IPO Targets 3600 Crore: భారతదేశంలో సిమెంట్ రంగం గణనీయమైన డిమాండ్తో వేగంగా వృద్ధి చెందుతోంది. ఈ నేపథ్యంలో జేఎస్డబ్ల్యూ సిమెంట్ తన ఇనిషియల్ పబ్లిక్ ఆఫరింగ్(ఐపీవో) ద్వారా రూ. 3,600 కోట్లను సమీకరించేందుకు సిద్ధమవుతోంది. ఈ ఐపీవోలో రూ.1,600 కోట్ల తాజా ఈక్విటీ షేర్ల జారీ, రూ.2,000 కోట్ల ఆఫర్ ఫర్ సేల్ ఉన్నాయి. గ్రీన్ సిమెంట్పై దృష్టి సారించిన జేఎస్డబ్ల్యూ సిమెంట్ భారతదేశంలోని ఇన్ఫ్రాస్ట్రక్చర్, రియల్ ఎస్టేట్ రంగాల డిమాండ్ను ఉపయోగించుకోవాలని లక్ష్యంగా పెట్టుకుంది. అయితే, ఈ ఐపీవో పెట్టుబడికి అవకాశమా లేక రిస్క్తో కూడిన పెట్టుబడా? అన్న చర్చ జరుగుతోంది.
Also Read: రాహుల్ జీ.. ఎన్నిరోజులు ఈ కాకమ్మ కథలు!
గ్రీన్ సిమెంట్లో అగ్రగామి
2009లో స్థాపితమైన జేఎస్డబ్ల్యూ సిమెంట్ గ్రీన్ సిమెంట్ తయారీలో భారతదేశంలో అగ్రగామిగా నిలిచింది. ఆంధ్రప్రదేశ్, కర్ణాటక, తమిళనాడు, మహారాష్ట్ర, పశ్చిమ బెంగాల్, ఒడిశాలలో ఏడు ఉత్పాదక యూనిట్లతో, మార్చి 31, 2025 నాటికి కంపెనీ గ్రైండింగ్ సామర్థ్యం 20.60 మిలియన్ మెట్రిక్ టన్నులు. ఇందులో దక్షిణాదిలో 11 మిలియన్ మెట్రిక్ టన్నులు కాగా, పశ్చిమాదిలో 4.50, తూర్పున 5.10 మిలియన్ మెట్రిక్ టన్నులుగా ఉంది. కంపెనీ గ్రౌండ్ గ్రాన్యులేటెడ్ బ్లాస్ట్ ఫర్నేస్ స్లాగ్ (జీజీబీఎస్) ఉత్పత్తిలో 84% మార్కెట్ వాటాతో దేశంలోనే అగ్రగామిగా ఉంది. కంపెనీ కార్బన్ డైఆక్సైడ్ ఎమిషన్ ఇంటెన్సిటీ భారత సగటు కంటే 52% తక్కువగా, గ్లోబల్ సగటు కంటే 54% తక్కువగా ఉందని పేర్కొంది.
ఐపీవో వివరాలు..
జేఎస్డబ్ల్యూ సిమెంట్ ఆగస్టు 7న ప్రారంభమైంది. ఆగస్టు 11న ముగుస్తుంది. షేర్ ధర బ్యాండ్ రూ. 139 నుంచి రూ. 147గా నిర్ణయించబడింది, కనీస లాట్ సైజు 102 షేర్లు, రిటైల్ ఇన్వెస్టర్లకు కనీస పెట్టుబడి రూ. 14,178. ఐపీవోలో 50% షేర్లు క్వాలిఫైడ్ ఇన్సి్టట్యూషనల్ బయ్యర్స్, 15% నాన్–ఇన్సి్టట్యూషనల్ ఇన్వెస్టర్స్, 35% రిటైల్ ఇన్వెస్టర్లకు కేటాయించబడ్డాయి. ఆగస్టు 6న యాంకర్ ఇన్వెస్టర్ల నుంచి రూ. 1,080 కోట్లను సమీకరించింది. తాజా ఈక్విటీ జారీ నుంచి వచ్చే రూ. 1,600 కోట్లలో రూ. 800 కోట్లు రాజస్థాన్లోని నాగౌర్లో కొత్త ఇంటిగ్రేటెడ్ సిమెంట్ యూనిట్ స్థాపనకు, రూ. 520 కోట్లు రుణాల చెల్లింపుకు, మిగిలినవి జనరల్ కార్పొరేట్ పర్పస్లకు వినియోగించబడతాయి. ఓఎఫ్ఎస్ నుంచి వచ్చే రూ. 2 వేలకోట్లు షేర్హోల్డర్లకు చెందుతాయి.
జేఎస్డబ్ల్యూ బలాలు..
భారత సిమెంట్ రంగం 2025–29 మధ్య 6.5–7.5% సీఏజీఆర్తో వృద్ధి చెందుతుందని అంచనా. స్మార్ట్ సిటీస్, హైవేలు, అఫోర్డబుల్ హౌసింగ్ వంటి ప్రభుత్వ ఇన్ఫ్రాస్ట్రక్చర్ ప్రాజెక్ట్లు ఈ డిమాండ్ను నడిపిస్తున్నాయి. రెడీ–మిక్స్ కాంక్రీట్ రంగం 10–12% జీఏజీఆర్తో వృద్ధి చెందుతుందని అంచనా వేయబడింది. జేఎస్డబ్ల్యూ సిమెంట్, తన సామర్థ్యాన్ని 2027 నాటికి 40.85 మిలియన్ మెట్రిక్ టన్నుల సామర్థ్యం,దీర్ఘకాలంలో 60 మిలియన్ మెట్రిక్ టన్నుల సామర్థ్యానికి విస్తరించే లక్ష్యంతో, ఈ డిమాండ్ను సద్వినియోగం చేసుకోవడానికి సిద్ధంగా ఉంది. కంపెనీ రాజస్థాన్లో కొత్త యూనిట్ స్థాపనతో ఉత్తర భారతదేశంలోకి ప్రవేశిస్తోంది, ఇది దాని పాన్–ఇండియా సామర్థ్యాన్ని బలోపేతం చేస్తుంది. ఇప్పటికే దక్షిణ, తూర్పు, పశ్చిమ భారతదేశంలో బలమైన స్థానం ఉన్న జేఎస్డబ్ల్యూ, వ్యూహాత్మకంగా రా మెటీరియల్ సోర్సెస్కు సమీపంలో ఉన్న ప్లాంట్లతో లాజిస్టిక్స్ ఖర్చులను తగ్గిస్తోంది.
రిస్క్లు..
భారత సిమెంట్ రంగం అత్యంత పోటీతత్వంతో ఉంది, ఇందులో అల్ట్రాటెక్, అంబుజా, ష్రీ సిమెంట్, డాల్మియా వంటి పెద్ద ఆటగాళ్లు ఆధిపత్యం చెలాయిస్తున్నారు. ఈ కంపెనీలు స్కేల్, ప్రైసింగ్ పవర్, బ్రాండ్ ఈక్విటీలో బలంగా ఉన్నాయి, ఇది జేఎస్డబ్ల్యూ సిమెంట్ మార్కెట్ వాటాను విస్తరించడంలో సవాళ్లను ఎదుర్కొంటుంది. దక్షిణ, పశ్చిమ భారతదేశంలో పోటీ మరింత తీవ్రంగా ఉంది, ఇక్కడ పెద్ద ఆటగాళ్లు ధరలను తగ్గించి మార్కెట్ను కాపాడుకుంటారు. 2025 ఆర్థిక సంవత్సరంలో జేఎస్డబ్ల్యూ సిమెంట్ రూ. 163.77 కోట్ల నష్టాన్ని నమోదు చేసింది, ఇది 2024లో రూ. 62 కోట్ల లాభంతో పోలిస్తే గణనీయమైన తగ్గుదల. ఆపరేటింగ్ మార్జిన్స్ కుంచించుకుపోవడం, సిమెంట్ ధరల తగ్గుదల ఈ నష్టానికి కారణం. కంపెనీ మొత్తం రుణం మార్చి 2024 నాటికి రూ. 5,835.76 కోట్లుగా ఉంది, జేఎస్డబ్ల్యూ స్టీల్ నుంచి 90.93% స్లాగ్ సోర్సింగ్పై ఆధారపడటం వల్ల, స్టీల్ ఉత్పత్తిలో ఏదైనా అంతరాయం గ్రీన్ సిమెంట్ ఉత్పత్తిని ప్రభావితం చేయవచ్చు.
Also Read: టారిఫ్ లపై మోడీ-ధోవల్ చాణక్య వ్యూహం.. జడుసుకుంటున్న ట్రంప్
ఎవరికి అనుకూలం?
జేఎస్డబ్ల్యూ సిమెంట్ ఐపీవో దీర్ఘకాలిక పెట్టుబడిదారులకు, ముఖ్యంగా ఇన్ఫ్రాస్ట్రక్చర్, గ్రీన్ ఎకానమీ రంగాలపై ఆసక్తి ఉన్నవారికి ఆకర్షణీయంగా ఉంటుంది. భారతదేశం ఇన్ఫ్రాస్ట్రక్చర్ వృద్ధి, సస్టైనబిలిటీ ట్రెండ్లను దృష్టిలో ఉంచుకుని, జేఎస్డబ్ల్యూ సిమెంట్ దీర్ఘకాలంలో వృద్ధి సామర్థ్యాన్ని కలిగి ఉంది. అయితే, ఈ ఆర్థిక సంవత్సరంనష్టాలు, అధిక రుణం, ఎలివేటెడ్ వాల్యుయేషన్స్ వంటివి జాగ్రత్తగా పరిగణించాల్సిన అంశాలు.
