హిజ్రాల కోసం పార్టీలో ప్రత్యక వింగ్ ఏర్పాటు చేస్తున్నట్లు ప్రకటించింది మహారాష్ట్రకు చెందిన నేషనల్ కాంగ్రెస్ పార్టీ. దీనితో ఎల్జీబీటీ సెల్‌ ఏర్పాటు చేసిన తొలి రాజకీయ పార్టీగా ఎన్సీపీ రికార్డుకి ఎక్కింది. సోమవారం జరిగిన కార్యక్రమంలో ఆ పార్టీ మహారాష్ట్ర అధ్యక్షుడు జయంత్‌ పాటిల్‌, పార్టీ ఎంపీ సుప్రియ సులే లాంఛనంగా ఎల్జీబీటీ వర్గం కోసం ఏర్పాటు చేసిన ప్రత్యేక వింగ్ ను ప్రారంభించారు. ఈ సందర్బంగా ఎన్సీపీ అధ్యక్షుడు శరద్‌ పవార్‌ కుమార్తె, సుప్రియ సూలే మాట్లాడుతూ… సమాజంలో అందరితో పాటు ఎల్జీబీటీ వర్గానికి సమాన హక్కులు దక్కాలని తమ పార్టీ భావిస్తున్నట్లు ఆమె చెప్పారు.
