జమ్ము సైనిక స్థావరాల వద్ద మళ్లీ డ్రోన్లు

జమ్ముకశ్మీర్ లో వరుసగా డ్రోన్ల కదలికలు కలకలం సృష్టిస్తున్నాయి. బుధవారం జమ్ము సైనిక స్థావరాలకు సమీపంలో మరో మూడు డ్రోన్లను భద్రతా సిబ్బంది గుర్తించారు. నిన్న అర్ధరాత్రి 1.30 నుంచి ఈ తెల్లవారుజామూన 4 గంటల మధ్యలో వేర్వేరు ప్రాంతాల్లో గుర్తు తెలియని డ్రోన్లు సంచరించాయి. మొదట కాలుచూక్ కంటోన్మెంట్ వద్ద ఓ డ్రోన్ కన్పించగా ఆ తర్వాత కాసేపటికే రత్నచక్ సైనిక ప్రాంతంలో మరోదాన్ని గుర్తించారు.