Maa Inti Bangaram collections : కొంతకాలం గ్యాప్ తర్వాత సమంత ప్రధాన పాత్ర పోషించిన ‘మా ఇంటి బంగారం’ చిత్రం భారీ అంచనాల నడుమ విడుదలై , మంచి పాజిటివ్ టాక్ ని సొంతం చేసుకున్న సంగతి తెలిసిందే. మొదటి రోజే దాదాపుగా 50 శాతం కి పైగా రీకవరీ ని సొంతం చేసుకున్న ఈ సినిమా , రెండు రోజుల్లో పూర్తి స్థాయిలో బ్రేక్ ఈవెన్ మార్కుని అందుకొని , లాభాల్లోకి అడుగుపెట్టి క్లీన్ సూపర్ హిట్ స్టేటస్ ని సొంతం చేసుకుంది. ‘పెద్ది’ బాక్స్ ఆఫీస్ కి ఇచ్చిన ఊపుని కొనసాగిస్తూ , ఇప్పుడు సమంత కూడా భారీ వసూళ్లను , లాభాలను రాబట్టడం చూస్తుంటే , టాలీవుడ్ కి మళ్లీ మంచి రోజులు మొదలయ్యాయి అని అనిపిస్తోంది. 2 రోజుల్లో ప్రాంతాల వారీగా ఈ చిత్రానికి ఎంత వసూళ్లు వచ్చాయో ఒకేసారి చూద్దాం.
తెలుగు రాష్ట్రాల్లో మొదటి రోజు ఈ చిత్రానికి 2 కోట్ల 35 లక్షల రూపాయిల షేర్ వసూళ్లు వచ్చాయి , కానీ రెండవ రోజున 3 కోట్ల 27 లక్షలు వచ్చాయి. పాజిటివ్ మౌత్ టాక్ కారణంగా, ఫ్యామిలీ ఆడియన్స్ ఈ చిత్రానికి కదలడం మొదలు పెట్టారు. అందుకే ఈ రేంజ్ లో వసూళ్లు వచ్చాయి. వరల్డ్ వైడ్ గా చూస్తే మొదటి రోజు 6 కోట్ల 16 లక్షల షేర్ వసూళ్లు రాగా, రెండవ రోజున 6 కోట్ల 64 లక్షల రూపాయిల షేర్ వసూళ్లు వచ్చాయి. ఓవరాల్ గా విడుదలకు ముందు 12 కోట్ల రూపాయలకు పైగా ప్రీ రిలీజ్ బిజినెస్ జరగ్గా, 80 లక్షల రూపాయిల లాభాలు వచ్చాయి. ప్రాంతాల వారీగా వచ్చిన వసూళ్లను ఒకసారి పరిశీలిస్తే నైజాం ప్రాంతం నుండి 3 కోట్ల 11 లక్షలు రాగా, ఆంధ్ర ప్రదేశ్ నుండి 2 కోట్ల 51 లక్షలు.
అదే విధంగా తమిళనాడు నుండి 53 లక్షలు రాగా, కర్ణాటక + రెస్ట్ ఆఫ్ ఇండియా నుండి 1 కోటి 35 లక్షలు వచ్చాయి. ఇక ఓవర్సీస్ లో అయితే కేవలం రెండు రోజుల్లోనే 5 కోట్ల 30 లక్షల రూపాయిల షేర్ వసూళ్లు వచ్చాయి. ఇది సాధారణమైన విషయం కాడు. ఓవరాల్ గా ఈ చిత్రానికి 2 రోజుల్లో 12 కోట్ల 80 లక్షలు , 26 కోట్ల రూపాయిల గ్రాస్ వసూళ్లు వచ్చాయి. ఒక లేడీ ఓరియెంటెడ్ సినిమాకు ఈ రేంజ్ షేర్ వసూళ్లు రావడం ఈమధ్య కాలం లో చూడలేదు.
