OG 2 : పవన్ కళ్యాణ్ అభిమానులు , ప్రేక్షకులు ‘ఓజీ 2’ మూవీ గురించి ఏ చిన్న అప్డేట్ వచ్చినా ఏ రేంజ్ లో ఊగిపోతుంటారో మన కళ్లారా చూస్తూనే ఉన్నాం. కేవలం ఈ సినిమాకు సంబంధించిన ప్రకటన వీడియో రాగానే సోషల్ మీడియా మొత్తం ఊగిపోయింది. వేల సంఖ్యలో ఎడిటింగ్స్ తో అభిమానులు సోషల్ మీడియా ని షేక్ చేసి వదిలారు. ఒక టీజర్, లేదా ట్రైలర్ విడుదలైతే ఏ రేంజ్ రెస్పాన్స్ వస్తుందో , ఆ రేంజ్ రెస్పాన్స్ కేవలం ప్రకటన కి సంబంధించిన వీడియో కి వచ్చింది. దీనిని బట్టే అర్థం చేసుకోవచ్చు , ఈ సినిమా రేంజ్ ఏంటి అనేది . ఇకపోతే ఈ ‘ఓజీ’ చిత్రం లో ప్రకాష్ రాజ్ సత్య దాదా గా నటించిన సంగతి అందరికీ తెలిసిందే.
ఓజాస్ గంభీర కి గాడ్ ఫాదర్ రోల్ లో ఆయన అద్భుతంగా నటించారు. అయితే ప్రస్తుతం పవన్ కళ్యాణ్ పై ప్రకాష్ రాజ్ రాజకీయ పరంగా ఏ రేంజ్ విబేధాలు పెట్టుకున్నారో మన కళ్లారా చూస్తూనే ఉన్నాం. రాజకీయ పరంగా ప్రకాష్ రాజ్ హద్దులు దాటి మరీ పవన్ కళ్యాణ్ ని ‘వాడు..వీడు’ అంటూ సంబోధించారు. కానీ పవన్ కళ్యాణ్ మాత్రం ప్రకాష్ రాజ్ ని పట్టించుకోలేదు. ఇప్పటికీ ఆయన్ని ఒక నటుడిగా గౌరవిస్తూనే ఉన్నారు. అయితే ‘ఓజీ 2’ లో ప్రకాష్ రాజ్ తో కలిసి నటించడానికి ఇప్పటికీ పవన్ కళ్యాణ్ కి ఎలాంటి ఇబ్బంది లేకపోయినా, ఆయన అభిమానులకు మాత్రం అసలు ఇష్టం లేదు. ఎట్టి పరిస్థితి లోనూ ప్రకాష్ రాజ్ ని ఈ సినిమా నుండి తొలగించాల్సిందే అంటూ మండిపడుతున్నారు. అయితే ఈమధ్య కాలంలో పవన్ కళ్యాణ్ సోషల్ మీడియా ని బాగా ఉపయోగిస్తున్నారు. బయట జరిగే వాస్తవాలను తెలుసుకుంటున్నారు.
అందుకే ‘ఓజీ 2’ లో ప్రకాష్ రాజ్ పాత్రని తొలగించాల్సిందిగా డైరెక్టర్ సుజిత్ కి ఆదేశించినట్టు తెలుస్తోంది. అంటే ‘ఓజీ 2’ లో సత్య దాదా పాత్ర చనిపోయినట్టుగా చూపించే ఆలోచనలో ఉన్నారట. ఒకవేళ ఆ పాత్ర అత్యవసరం అనిపిస్తే , ఆయన స్థానం లోకి బాలీవుడ్ నటుడు సంజయ్ దత్ ని తీసుకోవాల్సిందిగా సూచించారట పవన్ కళ్యాణ్. ఇందులో ఎంత మాత్రం నిజముందో రాబోయే రోజుల్లో తెలియనుంది. ప్రస్తుతం ఈ చిత్రానికి సంబంధించిన పోస్ట్ ప్రొడక్షన్ వర్క్ లో ఫుల్ బిజీ గా ఉన్నారు డైరెక్టర్ సుజిత్. ఈ ఏడాది నవంబర్ నుండి ఈ చిత్రానికి సంబంధించిన షూటింగ్ ప్రారంభం కానుంది.
