Also Read: గ్రేటర్ ‘ఫజిల్’.. మేయర్ కోసం అసెంబ్లీ సీట్లను త్యాగం చేస్తారా..!
ఈక్రమంలోనే టీపీసీసీగా ఉన్న ఉత్తమ్ కుమార్ రెడ్డి రాజీనామా చేయడంతో ఆ స్థానం ప్రస్తుతం ఖాళీ అయింది. గత కొద్దిరోజులుగా టీపీసీసీ రేసులో కాంగ్రెస్ వర్కింగ్ ప్రెసిడెంట్ రేవంత్ రెడ్డి పేరు ప్రముఖంగా విన్పిస్తోంది. రేవంత్ తోపాటు కాంగ్రెస్ లోని సీనియర్ నేతలైన కోమటిరెడ్డి వెంకట్ రెడ్డి.. మల్లు భట్టివిక్రమార్క.. జానారెడ్డి.. జగ్గారెడ్డి.. శ్రీధర్ బాబు పేర్లు తెరపైకి వచ్చాయి.
ప్రస్తుత పరిస్థితుల్లో సీఎం కేసీఆర్ ను.. బీజేపీని ధీటుగా ఎదుర్కొనే శక్తి రేవంత్ రెడ్డికే ఉందని భావించడంతో ఆయనకు ఢిల్లీ నుంచి పిలుపు వచ్చింది. ప్రస్తుతం రేవంత్ రెడ్డి ఢిల్లీనే మకాం వేశాడు. డిసెంబర్ 9న సోనియాగాంధీ పుట్టిన రోజు సందర్భంగా టీపీసీసీ ప్రకటన వస్తుందని కొంతకాలంగా ప్రచారం జరుగుతోంది.
Also Read: బండి సంజయ్ ‘టైగర్’.. పవన్ హాట్ కామెంట్స్
ప్రస్తుతం తెలంగాణలో మారిన పరిస్థితుల నేపథ్యంలో కాంగ్రెస్ అధిష్టానం టీపీసీసీ ప్రకటన రేపే చేయనుందని సమాచారం. టీపీసీసీ రేసులో రేవంత్ రెడ్డితోపాటు కోమటిరెడ్డి రెడ్డి పేరు ప్రముఖంగా విన్పిస్తోంది. రేవంత్ ను వ్యతిరేకిస్తున్న కాంగ్రెస్ సీనియర్లు కోమటిరెడ్డికి మద్దతు ఇస్తున్నారు.
గతంలో తెలంగాణ కోసం తాను మంత్రి పదవీ చేశానని కోమటిరెడ్డి చెబుతున్నారు. తనకే టీపీసీసీ పదవీ దక్కుతుందని కోమటిరెడ్డి ఆశాభావం వ్యక్తం చేస్తున్నారు. అయితే రేవంత్ వైపే అధిష్టానం మొగ్గుచూపుతుందని సమాచారం. దీంతో ఎవరికీ టీపీసీసీ దక్కుతుందనే ఆసక్తికరంగా మారింది.
మరిన్ని తెలంగాణ రాజకీయ వార్తల కోసం తెలంగాణ పాలిటిక్స్
