మారుతున్న కాలంతో పాటే మనుషుల జీవితంలో ప్లాస్టిక్ వినియోగం పెరుగుతోంది. ఫలితంగా మనుషులు వాళ్లకు తెలియకుండానే అనేక రోగాల బారిన పడుతున్నారు. వైద్యరంగం ఎంత వేగంగా అభివృద్ధి చెందుతుందో కొత్త వ్యాధులు కూడా అదే స్థాయిలో వ్యాప్తి చెందుతున్నాయి. పూర్వకాలంలో రాగితో తయారు చేసిన వస్తువులను వినియోగించే వాళ్లు. అందువల్లే మన పూర్వీకులు రోగాల బారిన తక్కువగా పడేవాళ్లు.
మన శరీరానికి కావాల్సిన వాటిలో మినరల్స్ అతి ముఖ్యమైనవి. రాగిపాత్రలోని నీటిని తాగడం వల్ల మన శరీరానికి అవసరమైన మినరల్స్ లభిస్తాయి. రాగిపాత్రలు హానికారక బ్యాక్టీరియాను నశింపజేస్తాయి. ఈ పాత్రలో నీళ్లు తాగడం వల్ల కఫ, వట, పిత్త దోషాలు తొలగిపోతాయి. రాగిపాత్రలోని నీళ్లు తాగితే బరువు తగ్గవచ్చు. రాగికి కొవ్వును సులువుగా కరిగించే శక్తి ఉంది. రాగిపాత్రలోని నీళ్లు తాగితే వేగంగా గాయాలు నయమవుతాయి.
రోజూ రాగిపాత్రలోని నీళ్లు తాగేవారి చర్మం యవ్వనంగా, కాంతివంతంగా కనిపించేలా చేస్తాయి. రాగి పాత్రలోని నీళ్లు తాగేవారిలో గుండె సంబంధిత సమస్యలు తగ్గుతాయి. రాగి పాత్రలో నీళ్లు శరీరంలోని చెడు కొలెస్ట్రాల్ ను తగ్గించడంతో పాటు రక్తపోటును రెగ్యులరైజ్ చేస్తాయి. రాగి ఈకోలి వంటి బ్యాక్టీరియాను సైతం సులభంగా నాశనం చేస్తుంది. ఫలితంగా జబ్బుల బారిన పడే అవకాశాలు తగ్గుతాయి.
శరీరంలో రాగి తక్కువగా ఉండటం వల్లే చాలామంది అనేక ఆరోగ్య సమస్యల బారిన పడతారు. రాగి మెదడును చురుకుగా ఉంచడంలో, జ్ఞాపకశక్తిని పెంచడంలో తోడ్పడుతుంది. కీళ్ల నొప్పులతో బాధ పడే వాళ్లకు రాగి దివ్యౌషధంలా పని చేస్తుంది. అందువల్ల రాగిపాత్రలోని నీళ్లు తాగితే రాగి నుంచి శరీరానికి అవసరమైన కాపర్ లభించి అనేక ఆరోగ్య సమస్యల బారిన పడకుండా మనల్ని మనం సులువుగా రక్షించుకోవచ్చు.
