Papaya Tree
Papaya Tree : వాస్తు శాస్త్రం ప్రకారం ఇంటి ముందు బొప్పాయి చెట్టును నాటకూడదు అంటున్నారు నిపుణులు. ఇది అశుభ మైనదిగా పరిగణిస్తారు. బొప్పాయి చెట్టు దానంతట అదే పెరిగితే దానిని తొలిదశలో పెకిలించి వేరొక చోట నాటాలి. చెట్టు పెద్దగా పెరిగి ఫలాలు ఇవ్వడం మానేసి నట్లయితే, దానిని కత్తిరించే బదులు, దాని ట్రంక్‌లో రంధ్రం చేసి, ఇంగువతో నింపడం మంచిది. ఇలా చేయడం వల్ల ఇంటికి వచ్చే నెగటివ్ ఎనర్జీ ప్రభావం తగ్గుతుంది.
బొప్పాయి చెట్టును ఎందుకు నాటకూడదంటే?
ఆర్థిక సంక్షోభానికి కారణం
వాస్తు శాస్త్రం ప్రకారం ఇంటి ముందు బొప్పాయి చెట్టును నాటడం శ్రేయస్కరం కాదు. ఇది వ్యక్తి ఆర్థిక పరిస్థితిపై ప్రతికూల ప్రభావం చూపుతుంది. ఈ చెట్టు వల్ల కుటుంబ సభ్యులకు డబ్బు సంపాదనలో ఇబ్బందులు, అనవసర ఖర్చులు పెరగవచ్చు. ఇది కాకుండా, అటువంటి ఇల్లు ఎల్లప్పుడూ ఆర్థిక సమస్యలను ఎదుర్కొంటుంది. ఇది మొత్తం కుటుంబానికి ఆందోళన కలిగించవచ్చు అంటున్నారు నిపుణులు. అందువల్ల, ఇంట్లో ఆనందం, శ్రేయస్సును కొనసాగించడానికి, ఇంటి ముందు ఈ చెట్టును నాటడం మానేయాలి అంటున్నారు పండితులు.
ఆనందం- శాంతికి కరువు..
ఇంటి ముందు లేదా పెరట్లో బొప్పాయి చెట్టును నాటడం వల్ల కుటుంబ సభ్యులలో అశాంతి, ఉద్రిక్తత ఏర్పడుతుందట. ఈ చెట్టు ప్రభావం వల్ల ఇంట్లో తరచూ గొడవలు, మనస్పర్థలు తలెత్తుతాయని చెబుతున్నారు. కుటుంబ సభ్యుల మధ్య పరస్పర అవగాహన తగ్గుతుందట. సంబంధాలు విచ్ఛిన్నం కావచ్చు. దీనితో పాటు, ఇంటి వాతావరణంలో సానుకూల శక్తి లేకపోవడం, దీని కారణంగా ఇంట్లో ఎల్లప్పుడూ భారం, ప్రతికూల భావన ఉంటుంది అంటున్నారు పండితులు.
పూర్వీకుల ఇల్లు
జ్యోతిష్య శాస్త్రం ప్రకారం, బొప్పాయి చెట్టు పూర్వీకులతో సంబంధం కలిగి ఉంటుంది. బొప్పాయి చెట్టులో పూర్వీకులు నివాసం ఉంటారని, ఇంటి ముందు లేదా ప్రాంగణంలో నాటడం వల్ల పూర్వీకుల ఆగ్రహానికి గురి అవుతారు అంటున్నారు. ఇది కుటుంబ సభ్యుల ఆరోగ్యం, వృత్తి, మానసిక ప్రశాంతతను ప్రభావితం చేస్తుంది. పూర్వీకుల అసంతృప్తి వల్ల కుటుంబంలో తరచూ అనారోగ్యం, అపజయాలు, మానసిక ఒత్తిడి వంటి అనేక సమస్యలు ఏర్పడతాయి. అందువల్ల ఇంటి నుంచి దూరంగా నాటడం మంచిది.
మొక్కలకు సంబంధించిన ఇతర నమ్మకాలు
ఇంట్లోని పిల్లలకు మర్రి చెట్టు ఎలా హానికరమో, అదేవిధంగా బొప్పాయి చెట్టు కూడా ఇంటి పురోగతికి, సంతోషానికి, శాంతికి ఆటంకం కలిగిస్తుందని నమ్ముతారు. బొప్పాయి చెట్టు ఇంట్లో ప్రతికూల శక్తిని ఉత్పత్తి చేస్తుంది, ఇది కుటుంబ సభ్యుల జీవితంలో ఆటంకాలు, అడ్డంకులను కలిగిస్తుంది. అలాగే ఇంట్లో ఉండే ఇతర మొక్కల కంటే ఈ చెట్టు వల్ల ఎక్కువ సమస్యలు వస్తాయి.
బొప్పాయి చెట్టును ఎక్కడ నాటాలి?
మీరు బొప్పాయిని నాటాలనుకుంటే, ఇంటి నుంచి దూరంగా, తోటలో, పొలంలో లేదా ఇంటిపై ప్రభావం చూపని ప్రదేశంలో నాటండి. ఇంటి ప్రధాన ద్వారం, ప్రాంగణం లేదా టెర్రస్ వద్ద మాత్రం నాటవద్దు. ఇంటి బయట నాటిన చెట్లు సానుకూల ప్రభావాన్ని చూపుతాయి. పర్యావరణాన్ని శుద్ధి చేయడంలో సహాయపడతాయి. ఇది కాకుండా, సరైన దిశలో నాటడం వల్ల ప్రయోజనకరంగా ఉంటుంది. ఉదాహరణకు, ఉత్తరం లేదా తూర్పు దిశలో ఉంచడం వల్ల దాని ప్రతికూల ప్రభావాలను తగ్గించవచ్చు.