OG 2 : ‘ఓజీ 2’ గురించి ఏ చిన్న అప్డేట్ బయటకి వచ్చిన సోషల్ మీడియా మొత్తం ఒక రేంజ్ లో ఊగిపోతోంది అనే సంగతి మన అందరికీ తెలిసిందే. ఈ సినిమాకు సంబంధించిన ప్రకటన వీడియో కి పవన్ ఫ్యాన్స్ సృష్టించిన భీభత్సాన్ని అంత తేలికగా ఎవ్వరూ మర్చిపోలేరు. పవన్ కళ్యాణ్ సైతం ఈ ప్రాజెక్ట్ పై స్పెషల్ ఆసక్తి చూపిస్తుండడం తో , కచ్చితంగా మరోసారి ఈ చిత్రం తో ఇండస్ట్రీ రికార్డ్స్ బద్దలు అవుతాయనే నమ్మకం తో ఉన్నారు ఫ్యాన్స్. ఓజాస్ గంభీర తండ్రి ‘జై గంభీర’ కి ఫ్లాష్ బ్యాక్ కి సంబంధించిన స్టోరీ తో ‘ఓజీ 2’ ని తెరకెక్కించబోతున్నారు. యాక్షన్ తో పాటు ఫాంటసీ కూడా మిక్స్ అయ్యి ఉండే ఈ సినిమా పై మూవీ లవర్స్ లో కూడా ప్రత్యేకమైన క్రేజ్ ఉంది.
ఇకపోతే ఈ సినిమాకు సంబంధించిన ఒక క్రేజీ అప్డేట్ ని , ఆ చిత్ర సంగీత దర్శకుడు తమన్ ‘హృదయం మురళి’ సాంగ్ లాంచ్ ఈవెంట్ లో ప్రకటించారు. శంషాబాద్ లోని గణేష్ థియేటర్లో ఈ ఈవెంట్ ని ఏర్పాటు చేయగా , తమన్ మైక్ అందుకొని మాట్లాడుతున్న సమయంలో , అక్కడి విద్యార్థులు పెద్ద ఎత్తున ‘ఓజీ..ఓజీ’ అంటూ నినాదాలు చేయడం మొదలు పెట్టారు. అప్పుడు తమన్ ‘సెప్టెంబర్ లో కలుద్దాం’ అంటూ ప్రకటన చేయడం తో ఒక్కసారిగా థియేటర్ మొత్తం బ్లాస్టింగ్ రేంజ్ రెస్పాన్స్ వచ్చింది. సెప్టెంబర్ 2 న పవన్ కళ్యాణ్ పుట్టిన రోజు సందర్భంగా ఈ సినిమాకు సంబంధించిన ఫస్ట్ లుక్ పోస్టర్ ని విడుదల చేయబోతున్నారు. అదే రోజున షూటింగ్ ప్రారంభం తేదీని కూడా ప్రకటిస్తారట. అందుతున్న విశ్వసనీయ వర్గాల సమాచారం ప్రకారం ఈ చిత్రం షూటింగ్ ని సెప్టెంబర్ నెలలోనే మొదలు పెట్టబోతున్నారట.
ప్రస్తుతం పోస్ట్ ప్రొడక్షన్ వర్క్ శరవేగంగా సాగుతోంది. సుజిత్ ఈ సినిమాకు సంబంధించిన క్యాస్ట్ ని ఫైనల్ చేసే పనిలో పడ్డారు. ఈ చిత్రం లో హీరోయిన్ గా పూజా హెగ్డే నటించబోతుందని ఇండస్ట్రీ వర్గాల్లో వినిపించిన టాక్ , కానీ అందులో ఎలాంటి నిజం లేదని తెలుస్తోంది. సుజిత్ బాలీవుడ్ హీరోయిన్ కోసం సంప్రదింపులు జరుపుతున్నారట. అదే విధంగా ఈ చిత్రం లో అనేక కొత్త క్యారెక్టర్స్ పరిచయం అవుతాయని , పాన్ ఇండియా లెవెల్ లో మంచి క్రేజ్ ని సొంతం చేసుకున్న నటీనటులు ఈ సినిమాలో భాగం అవ్వబోతున్నారని టాక్. సెప్టెంబర్ నెలలో షూటింగ్ ని మొదలు పెట్టి , వచ్చే ఏడాది సమ్మర్ లోపు షూటింగ్ ని పూర్తి చేసే ప్లాన్ లో ఉన్నారట మేకర్స్.
September lo Kaludham #OG2 Shoot Starts From September ️
– @MusicThaman pic.twitter.com/RMaKIJXjhy
— Likith… || OG2⚔️ (@likith004) July 7, 2026
