Meaning of Kuruvruddhulu: రాజకీయాల్లో వార్తలు విన్నప్పుడు ఎక్కువగా కురువృద్ధుడు అనే పదం వింటూ ఉంటాం. అలాగే కొన్ని సందర్భాల్లో సామాజిక, సాహిత్యం, విద్యా రంగాల్లో కృషి చేసిన వారిని సైతం ఇలా పిలుస్తూ ఉంటారు. ఒక రంగంలో దశాబ్దాల పాటు సేవలు అందించిన పెద్దలను గౌరవించి మాట్లాడేటప్పుడు ఈ పదం వినిపిస్తుంది. ఉదాహరణకు రాజకీయ కురువృద్ధుడు అనగానే ఎల్కే అద్వానీ పేరు వచ్చేది. అయితే ఈ కురువృద్ధుడు అనే పదం మహాభారతంలోని మొదలైంది. అప్పటి నుంచే దీనిని వాడుతున్నారు. ఇంతకీ కురువృద్ధుడు అంటే అర్థమేంటి?
కురు అనేది మహాభారత కాలంలోని రాజవంశానికి పేరు. హస్తినాపురం ను పాలించిన ఈ వంశంలో పాండవులు, కౌరవులు ఇద్దరూ ఉంటారు. అందువల్ల ఆ వంశానికి చెందిన పెద్దలను కురువృద్ధులు అని పిలిచేవారు. భీష్ముడు, ధృతరాష్ట్రుడిని కురువృద్ధులుగా సంబోధిస్తారు. అయితే ఇక్కడ వృద్ధులు అనే పదం వయసు పెరిగిన వారికే కాకుండా అనుభవం, జ్ఞానం, రాజకీయ అవగాహన, నిర్ణయ సామర్థ్యం కలిగిన వారిని కూడా సూచిస్తుంది. అందుకే ఈ పదం ను కొందరికి మాత్రమే వాడుతారు. రాజకీయాల్లో సీనియర్ నాయకులు అనుభవంతో పాటు చరిత్రకు సాక్షులుగా ఉంటారు. అనేక ప్రభుత్వాలు, ఎన్నికలు, సిద్ధాంత మార్పులు చూసిన నాయకులుగా పేర్కొనబడతారు. అందుకే వారిని రాజకీయ కురువృద్ధులుగా పేర్కొంటారు.
అయితే రాజకీయాల్లో ఉండేవారు మాత్రమే కాకుండా సాహిత్యం, న్యాయవ్యవస్థ, సినిమా, విద్యా రంగాల్లోనూ కీలకంగా ఉన్నవారికి కురువృద్ధులు అనే పదం వాడుతున్నారు. సాహిత్య రంగంలో అనేక దశాబ్దాలుగా రచనలు చేసి తరతరాల వారికి ప్రభావం చూసిన వారిని కురువృద్ధులుగా పేర్కొంటారు. అలాంటి వారిలో సి నారాయణ రెడ్డి, యార్లగడ్డ లక్ష్మీ ప్రసాద్, విశ్వనాథ సత్యనారాయణ వంటి వారు సాహిత్య రంగంలో ఎనలేని సేవలు చేశారు. అలాగే న్యాయవ్యవస్థలో చట్టపరమైన అవగాహన, రాజ్యాంగంపై పట్టు, ప్రజాస్వామ్య వ్యవస్థకు చేసిన సేవలతో కొందరు న్యాయమూర్తులు ఈ గౌరవాన్ని పొందుతారు. అలాంటి వారిలో ఎంఎన్ వెంకటాచలయ్య, ఎస్ నరిమాను, పి సదాశివం వంటి వారు ఉన్నారు. సినిమా రంగాల్లో అమితాబచ్చన్, కే విశ్వనాథ్, అక్కినేని నాగేశ్వరరావు వంటి వారు కురువృద్ధులుగా పేర్కొనపడతారు. విద్యారంగంలో యశ్పాల్ వంటి వారు ప్రముఖులుగా ఉన్నారు.
