ఉప్పెనతో ఇండస్ట్రీని ముంచెత్తాడు దర్శకుడు బుచ్చిబాబు. ఈ సుకుమార్ శిష్యుడు ఇప్పటివరకు ఎవరూ టచ్ చేయని సబ్జెన్ ను ఎంచుకొని దాన్ని ప్రేక్షకుల చేత మెప్పించి మరీ హిట్ కొట్టాడు. మైత్రీ మూవీస్ బ్యానర్ కు మరో మెమొరబుల్ హిట్ అందించాడు.
చాలా రోజులుగా హిట్ సినిమా కోసం ప్రయత్నిస్తున్న మైత్రీ మూవీస్ కు తాజాగా ‘ఉప్పెన’ తో లాభాలు వచ్చాయి. గతంలో తీసిన సవ్యసాచి, డియర్ కామ్రేడ్ సినిమాలు భారీ నష్టాలు మిగల్చగా.. వాటన్నింటిని ఒక్క ‘ఉప్పెన’ మూవీ భర్తీ చేసింది.
తాజాగా సుకుమార్ శిష్యుడు బుచ్చిబాబు వెండితెరపై అద్భుత ప్రేమకావ్యాన్ని ఆవిష్కరించాడు. ‘ఉప్పెన’తో టాలీవుడ్ లో హిట్ కొట్టి కలెక్షన్ల సునామీ సృష్టించాడు.
ఈ హిట్ తో లాభాలు గడించిన మైత్రీ మూవీ మేకర్స్ నిర్మాతలు పెద్ద హిట్ ఇచ్చిన దర్శకుడు బుచ్చిబాబుకు ఖరీదైన గిఫ్ట్ ఇవ్వాలని డిసైడ్ అయ్యారట… ఈ మేరకు కారు కావాలా? ఫ్లాట్ కావాలా? అని ఆఫర్ ఇచ్చినట్టు సమాచారం. ఈ రెండూ కూడా కోటి రూపాయల విలువైనవేనట.. ఇదివరకు తమకు హిట్ ఇచ్చిన దర్శకులకు ఇలాంటి ఖరీదైన గిఫ్ట్ లు ఇవ్వడం నిర్మాతలూ, హీరోలకు అలవాటే. ఇప్పుడు అదే అదృష్టాన్ని బుచ్చిబాబు దక్కించుకున్నాడన్న మాట..
