Husband Wife
Husband Wife: పెళ్లి అనేది జన్మ జన్మల బంధం అంటారు. పెళ్లిళ్లు స్వర్గంలోనే జరుగుతాయని భావిస్తారు. పెళ్లి సంబరం ఏడాది వరకు బాగానే ఉంటుంది. తర్వాత కష్టాలు మొదలవుతాయి. వాటిని దాటుకుని వెళ్తేనే బంధం బలపడుతుంది. సంసార నావ సాఫీగా సాగాలంటే ఒకరి ఆలోచనలతో మరొకరికి ఇబ్బంది కలగకుండా ఉండాలి. ఇక ఒకరి అంచనాలకు తగినట్లుగా మరొకరు ఉండాలి. చాలా మంది భార్యలు భర్తల్లో ఈ 5 లక్షణాలు ఉండాలని కోరుకుంటారు.అవేంటో తెలుసుకుందాం.
1. భర్తలో భార్య కోరుకునే మొదటి లక్షణం తనని అర్థం చేసుకోవాలని. ఎక్కువగా అహంకారం చూపించకుండా, అర్థం చేసుకునే తత్వం ఉంటే బాగుంటుంది అని భార్యలు అనుకుంటారు.
2. ఇక సర్‌ప్రైజ్‌ అంటే చాలా మంది భార్యలు ఇష్టపడతారు. తమ భర్తలు తమను సర్‌ప్రైజ్‌ చేయాలని భార్యలు కోరుకుంటారు. వారికి నచ్చినది ఏదో తెలుసుకుని అడగకుండానే తమ భర్తలు తీసుకురావాలి కోరుకుంటారు.
3. ఇక చాలా మంది భార్యలు తమ భర్తలు నిజాయతీగా ఉండాలని కోరుకుటారు. ఏదైనా తప్పు చేసినా దానిని తమ ముందు ఒప్పుకోవాలని కోరుకుంటారు. ఆ విషయం వలన భార్య మొదట బాధపడినా తర్వాత అర్థం చేసుకుని తర్వాత నిజాయతీని అంగీకరిస్తుంది. అబద్ధాలు చెప్పడం కంటే, నిజం చెప్పి నిజాయితీగా ఉన్న వారిని మాత్రమే భార్యలు ఇష్టపడతారు.
4. ఇక ప్రతీ మనిషికి కష్టాలు ఉంటాయి. భార్యలు తమ కష్టాలను తాము చెప్పక ముందే భర్తలు తెలుసుకోవాలని ఆశిస్తారు. తెలుసుకున్న తర్వాత కూడా మర్చిపోకుండా ఉండాలని భావిస్తారు.
5. ఏ ఇద్దరికీ ఒకే రకమైన అభిప్రాయాలు ఉండవు. కలిసి ఉన్నా భిన్నాభిప్రాయాలు ఉంటాయి. ఇలా ఉన్నప్పుడు తన అభిప్రాయానికే భర్త విలువ ఇవ్వాలని భార్యలు కోరుకుంటారు. భర్త అభిప్రాయాన్ని తమపై రుద్దకుండా ఉండాలని భార్యలు ఆశిస్తారు. నచ్చకపోతే నచ్చలేదని చెప్పాలి కానీ, భర్త అభిప్రాయం ఏకీభవించాలని ఒత్తిడి చేయొద్దని అనుకుంటారు.
ఇవీ చాలా మంది భార్యలు భర్త నుంచి ఎక్కువగా ఆశించే విషయాలు. ఇలాంటి లక్షణాలు ఉన్న భర్తనే కావాలని కోరుకుంటారు.
