Varun Tej : యంగ్ హీరోల్లో మంచి టాలెంట్ ఉన్న నటులలో ఒకరు వరుణ్ తేజ్. మెగా ఫ్యామిలీ నుండి నాగబాబు తనయుడిగా ఇండస్ట్రీ లోకి గ్రాండ్ గా ఎంట్రీ ఇచ్చారు. మొదట్లో సక్సెస్ ఈయనకు అంత తేలికగా రాలేదు కానీ , ఆ తర్వాత మాత్రం ఇండస్ట్రీ ని షేక్ చేసే సూపర్ హిట్స్ ఎన్నో అందించారు. ఫిదా , తొలిప్రేమ , గడ్డలకొండ గణేష్ , F2 ,F3, ఇలా ఎన్నో సంచలనాత్మక చిత్రాల్లో హీరో గా నటించి సెన్సేషన్ క్రియేట్ చేశారు. అయితే కరోనా లాక్ డౌన్ తర్వాత ఈయన చేసిన ప్రతీ సినిమా కమర్షియల్ గా పెద్ద డిజాస్టర్ ఫ్లాప్ గా నిల్చింది. ఇక కెరీర్ ముగిసిపోతుంది అని అనుకుంటున్న సమయంలో ఆయన ప్రకటించిన చిత్రం ‘కొరియన్ కనకరాజు’. మేర్లపాక గాంధీ దర్శకత్వం లో తెరకెక్కిన ఈ సినిమా ఆగస్టు 7 న ప్రపంచవ్యాప్తంగా గ్రాండ్ రిలీజ్ కానుంది.
రీసెంట్ గానే ఈ చిత్రం నుండి విడుదల చేసిన టీజర్ కి ఆడియన్స్ నుండి అద్భుతమైన రెస్పాన్స్ వచ్చింది. ఇక నిన్న ఈ చిత్రానికి సంబంధించిన రెండవ పాటని ఒక గ్రాండ్ ఈవెంట్ ని ఏర్పాటు చేసి లాంచ్ చేశారు. ఈ ఈవెంట్ కి వరుణ్ తేజ్ చేతి కర్ర సాయం తో , ఇబ్బంది పడుతూ నడుస్తూ రావడాన్ని చూసిన అభిమానులు తీవ్రమైన ఆందోళన వ్యక్తం చేశారు. ఎలా ఉండే వరుణ్ తేజ్ , ఎలా అయిపోయారు, ఇంకా ఎంత కాలం ఈ నొప్పితో ఇబ్బంది పడాలి అంటూ ఆవేదన వ్యక్తం చేస్తున్నారు. వరుణ్ తేజ్ కి ఈ పరిస్థితి రావడానికి ముఖ్య కారణం ‘బరి’ అనే చిత్రమే. ‘కమిటీ కుర్రాళ్ళు’ వంటి సూపర్ హిట్ చిత్రాన్ని తెరకెక్కించిన యాడు వంశీ ఈ చిత్రానికి దర్శకత్వం వహించనున్నారు.
గ్రామీణ ఫుట్ బాల్ ఆట నేపథ్యం లో తెరకెక్కే ఈ సినిమాకు సంబంధించిన ప్రాక్టీస్ సెషన్స్ లో పాల్గొని , ఫుట్ బాల్ ఆడుతున్నప్పుడు వరుణ్ తేజ్ కి ఈ దురదృష్టకరమైన సంఘటన జరిగింది. అయితే ఆ తర్వాత సర్జరీ జరిగిందని , వరుణ్ తేజ్ నెమ్మదిగా కోలుకుంటున్నారని చెప్పారు కానీ , ఆయన ఇంకా పూర్తి స్థాయిలో కోలుకోలేదని నిన్నటి ఈవెంట్ ని చూస్తే అర్థం అవుతోంది. ఈ ఈవెంట్ లో ఆయన చేతి కర్ర సాయంతో చాలా కష్టం మీద నడుచుకుంటూ వచ్చారు. సంఘటన జరిగి నాలుగు నెలలు కావొస్తున్నా, ఇప్పటికీ వరుణ్ తేజ్ పూర్తి స్థాయిలో కోలుకోలేదంటే , దెబ్బ ఎంత గట్టిగా తగిలిందో అర్థం చేసుకోవచ్చు. ఆయన ఇబ్బంది పడుతూ నడుస్తున్న ఈ వీడియో ని మీకోసం క్రింద అందిస్తున్నాము చూడండి.
https://www.youtube.com/shorts/6frVfgIqTw0
