Vastu Tips: ఒక్కోసారి కొందరి జీవితాల్లో అనుకోని మార్పులు జరుగుతూ ఉంటాయి. ఎంత కష్టపడి సంపాదించినా డబ్బు నిలవదు. అలాగే ఎంత మర్యాదగా ఉన్న కుటుంబ సభ్యుల మధ్య గొడవలు జరుగుతూ ఉంటాయి. అందుకో కారణం ఇంట్లోనే కొన్ని వస్తువుల వాస్తు లోపమేనని వాస్తు శాస్త్రం తెలుపుతుంది. ఇంట్లోని కొన్ని వస్తువులను సక్రమ దిశలో పెట్టకుండా అస్తవ్యస్తంగా ఉండడంవల్ల ఆర్థిక సమస్యలతో పాటు.. కుటుంబ సభ్యుల మధ్య తగాదాలు ఉంటాయని వాస్తు శాస్త్రం తెలుపుతుంది. అయితే వీటిలో ముఖ్యంగా చీపురు గురించి ప్రధానంగా చెప్పుకోవచ్చు. ఇంట్లో చీపురు అనగానే కేవలం శుభ్రం చేయడానికి వాడే వస్తువు అని మాత్రమే అనుకుంటాం. కానీ చీపురును సక్రమ దిశలో ఉంచకపోతే ఎన్నో నష్టాలు జరిగే అవకాశం ఉందని వాస్తు శాస్త్రం తెలుపుతుంది. అయితే చీపురును ఏ దిశలో పెట్టాలి? ఎక్కడ ఉంచాలి?
Also Read: హైదరాబాద్ వెరీ కాస్ట్లీ…రూ. 31,000 లేనిదే జీవితం సాగదు.. కారణం ఇదే..
కొంతమంది చీపురును శుభ్రం చేసే వస్తువు అనుకుంటారు. కానీ మరికొందరు మాత్రం చీపురును లక్ష్మీ దేవతతో పోలుస్తారు. ఎందుకంటే చీపురు వల్ల ఇంట్లో లక్ష్మీ కూడా కొలువై ఉండే అవకాశం ఉంది. చీపురును శనివారం కొనుగోలు చేయరాదు. మిగతా రోజుల్లో మాత్రమే కొనుగోలు చేయాలి. అలాగే ఎవరికీ చీపురును దానం ఇవ్వరాదు. ఇంట్లో పాడైపోయిన చీపురును ఇంట్లో నుంచి విసిరి కొట్టరాదు. అలా చేయడం వల్ల ఇంట్లో నుంచి లక్ష్మీని బయటకు పంపినట్లు అవుతుందని అంటారు.విషయంలో జాగ్రత్తలు పాటించాలని తెలుపుతున్నారు.
అయితే ఇంట్లో శుభ్రంగా ఉంచే చీపురు ను సక్రమమైన దిశలో ఉంచాలని అంటున్నారు. చీపురును ఇంట్లో అందరికీ కనిపించేలా కాకుండా నైరుతి లేదా పడమర దిశలో ఉంచాలని అంటున్నారు. తూర్పు వైపు ఉంచిన పర్వాలేదని చెబుతున్నారు. కానీ చాలామంది చీపురును ఈశాన్యంలో ఉంచుతారు. అయితే ఈశాన్యంలో దైవ శక్తి ఎక్కువగా ఉంటుంది. అందువల్ల ఇక్కడ ఇంటిని శుభ్రపరచిన చీపురును ఈశాన్యంలో ఉంచరాదు. అలా ఉంచడం వల్ల దేవతలకు కోపం వస్తుందని వాస్తు శాస్త్రం తెలుపుతుంది. అలాకాకుండా పైన చెప్పిన విధంగా చీపురును ఉంచాలి. అలాగే చీపురు గోడకు ఆనించి మాత్రమే ఉంచాలి. పొరపాటున కూడా చీపురును బెడ్ రూమ్ లేదా వంట గదిలో ఉంచరాదని తెలుపుతున్నారు. అయితే పూజ గదిలో ప్రత్యేకంగా ఉండే చీపురు ఆ గదిలో తూర్పు వైపు ఉంచుకోవచ్చు.
ఇక చీపురులు పాడైపోయిన తర్వాత కొత్తదానిని తీసుకురావాలి. ఎందుకంటే పాడైపోయిన చీపురుతో దరిద్రం వస్తుంది. అలాగే కొత్త చీపురును కొనుగోలు చేసే సమయంలో వారాలు కచ్చితంగా చూసుకోవాలి. రాత్రి సమయంలో చీపురును కొనుగోలు చేయరాదు. ఇలా చేయడం వల్ల ఇంట్లో పాజిటివ్ ఎనర్జీ వస్తుంది. కుటుంబ సమస్యలు తొలగిపోతాయి. చీపురు నే కదా అని తేలికగా తీసిపారేస్తే ఎన్నో సమస్యలు ఎదురవుతూ ఉంటాయి. చీపురులో లక్ష్మీ దేవత కొలువై ఉంటుందని.. అయితే దీనిని సక్రమమైన దిశలో ఉంచితే ఎన్నో లాభాలు ఉంటాయని చెబుతున్నారు. వాస్తు శాస్త్రం ప్రకారం చీపురు వల్ల కూడా ఇల్లు సంతోషంగా ఉండే అవకాశం ఉందని అంటున్నారు.
Also Read: భారీ బ్యాటరీ.. అద్భుతమైన ఫీచర్స్.. అందుబాటులోకి కొత్త ఫోన్..
