ఎప్పుడెప్పుడా అని ఎదురుచూస్తున్న ప్రభాస్ అభిమానులకు గుడ్ న్యూస్ అందింది. ప్రభాస్, పూజా హెగ్డే హీరో హీరోయిన్లుగా ప్రధాన పాత్రల్లో నటిస్తున్న మూవీ ‘రాధేశ్యామ్’. ఈ చిత్రానికి రాధాకృష్ణ కుమార్ దర్శకుడు. పూర్వజన్మల నేపథ్యంలో తెరకెక్కిన ఈ చిత్రంలో ప్రభాస్ విక్రమాదిత్య పాత్రలో కనిపించనున్నాడు. పూజా హెగ్డే ప్రేరణ అనే పాత్రతో సందడి చేయనుంది.
విక్రమాదిత్య, ప్రేరణలకు సంబంధించిన గ్లింప్స్ ఫ్యాన్స్ కు తప్పక థ్రిల్ కలిగిస్తుందని తెలుస్తోంది. జస్టిన్ ప్రభాకరణ్ చిత్రానికి సంగీతం అందిస్తున్నాడు. ఇప్పటికే పాటలు ఆకట్టుకుంటున్నాయి.
ఇప్పటికే రాధేశ్యామ్ లో వీరిద్దరి పాత్రలకు సంబంధించిన లుక్స్ విడుదలయ్యాయి. ఇవి ఫ్యాన్స్ ను ఎంతగానో ఆకట్టుకున్నాయి. టీజర్ కోసం ఫ్యాన్స్ కళ్లు కాయలు కాసేలా ఎదురుచూస్తున్న వేళ ‘లవర్స్ డే’ ఫిబ్రవరి 14 సందర్భంగా గ్లింప్స్ విడుదల చేయాలని మేకర్స్ తాజాగా ప్రకటించారు.
తాజాగా ఫిబ్రవరి 14న ప్రేమికుల రోజు సందర్భంగా ఉదయం 9 గంటల 18 నిమిషాలకు టీజర్ ను విడుదల చేస్తున్నట్టు చిత్రం యూనిట్ వెల్లడించింది. ఈ సందర్భంగా ప్రభాస్ కు సంబంధించిన పోస్టర్ ను విడుదల చేశారు. ఈ పోస్టర్ లో ప్రభాస్ చేతులు జేబులో పెట్టుకొని తనదైన శైలిలో వాకింగ్ చేస్తూ అమ్మాయిల మదిలో సెగలు రేపేలా కనిపిస్తున్నాడు. ఈ పోస్టర్ అందంగా తీర్చిదిద్దారు. మరో రెండు రోజుల్లో టీజర్ లో ఏం చూపిస్తారన్నది ప్రభాస్ ఫ్యాన్ ఆసక్తిగా ఎదురుచూస్తున్నారు.