2023 New Year Celebrations : రవి అస్తమించని సామ్రాజ్యాన్ని నెలకొల్పిన బ్రిటీష్ వారికి నాడు కొత్త సంవత్సర వేడుకలు ప్రపంచమంతా జరిగేవి. ఎందుకంటే ప్రతీదేశంలోనూ వారే ఉండేవారు. అన్ని దేశాలకు స్వాతంత్ర్యం ఇచ్చాక వారి సంస్కృతిని అంతటా పాకించారు. అందుకే ప్రపంచంలో భిన్న సంస్కృతులు ఉన్నా ఇప్పటికీ ఆంగ్లేయుల న్యూ ఇయర్ వేడుకలను అన్ని దేశాల వారు జరుపుకుంటూనే ఉంటున్నారు. ఈరోజు 2022కు మంగళం పాడబోతున్నాం. ఎన్నో కష్టాలు, కన్నీళ్లు కడగండ్లు, సుఖాలు, సంతోషాలను సర్మించుకుంటూ.. ఆ స్మృతులను విడిచి కొత్త సంవత్సరంలోకి నూతన ఉత్సాహంతో అడుగుపెట్టబోతున్నారు. కొత్త కలలు, ఆశలు, ఆశయాలతో ముందడుగు వేయబోతున్నాం. అయితే ఈ కొత్త సంవత్సరం ప్రపంచంలో మొదట ఏ దేశంలో ప్రారంభమవుతుంది? ఏ దేశపు వారికి ఈ న్యూ ఇయర్ వేడుకలు తొలుత ప్రారంభం అవుతాయి.. ఏ దేశపు వారు చిట్టచివరన అందరికంటే లేటుగా న్యూ ఇయర్ వేడుకలు జరుపుకుంటారో తెలుసా? దానిపై స్పెషల్ స్టోరీ..
నూతన సంవత్సరం 2023ను స్వాగతించడానికి అంతా సిద్ధమైంది. వివిధ దేశాలు తమ ఆచారాలు, ఉత్సవాలతో సంవత్సరం ప్రారంభించడానికి సిద్ధమయ్యాయి. కొత్త సంవత్సరం ఈ భూమి చుట్టూ ఉన్న ప్రదేశంలోనూ ప్రారంభించబడుతుంది.
ఉక్రెయిన్పై రష్యా దండయాత్ర, కోవిడ్ మహమ్మారి వంటి సంఘర్షణలతో పూర్తయిన 2022 సంవత్సరానికి ఈ భూమి వీడ్కోలు పలుకుతోంది. ప్రపంచంలోని అన్ని దేశాల ప్రజలు శుభాకాంక్షలు పంచుకోవడం, తినడం, డ్యాన్స్ చేయడం.. ఆనందించడం ద్వారా ప్రపంచం ఏటా ఒక క్యాలెండర్ ఇయర్ను కొత్తగా ప్రారంభించడాన్ని స్మరించుకుంటుంది. అయితే ప్రపంచంలోని అన్ని ప్రాంతాలు ఒకే సమయంలో నూతన సంవత్సరాన్ని జరుపుకోరు. ప్రపంచవ్యాప్తంగా 2023కి కౌంట్డౌన్ అర్ధరాత్రి కంటే ముందు ప్రారంభమైనప్పటికీ అందరూ ఒకే సమయంలో కొత్త సంవత్సరంలో అడుగుపెట్టరు.
వివిధ దేశాలు తమ ఆచారాలు, ఉత్సవాలతో సంవత్సరం ప్రారంభాన్ని ఆహ్వానిస్తున్నాయి. ఈ భూమి చుట్టూ వచ్చే 24 గంటల్లో కొత్త సంవత్సరం ప్రారంభమవుతోంది. ఈ భూమ్మీద మొదటి మరియు చివరిగా నూతన సంవత్సరాన్ని జరుపుకునే దేశాలు ఇక్కడ ఉన్నాయి:
-ఏ దేశం ముందుగా నూతన సంవత్సరాన్ని జరుపుకుంటుంది?
ఓషియానియా ప్రపంచంలోని నూతన సంవత్సర వేడుకలను ముందుగా జరుపుకునే ప్రదేశంగా ఖ్యాతి గడించింది. ఆ తర్వాత టోంగా, కిరిబాటి మరియు సమోటినీ పసిఫిక్ ద్వీప దేశాలు కూడా మొదట నూతన సంవత్సరాన్ని ఈ భూమ్మీద జరుపుకునే దేశాలు. కొత్త క్యాలెండర్ సంవత్సరంలో మొదటిగా సంవత్సరం క్యాలండర్ మారేది ఇక్కడే. డిసెంబర్ 31న ఇండియన్ స్టాండర్డ్ టైమింగ్ ప్రకారం జనవరి 1 ఉదయం 10 GMT లేదా 3:30 గంటలకు ప్రారంభమవుతుంది.
-ఏ దేశం చివరిగా నూతన సంవత్సరాన్ని జరుపుకుంటుంది?
యునైటెడ్ స్టేట్స్ ఆఫ్ అమెరికాకు దగ్గరగా జనావాసాలు లేని ద్వీపాలు అయిన బేకర్ ద్వీపం మరియు హౌలాండ్ ఈ భూమ్మీద చిట్టచివరగా న్యూ ఇయర్ జరుపుకునే దేశాలు. ఇవి అందరికంటే లేటుగా అందరి వేడుకలు అయిపోయాక తమ వేడుకలను కిక్స్టార్ట్ చేస్తాయి. చివరిగా నూతన సంవత్సరాన్ని స్వాగతించే ప్రదేశాలు గా చరిత్రలో నిలిచాయి.. జనవరి 1న భారతీయ ప్రమాణాల ప్రకారం GMT మధ్యాహ్నం 12 గంటలకు లేదా సాయంత్రం 5:30 గంటలకు ఇక్కడ న్యూ ఇయర్ స్ట్రార్ట్ అవుతుంది.
