Driving License : ఇకపై ఎవరైనా సరిగ్గా డ్రైవ్ చేయకపోతే మీ డ్రైవింగ్ లైసెన్స్ సస్పెండ్ అయ్యే ప్రమాదం ఉంది. ట్రాఫిక్ రూల్స్ను పట్టించుకోని వాళ్లకు చెక్ పెట్టడానికి రోడ్డు రవాణా మంత్రిత్వ శాఖ డ్రైవింగ్ లైసెన్స్ (డీఎల్)పై నెగెటివ్ మార్కింగ్ సిస్టమ్ను మొదలు పెట్టాలని నిర్ణయించింది. కొత్త సిస్టమ్లో సిగ్నల్ జంప్ చేయడం, వేగంగా డ్రైవ్ చేయడం వంటి తప్పులు చేసిన వాళ్లను గమనిస్తారు. ఒక డ్రైవర్ ఎక్కువ నెగెటివ్ మార్కులు తెచ్చుకుంటే వాళ్ల డీఎల్ను సస్పెండ్ చేయవచ్చు.
Also Read : చావా’ చిత్రానికి ఓటీటీ లో డిజాస్టర్ రెస్పాన్స్..ఇంత తక్కువ వ్యూస్ వచ్చాయా?
అధికారులు ప్రమాదాలు, ట్రాఫిక్ ఉల్లంఘనలు తగ్గించడానికి చాలా ప్రయత్నాలు చేశారు. భారీ జరిమానాలు, శిక్షలు విధించినా పెద్దగా ఫలితం లేదు. ఇండియాలో ప్రతి సంవత్సరం 1.7 లక్షల కంటే ఎక్కువ ప్రమాదాలు జరుగుతున్నాయి. రిపోర్ట్స్ ప్రకారం.. అధికారులు కఠినమైన చర్యలు తీసుకోవాల్సిన అవసరం ఉందని నిర్ణయించారు. అందుకే పాయింట్ సిస్టమ్ అవసరం అనుకుంటున్నారు. దీన్ని ఉల్లంఘనలకు శిక్షతో పాటుగా తీసుకొస్తారు.
మంత్రిత్వ శాఖ డీఎల్ సిస్టమ్లో మార్పుల కోసం జరిగిన ఒక మీటింగ్లో ఈ ప్రతిపాదన తీసుకొచ్చారు. ఆస్ట్రేలియా, యూకే, జర్మనీ, బ్రెజిల్, ఫ్రాన్స్, కెనడా వంటి దేశాలలో ఈ సిస్టమ్ ఉందని అధికారులు చెప్పారు. రాబోయే రెండు నెలల్లో చట్టంలో మార్పులు చేసినప్పుడు కొత్త నంబర్ సిస్టమ్ను తీసుకొస్తామని అధికారులు అంటున్నారు. మంచి విషయం ఏంటంటే బాగా డ్రైవ్ చేస్తే పాయింట్లు ఇస్తారు.. చెత్తగా డ్రైవ్ చేస్తే పాయింట్లు కట్ చేస్తారు.
రెన్యూవల్ చేసుకునే వాళ్లు టెస్ట్ ఇవ్వాల్సిందే
కొత్త సిస్టమ్లో ఇతర ప్లాన్స్లో భాగంగా, డ్రైవింగ్ లైసెన్స్ను రెన్యూవల్ చేసుకోవాలనుకునే వాళ్లు, ఎవరైనా తప్పులు చేసి ఉంటే వాళ్లు తప్పనిసరిగా డ్రైవింగ్ టెస్ట్ ఇవ్వాలి. ప్రస్తుతం లైసెన్స్ గడువు ముగియకముందే రెన్యూవల్ చేసుకోవాలనుకునే వాళ్లకు డ్రైవింగ్ టెస్ట్ తప్పనిసరి కాదు.
ఈ కారణాల వల్లే ప్రమాదాలు
ఇండియాలో రోడ్డు ప్రమాదాలు ఒక పెద్ద సమస్యగా మారాయి. ప్రతి సంవత్సరం వేల మంది ఈ ప్రమాదాల్లో చనిపోతున్నారు. ముఖ్య కారణాల్లో వేగంగా డ్రైవ్ చేయడం, తాగి డ్రైవ్ చేయడం, ట్రాఫిక్ రూల్స్ను పట్టించుకోకపోవడం, రోడ్లు సరిగ్గా లేకపోవడం వంటివి ఉన్నాయి. చాలా ప్రమాదాలు నిర్లక్ష్యం వల్లే జరుగుతున్నాయి. ప్రభుత్వం హెల్మెట్, సీట్ బెల్ట్ తప్పనిసరి చేసింది కానీ అవగాహన లేకపోవడం వల్ల రూల్స్ పాటించడం లేదు. ప్రజల సహకారం, కఠినమైన చట్టాలు, రోడ్డు భద్రత విద్యతోనే ప్రమాదాలను తగ్గించవచ్చు.
