West Bengal election results 2026 BJP victory : ఒకటి కాదు రెండు కాదు.. సంవత్సరాలు దాటిపోతున్నాయి. అధికారం మాత్రం దక్కడం లేదు. అలాగని అధికారానికి చాలా దూరం ఉండిపోతున్నారని కాదు.. ప్రజలు మార్పు కోరుకుంటున్నారు. కాకపోతే ఈసారి బలంగా అనుకున్నారు. ఫలితంగా బెంగాల్ ఈసారి కమలానికి జై కొట్టింది. దీదీపాలనకు రామ్ రామ్ చెప్పింది. దీంతో బెంగాల్ మొత్తం కమల పతాకం రెపరెపలాడుతోంది.
దేశంలో పెద్ద పెద్ద రాష్ట్రాలలో బిజెపి అధికారంలో ఉంది. పశ్చిమ బెంగాల్లో మాత్రం ఆ అవకాశం లేకుండా పోయింది. ఒకానొక సందర్భంలో మమత బెనర్జీ ఏకంగా బిజెపి అధినాయకత్వానికి సవాల్ విసిరింది. బిజెపి నాయకుల మీద దాడులు కూడా చేయించింది. ఇక హత్యల గురించి ప్రత్యేకంగా చెప్పాల్సిన అవసరం లేదు. చివరికి కేంద్ర దర్యాప్తు సంస్థలను కూడా బెంగాల్ రాష్ట్రంలోకి అడుగుపెట్టకుండా చూసింది. ఇలా చెప్పుకుంటూ పోతే మమత అరాచకాలు మామూలువి కావు.
మమత పరిపాలన విషయంలో బెంగాల్ ప్రజలు కొంతకాలంగా తీవ్రమైన అసంతృప్తితో ఉన్నారు. ముఖ్యంగా అల్లుడు చేస్తున్న అరాచకాలు బెంగాల్ ప్రజల్లో తీవ్ర ఆగ్రహానికి కారణమయ్యాయి. దీంతో వారు ఈసారి మార్పు కోరుకున్నారు. అనుకున్నట్టుగానే బెంగాల్ ప్రజలు మమత పార్టీని తన్ని తరిమేశారు..
బెంగాల్ ఎన్నికల్లో ఇప్పటివరకు 294 స్థానాలకు గాను, 181 స్థానాలలో ఫలితాలు దాదాపుగా వెళ్లడయ్యాయి. ఇందులో బిజెపి 93 స్థానాలలో లీడ్ కొనసాగిస్తోంది. మమత పార్టీ 82 స్థానాల్లో ముందు వరుసలో ఉంది. ఈ నేపథ్యంలో బిజెపి కోరుకున్న లక్ష్యం నెరవేరడంతో.. ఆ పార్టీ కార్యకర్తల ఆనందానికి అవధులు లేకుండా పోయాయి. ముఖ్యంగా బిజెపి కేంద్ర కార్యాలయంలో సంబరాలు జరపడానికి కార్యకర్తలు సిద్ధంగా ఉన్నారు.
ఇప్పటికే కార్యకర్తల సంఖ్యకు అనుగుణంగా బిజెపి కేంద్ర కార్యాలయంలో జిలేబిలు, రసగుల్లాలు తయారు చేస్తున్నారు. జిలేబిలు, రసగుల్లాల తయారీతో బిజెపి కేంద్ర కార్యాలయంలో ఘుమఘుమలు వినిపిస్తున్నాయి. తద్వారా బిజెపి కేంద్ర కార్యాలయం ఒకసారిగా హోటల్ లాగా మారిపోయింది.. గతంలో కేంద్రంలో అధికారంలో వచ్చినప్పుడు.. అనేక రాష్ట్రాలలో అధికారాన్ని దక్కించుకున్నప్పుడు బిజెపి కేంద్ర కార్యాలయంలో సంబరాలు మాత్రమే జరిగాయి. ఈ స్థాయిలో రసగుల్లాలు, జిలేబీలు తయారు చేయలేదు. దీనిని బట్టి బెంగాల్ ఎన్నికలను బిజెపి ఏ స్థాయిలో తీసుకుందో అర్థం చేసుకోవచ్చు.
