఇదంతా ఒక కోణం మాత్రమే. మరోకోణం లో దారుణాలు జరుగుతున్నాయి. వీటికి సాంకేతిక పరిజ్ఞానాన్ని ఉపయోగించి కొంతమంది దుర్మార్గులు డబ్బులు సంపాదిస్తున్నారు. అమాయకులను మోసం చేస్తున్నారు. మోసపూరితమైన ప్రకటనలు.. కుప్పిస్తూ ఆన్లైన్ వేదికగా నిండా ముంచేస్తున్నారు.
సోషల్ మీడియాలో ఫేమస్ అవడం కోసం హైదరాబాద్ నగరానికి చెందిన ఒక యువకుడు దుర్మార్గమైన వ్యవహారాలకు పాల్పడ్డాడు. సోషల్ మీడియాలో ఫాలోవర్ల ను పెంచుకోవడానికి అతడు అడ్డమైన వ్యవహారాలకు పాల్పడ్డాడు. లైంగిక సేవలు అందిస్తామని.. అందమైన యువతులకు అద్దెకు బాయ్ ఫ్రెండ్ లను సరఫరా చేస్తామంటూ సోషల్ మీడియాలో వీడియోలు పోస్ట్ చేశాడు. కొద్దిరోజుల్లోనే అతడు వ్యూస్ పెంచుకున్నాడు. లైకులు సొంతం చేసుకున్నాడు. పోలీసులు ఈ వ్యవహారాన్ని గుర్తించి అతడి మీద కేసు నమోదు చేశారు.
హైదరాబాద్ నగరానికి చెందిన ఒక యువకుడు సోషల్ మీడియాలో ఫేమస్ అవ్వడానికి రకరకాల వీడియోలు తీసేవాడు. ఇటీవల అర్ధరాత్రి పూట తిరుగుతూ కొన్ని ప్రాంతాలలో దృశ్యాలను చిత్రీకరించి పోస్ట్ చేయడం మొదలుపెట్టాడు. వాటికి వీక్షకులు పెరిగిపోవడంతో.. ఫలానా ప్రాంతంలో చట్ట వ్యతిరేక కార్యకలాపాలు జరుగుతున్నాయని ఒక వీడియో పోస్ట్ చేశాడు. దీంతో పోలీసులు అతడిని పట్టుకున్నారు.
ఈ పై రెండు సంఘటనలు కేవలం ఉదాహరణలు మాత్రమే.. సోషల్ మీడియాలో ఫేమస్ ఇవ్వడానికి చాలామంది యువకులు ఇంతకంటే దారుణమైన పనులు చేస్తున్నారు. హైదరాబాద్ నగరంలో అర్ధరాత్రి లిక్కర్ దొరికే ప్రదేశాలు.. ఆన్లైన్లో పెద్దల వీడియోలు లభించే వెబ్సైట్లు.. చట్ట వ్యతిరేక కార్యకలాపాలు సాగించే ప్రాంతాల గురించి కొంతమంది సోషల్ మీడియాలో పోస్ట్ చేస్తున్నారు. వీరంతా కూడా సోషల్ మీడియాలో ఫేమస్ అవ్వడానికి మాత్రమే ఇలా చేస్తున్నారు. అయితే ఇలాంటి పనులు చేస్తున్న వారిలో మొత్తం విద్యార్థులే ఉంటున్నారు. లైకులు.. షేర్ల కోసమే తాము ఈ పని చేస్తున్నామని పోలీసుల విచారణలో ఆ విద్యార్థులు చెబుతున్నారు. సోషల్ మీడియాలో ఇటువంటి ప్రకటనల పట్ల అప్రమత్తంగా ఉండాలని.. నిజమైన నమ్మితే నిండా మునగడం ఖాయమని పోలీసులు హెచ్చరిస్తున్నారు.
