Summer pillow cover cleaning tips: మిగతా కాలాలతో పోల్చి చూస్తే.. ఎండాకాలం కాస్త భిన్నమైనది. ఎందుకంటే ఎండాకాలంలో ఉష్ణోగ్రతలు అధికంగా ఉంటాయి. గాలిలో తేమశాతం తక్కువగా ఉంటుంది. ఇలాంటి వాతావరణంలో ఉండాలంటే ఇబ్బందిగా ఉంటుంది. అందువల్లే చల్లదనాన్ని ఆస్వాదించాలని అందరికీ ఉంటుంది. ఈ నేపథ్యంలో ఎండాకాలంలో సాధ్యమైనంతవరకు కాటన్ దుస్తులను వాడుతుంటారు. చివరికి దిండ్ల కవర్లు కూడా కాటన్ వి వాడతారు.
సాధారణంగానే దిండ్ల కవర్లను కాటన్ వస్త్రాలతో రూపొందించిన వాటిని వాడుతుంటారు. ఎండాకాలంలో రాత్రి నిద్ర కూడా చెమట విపరీతంగా పడుతూ ఉంటుంది. ఏసీలో ఉన్నప్పటికీ కూడా ఒక రకమైన జిడ్డు దిండ్ల కవర్లకు అంటుకుంటుంది. ఆ జిడ్డు వాసన ఇబ్బంది పెడుతూ ఉంటుంది. ఫ్యాన్ల కింద, కూలర్ల కింద పడుకున్న వాళ్లకు కూడా చెమట వస్తూ ఉంటుంది. ఆ చెమట దిండ్ల కవర్లకు అంటుకుంటుంది. ఫలితంగా వాసన వస్తూ ఉంటుంది. మనిషి చెమటలో అనేక రకాలైన వ్యర్ధాలు ఉంటాయి. ఆ వ్యర్ధాలు రకరకాల వాసనలు కలిగి ఉంటాయి. ఆ చెమట పట్టిన కవర్లను శుభ్రం చేయకుండా ఉంటే రకరకాల ఇన్ఫెక్షన్లు సోకుతుంటాయి.
వైద్యుల సూచన ప్రకారం దిండ్ల కవర్లను ప్రతి రెండు మూడు రోజులకు ఒకసారి శుభ్రం చేస్తూ ఉండాలట. వాటిని రిటర్జెంట్ పౌడర్ వేసిన నీటిలో నానబెట్టి.. సబ్బుతో శుభ్రం చేయాలట. ఒకవేళ వాషింగ్ మిషన్ కనుక ఉంటే.. అందులో వేసి వాష్ చేయాలట. ఆ తర్వాత సువాసన కోసం కంఫర్ట్ లాంటి ద్రవం వేసి.. నీటిలో ముంచి తీయాలట.. ఆ తర్వాత వాటిని ఎండలో ఆరేయాలి. పూర్తిగా ఆరిన తర్వాత దిండు కవర్లను తీయాలి. ఇలా చేయడం వల్ల బ్యాక్టీరియా వృద్ధి కాదని వైద్యులు చెబుతున్నారు.
ఒకవేళ దిండ్ల కవర్లను మార్చకపోతే బ్యాక్టీరియా వృద్ధి చెందుతుంది. ఫలితంగా మొటిమలు, రకరకాల చర్మ సమస్యలు రావడానికి ఆస్కారం ఉంటుంది. చెమట వల్ల దిండ్లపై ధూళి కణాలు పేరుకు పోతాయి. వీటివల్ల శ్వాస కోశ సమస్యలు వస్తాయి. చెమట, జుట్టుకు పెట్టుకున్న నూనె వల్ల పిల్లో నుంచి దుర్వాసన వస్తుంది. కవర్లను మాత్రమే కాదు , దిండ్లను కూడా ప్రతి రెండు నుంచి మూడు నెలలకు ఒకసారి ఉతికి ఆరేయాలి. ఆ తర్వాత వాటిని వాడాలని వైద్యులు చెబుతున్నారు.
పడకగదిలో దుప్పట్లను కూడా ఎప్పటికప్పుడు ఉతుకుతూ ఉండాలి. వారానికి ఒకసారి వాటిని ఉతకడం వల్ల.. శుభ్రంగా ఉంటాయి. చెమట, ధూళికణాలు, వ్యర్ధాలు నశించిపోతాయి. ఫలితంగా చర్మ సమస్యలు రావు. దురద వంటి ఇబ్బందులు చుట్టుముట్టవు. సాధ్యమైనంతవరకు పడకగదిలో వాడే దుప్పట్లను ఎంత శుభ్రంగా ఉంచుకుంటే అంత మంచిదని వైద్యులు చెబుతున్నారు.
