గుంటూరు జిల్లా ఉండవల్లిలో టీడీపీ అధినేత చంద్రబాబు నాయుడు ఇంటి వద్ద ఉద్రిక్తత నెలకొంది. టీడీపీ నేత అయ్యన్నపాత్రుడు వ్యాఖ్యలపై ఆగ్రహం వ్యక్తం చేసిన వైసీపీ ఎమ్మెల్యే జోగి రమేష్.. ఆ వ్యాఖ్యలపై చంద్రబాబు క్షమాపణలు చెప్పాలని డిమాండ్ చేశారు. ఇంటి వద్దకు వైసీపీ నేతలతో చేరుకున్న జోగి రమేష్ ను టీడీపీ నేత బుద్దా వెంకన్న అడ్డుకున్నారు. ఈ క్రమంలో ఇరువురు నేతల మధ్య తోపులాట చోటుచేసుకుంది.
