అత్యుత్తమ నగరాల జాబితాలో ఢిల్లీకి చోటు

ప్రపంచంలోని అత్యుత్తమ నగరాల జాబితాలో దేశ రాజధాని ఢిల్లీ చోటు దక్కించుకుంది. 2021వ సంవత్సరానికి ప్రపంచ ఉత్తమ నగరాల జాబితాను వాంకోవర్ లోని రెసోనాన్స్ కన్నల్టెన్సీ లిమిటెడ్ ప్రకటించింది. వీటిలో ఢిల్లీకి 62 వ స్థానం దక్కింది. ఇప్పటి వరకు ప్రపంచంలోని అత్యుత్తమ నగరాల్లో ఢీల్లీ చోటు సంపాదించడం ఇదే మొదటిసారి.  కాగా ప్రపంచ అత్యుత్తమ నగరాల్లో సెయింట్ పీటర్స్ బర్గ్, టోరెంటో, వాషింగ్టన్ డీసీ, అబూదబి నగరాలు కూడా ఉన్నాయి. నగర నాణ్యత ఇతర సూచీలను పరిగణలోకి తీసుకొని ఈ ర్యాంకులను ప్రకటించింది రెసోనాన్స్ సంస్థ. అయితే గత కొన్ని రోజులగా కాలుష్య ప్రభావంతో సతమతమవుతున్న ఢిల్లీకి ఈ చోటు దక్కడం కాస్త హర్షణీయంగా మారింది.