Relationship Survey : ఇటీవల కాలంలో మీడియాలో వార్తలు చూస్తే.. పేపర్లో పేజీలు తిరిగేస్తుంటే.. వివాహేతర సంబంధాల గురించి వార్తలు చూస్తూనే ఉన్నాం. అనైతికమైన బంధాల వల్ల జరిగే దారుణాల గురించి వింటూనే ఉన్నాం. వాటి వల్ల ఎన్ని ఘోరాలు జరుగుతున్నాయి.. ఎన్ని దారుణాలు చోటుచేసుకుంటున్నాయి ప్రత్యేకంగా చెప్పాల్సిన అవసరం లేదు. అయినప్పటికీ జనాలు మారడం లేదు. కనీసం వాటిని తప్పు కూడా అనుకోవడం లేదు. మనుషుల్లో నైతికత కోల్పోవడంతో ఇటువంటి చాటుమాటు వ్యవహారాలు సాగిపోతున్నాయి.
మనుషుల్లో అనైతికమైన బంధాలు పెరిగిపోతున్న నేపథ్యంలో ఇండిపెండెంట్ ఏజెన్సీ గ్లోబల్ పాపులేషన్ రివ్యూ అనే సంస్థ ఒక సర్వే నిర్వహించింది. ఈ సర్వేలో దారుణమైన నిజాలు వెలుగు చూసాయి. మొత్తంగా 50 దేశాలలో ఈ సంస్థ సర్వే నిర్వహించింది. ఈ నివేదిక ప్రకారం ప్రపంచ సగటు తొమ్మిదిగా తేలింది. ఈ జాబితాలో టర్కీ మొదటి స్థానంలో నిలిచింది. ఈ దేశంలో ఒక వ్యక్తి 14.5 మంది భాగస్వాములను కలిగి ఉన్నాడని తేలింది. ఇది కేవలం సగటు మాత్రమే. టర్కీ తర్వాత ఆస్ట్రేలియా 13.3 మంది.. న్యూజిలాండ్ 13.2 మంది భాగస్వాములతో మిగతా స్థానంలో నిలిచాయి. ఐస్లాండ్ 13.0.. దక్షిణాఫ్రికా 12.5.. ఫిన్లాండ్ 12.4.. నార్వే 12.1, ఇటలీ 11.8.. స్వీడన్ 11.8.. స్విట్జర్లాండ్ 11.1 భాగస్వాములను కలిగి ఉన్నాయి..
ఈ జాబితాలో అమెరికా 10.7తో 12 స్థానంలో ఉంది.. ఇంగ్లాండ్ 9.8 సగటుతో 21 స్థానంలో ఉంది. అయితే అమెరికాలో అందరూ పత్తితులు కాదు. ప్రాంతాన్ని బట్టి ఈ సంఖ్య మారింది. లూసియాన్న రాష్ట్రంలో ఏకంగా ఈ సంఖ్య 10.7 గా ఉంది. ఇక యుట రాష్ట్రంలో ఈ సగటు 2.6 గా మాత్రమే ఉంది. ఎందుకంటే ఇక్కడ సంప్రదాయాలను పాటిస్తారు. ఇక ఆశ ఖండంలో ముఖ్యంగా మనదేశంలో ఈ సంఖ్య తక్కువగా ఉంది. ఈ జాబితాలో చివరి స్థానంలో ఉంది. భారతీయులు తమ జీవితకాలంలో సగటున కేవలం ముగ్గురు మాత్రమే లైంగిక భాగస్వాములను కలిగి ఉన్నట్టు తెలుస్తోంది. కుటుంబ సాంప్రదాయాలు.. వివాహ వ్యవస్థ.. కట్టుబాట్లు వంటి వాటి ద్వారా భారత్ ఈ స్థానంలో ఉంది. పెళ్లికి ముందు లైంగిక వ్యవహారాలు భారత్ లో నిషేధం. సమాజం కూడా వీటిని ఆమోదించదు. అందువల్లే మనదేశంలో ఇలాంటి పరిస్థితి ఉంది. ఆసియాలో మిగతా దేశాల్లో కూడా ఇటువంటి విధానాల కొనసాగుతున్న అని తెలుస్తోంది. ఆసియా ఖండంలో హాంకాంగ్ లో 3.7.. వియత్నాంలో 3.2 , చైనాలో 3.2 తమ జీవితకాలంలో అక్కడి ప్రజలు లైంగిక భాగస్వాములను కలిగి ఉన్నట్టు తెలుస్తోంది.
