Doctors Wear Green Clothes : ప్రపంచవ్యాప్తంగా అనేక విభిన్న వృత్తుల కోసం నిర్దిష్ట దుస్తుల కోడ్లు ఉన్నాయి. ఉదాహరణకు, భారతదేశంలో న్యాయవాదులకు నల్లకోటు, వైద్యులకు తెల్లకోటు, పోలీసులకు ఖాకీ రంగు దుస్తులు ఉన్నాయి. అయితే వైద్యులు ఓపీడీలో రోగులను చూడడమే కాకుండా సర్జరీకి వెళ్లినప్పుడు ఆకుపచ్చని దుస్తులు ధరించడం ఎప్పుడైనా గమనించారా.. దీని వెనుక కారణం ఏంటో తెలుసా? దీని వెనుక ఉన్న కారణాన్ని ఈ రోజు ఈ కథనంలో తెలుసుకుందాం.
ఆపరేషన్ కోసం ఆకుపచ్చ దుస్తులు
సర్జరీ సమయంలో డాక్టర్లు ఆకుపచ్చని దుస్తులను మాత్రమే ధరించడం తరచూ మనం చూసే ఉంటాం. అయితే మీ మదిలో ఎప్పుడైనా ఈ ప్రశ్న వచ్చిందా డాక్టర్లు కేవలం ఆకుపచ్చ రంగు బట్టలు మాత్రమే ఎందుకు ధరిస్తారు, శస్త్రచికిత్స సమయంలో పసుపు, ఎరుపు, నీలం లేదా ఇతర రంగుల బట్టలు ఎందుకు ధరించరు. దీని వెనుక ఉన్న కారణం ఏంటో తెలుసుకుందాం.
ఆకుపచ్చ దుస్తుల వాడకం ఎప్పుడు మొదలైంది?
ఆకుపచ్చ బట్టలు ధరించడం 1914 సంవత్సరంలో ప్రభావవంతమైన వైద్యుడిచే ప్రారంభించబడింది. ఆసుపత్రిలో అప్పట్లో ధరించే సంప్రదాయ రంగును తెలుపు నుంచి ఆకుపచ్చ రంగులోకి మార్చాడు. అప్పటి నుంచి ఇది వాడుకలోకి వచ్చింది. ఈరోజుల్లో చాలా మంది డాక్టర్లు పచ్చి దుస్తులతోనే సర్జరీలు చేస్తున్నారు. అయినప్పటికీ, కొంతమంది వైద్యులు ఇప్పటికీ తెలుపు, నీలం దుస్తులలో శస్త్రచికిత్సలు చేస్తారు.
ఆకుపచ్చ రంగు వెనుక ఉన్న శాస్త్రం ఏమిటి?
ఆకుపచ్చని బట్టలు వాడటం వల్ల కలిగే ప్రయోజనం ఏమిటి.. దాని వెనుక సైన్స్ ఏమి చెబుతుంది? నీలిరంగు బట్టలతో సర్జరీ చేయడం వెనుక ఓ సైన్స్ దాగి ఉంది. ఎందుకంటే వెలుతురు ఉన్న ప్రదేశం నుంచి ఇంట్లోకి ప్రవేశిస్తే ఒక్కక్షణం కళ్ల ముందు చీకటి ఉన్నట్లు కనిపిస్తుంది. మీరు ఇంటి లోపల ఆకుపచ్చ లేదా నీలం రంగు ఉంటే, ఇది జరగదు. ఆపరేషన్ థియేటర్లో డాక్టర్ల విషయంలోనూ అదే జరుగుతుంది. అక్కడ వారు ఆకుపచ్చ, నీలం దుస్తులలో వస్తువులు స్పష్టంగా కనిపిస్తాయి.
ఈ రంగులలో శాంతి ఉంది
ఆకుపచ్చ, నీలం రంగులను ఉపయోగించడం వెనుక మరొక కారణం ఉంది. నీలం, ఆకుపచ్చ రంగులు కళ్లకు ఉపశమనం ఇస్తాయి. అంతే కాకుండా ఈ రంగు ఒత్తిడిని తగ్గిస్తుంది. ఎందుకంటే డాక్టర్ రోగికి ఆపరేషన్ చేస్తున్నప్పుడు, అతను , అతని సహచరులు తీవ్ర ఒత్తిడికి గురవుతారు. నీలం, ఆకుపచ్చ దుస్తులలో ఉన్న వ్యక్తులు వారి చుట్టూ ఉన్నప్పుడు, వారి మానసిక స్థితి స్థిరంగా ఉంటుంది.
