Overthinking : నేటి బిజీ లైఫ్లో అతిగా ఆలోచించడం చాలా మందికి కామన్ గా మారింది. అతిగా ఆలోచించడం అనే సమస్య సర్వసాధారణమైపోయింది. మీరు ఎన్ని ప్రయత్నాలు చేసినప్పటికీ మీరు ఈ సమస్య నుంచి బయటపడకపోతే, ఈ రోజు దీన్ని పరిష్కరించుకునేలా కొన్ని టిప్స్ చూసేద్దాం. అతిగా ఆలోచించడం వల్ల మానసిక ప్రశాంతత దెబ్బతినడమే కాకుండా టెన్షన్, ఒత్తిడి, నిద్ర తగ్గడం, ఏకాగ్రత లోపించడం వంటివి జరుగుతాయి.
అతిగా ఆలోచించడానికి కారణం
ఒత్తిడి, ఆందోళన, అసంపూర్తిగా పని చేయడం, భవిష్యత్ ఉద్రిక్తత, ప్రతికూల ఆలోచనలతో సహా అతిగా ఆలోచించడానికి అనేక కారణాలు ఉండవచ్చు. చాలా సార్లు, గత సంఘటనల గురించి మళ్లీ మళ్లీ ఆలోచిస్తే అతిగా ఆలోచించే సమస్య వస్తుంది. మీరు కూడా ఇలాంటి సమస్యతో బాధ పడుతున్నారా?
1. యోగ, ధ్యానం: ధ్యానం, యోగా మనస్సును శాంతపరచడానికి, ఏకాగ్రతను పెంచడానికి చాలా ప్రభావవంతమైంగా పని చేస్తాయి. ప్రతిరోజూ కొంత సమయం కేటాయించి ధ్యానం, యోగా సాధన చేయండి.
2. శారీరక కార్యకలాపాలు. వ్యాయామం, పరుగు, ఈత వంటి శారీరక కార్యకలాపాలు ఎండార్ఫిన్ హార్మోన్లను విడుదల చేస్తాయి. ఇవి మానసిక స్థితిని మెరుగుపరుస్తాయి. ఒత్తిడిని తగ్గిస్తాయి.
3. మీ భావోద్వేగాలను వ్యక్తపరచండి: మీ భావాలను అణచివేయడానికి బదులుగా, వాటిని ఇతరులతో అంటే మిమ్మల్ని చాలా నమ్మే వ్యక్తులతో మాత్రమే పంచుకోండి. ఇది మీకు తేలికైన అనుభూతిని కలిగిస్తుంది. సమస్యకు పరిష్కారాన్ని కనుగొనడంలో సహాయపడుతుంది.
4. ప్రతికూల ఆలోచనలను సవాలు చేయండి. మీ మనస్సులో ప్రతికూల ఆలోచనలు వచ్చినప్పుడు, వాటిని సవాలు చేయండి. సానుకూల ఆలోచనలపై దృష్టి పెట్టండి.
5 ప్రస్తుత క్షణంలో జీవించండి, గతం, భవిష్యత్తు గురించి చింతించడం మానేసి, వర్తమానంలో జీవించడానికి ప్రయత్నించండి.
6. మీ అభిరుచులపై దృష్టి పెట్టండి. ఇది మీ మనస్సును బిజీగా ఉంచుతుంది. ప్రతికూల ఆలోచనలకు దూరంగా ఉండవచ్చు.
7. నిద్ర లేమి కూడా అతిగా ఆలోచించే సమస్యను పెంచుతుంది. కాబట్టి రోజూ 7-8 గంటలు నిద్రపోవాలి.
8. నిపుణుల సహాయాన్ని కోరండి. మీరు ఈ సమస్యను మీ స్వంతంగా ఎదుర్కోలేకపోతున్నారని భావిస్తే, మానసిక ఆరోగ్య నిపుణుల నుంచి సహాయం కోరేందుకు సిగ్గుపడకండి.
9. చమోమిలే టీ తాగండి. చమోమిలే టీలో యాంటీ స్ట్రెస్ గుణాలు ఉన్నాయి. ఇవి మనస్సును ప్రశాంతంగా ఉంచడంలో సహాయపడతాయి.
10. అశ్వగంధను తీసుకోండి. అశ్వగంధ అనేది ఒత్తిడిని తగ్గించడానికి తెలిసిన సహజ మూలిక.
11. కాస్త బయటకు వెళ్లండి. ఇంట్లో నుంచి ప్రకృతిని ఆస్వాదించడానికి అలా బయటకు వెళ్లండి. ప్రకృతితో కాస్త మమేకం అవండి. దీని వల్ల మీరు కాస్త మనశ్శాంతిగా ఉంటారు. ఆలోచించడం మానేయడానికి ఏ విషయంలో అయినా సరే మీరు బిజీ అవ్వండి. లేదంటే మీకు ఇష్టమైన పనిలో నిమగ్నం అవండి.
