Thalapathy Vijay mother : చాలామంది సంగీత అంటుంటారు. ఇప్పటికాలం వారు త్రిష అంటుంటారు. కానీ విజయ్ ఈ స్థాయిలో ఉన్నాడు అంటే వారిద్దరు కొంతమేర కారణం కావచ్చు. కానీ అతని జీవితంలో ప్రారంభం నుంచి ఇప్పటివరకు వెంట ఉన్నది తనే. తను అతని కోసం ఎన్నో త్యాగాలు చేసింది. ఎన్నో ఇబ్బందులు పడింది. చివరికి ఈ స్థాయిలో చూస్తూ ఆనంద పడుతోంది.
నేడు మాతృ దినోత్సవం. ఇంతటి గొప్ప రోజున తన మాతృమూర్తి శోభ కు విజయ్ విలువైన కానుక ఇచ్చాడు. బహుశా ఒక తల్లిగా ఆమెకు ఇంతకంటే గొప్ప బహుమతి ఉంటుందని అనుకోదు. విజయ్ తల్లిగా అంటే కూడా శోభ తమిళనాడులో ప్లే బ్యాక్ సింగర్ గా సుపరిచితురాలు. ఆమె ఇండస్ట్రీలోకి రాకముందే లలిత సంగీత బృందంలో చేరారు. అక్కడ పాటలను ఆలపించేవారు. ఆమె పాడే గుణమే విజయ్ కి వచ్చింది. అందువల్లే విజయ్ తన సినిమాలో అనేక పాటలు పాడారు.. విజయ్ పుట్టిన తర్వాత అతడిని చూసుకోవడానికి ఇంట్లో ఎవరూ లేకపోతే.. శోభ ఆయనను తనతో పాటు షూటింగ్ తీసుకెళ్లారు. చెట్టుకు చీర కట్టి.. అందులోనే విజయ్ ని పడుకోబెట్టేవారు. కొడుకు కెరియర్ కోసం ఇవన్నీ కూడా ఆమె త్యాగం చేశారు.
చిన్నప్పుడు విజయ్ విపరీతంగా అల్లరి చేసేవాడు. ప్రతిరోజు దెబ్బలు తగిలించుకొని వచ్చేవాడు. ఎప్పుడైతే తన చెల్లెలు చనిపోయిందో.. ఇప్పుడే విజయ్ పూర్తిగా మారిపోయేవాడు. గదిలోనే కూర్చునేవాడు. పుస్తకాలు చదువుతూ ఉండేవాడు. ఆ సమయంలో అతడికి తల్లి శోభ అండగా ఉన్నారు. యోగ, ధ్యానాన్ని అతడి జీవితంలో ఒక భాగం చేశారు. చెల్లి గుర్తుకొచ్చిన ప్రతి సందర్భంలో విజయ్ విపరీతంగా ఏడ్చేవారట. శోభ చేసిన చక్కెర పొంగలి అంటే విజయ్ కి చాలా ఇష్టం. అందువల్లే శోభ విజయ్ కి దానిని వండి పంపించేవారు.
కెరియర్ ప్రారంభంలో విజయ్ తీవ్రంగా ఇబ్బంది పడ్డారు. ఆ సమయంలో శోభ అతడికి అండగా నిలిచారు. ఈ నేపథ్యంలో కెరియర్ గొప్పగా సాగుతున్న క్రమంలో విజయ్ మక్కల్ ఇయక్కం అనే సంఘాన్ని ఏర్పాటు చేశారు. దానిని విజయ తండ్రి రాజకీయ పార్టీగా నమోదు చేశారు. దీంతో విజయ్ పాలిటిక్స్ లోకి ప్రవేశిస్తున్నారని అప్పట్లో వార్తలు వినిపించాయి. ఆ క్రమంలో తండ్రి కొడుకుల మధ్య విభేదాలు ఎక్కువైపోయాయి. దీంతో విజయ్ సివిల్ కోర్టులో దావా కూడా వేశారు. అప్పుడు ఇద్దరి మధ్య ఏర్పడిన విభేదాలను శోభ పూడ్చారు. తండ్రి మీద కోపం ఉన్నప్పటికీ తల్లి విషయంలో విజయ్ ఒక గొప్ప కొడుకు గానే ఉన్నారు. శోభకు సాయిబాబా అంటే చాలా ఇష్టం. అందువల్లే ఆమె కోసం చెన్నైలో ఒక గుడి కూడా కట్టించారు విజయ్.
చాలామంది సంగీత అనుకుంటారు. ఇంకొంతమంది త్రిష కూడా అనుకుంటారు. అని వీళ్ళిద్దరి కంటే విజయ్ జీవితంలో శోభ ది పరిపూర్ణమైన పాత్ర. ఒక తల్లిగా.. స్నేహితురాలిగా.. శ్రేయోభిలాషిగా శోభ పోషించిన పాత్ర విజయ్ జీవితంలో నూటికి నూరు శాతం.
