రాజ్ కుంద్రాను అరెస్ట్ చేసినప్పటి నుంచి మౌనంగా ఉన్న బాలీవుడ్ నటి, రాజ్ కుంద్రా భార్య శిల్పా శెట్టి ఎట్టకేలకు నోరు మెదిపారు. గత కొద్ది రోజులుగా ఎన్నో ఆరోపణలు, వదంతులు వ్యాప్తి చేస్తున్నారని, ట్రోలింగ్ తో పాటు ప్రశ్నలు సంధిస్తున్నారని ఈ వ్యవహారం కోర్టు పరిధిలో ఉన్నందున తాను ఎలాంటి వ్యాఖ్యలు చేయబోనని ఆమె పేర్కొన్నారు. ఈ వివాదంలోకి తనను లాగుతూ తప్పుడు ప్రచారం చేయవద్దని ఇన్ స్టాగ్రాం పోస్ట్ లో శిల్పా శెట్టి కోరారు. న్యాయవ్యవస్థ పై తనకు పూర్తి విశ్వాసం ఉందని స్పష్టం చేశారు.