Vijay TVK: తమిళనాడు రాజకీయాలు ఊహకందని విధంగా మారిపోతున్నాయి. మొన్న జరిగిన అసెంబ్లీ ఎన్నికల్లో డీఎంకే అధికారంలోకి వస్తుందని అంచనాలు వెలవడ్డాయి. దాదాపు అన్ని సర్వే సంస్థలు డీఎంకేకు జై కొట్టాయి. అయితే ఫలితం మాత్రం వేరే విధంగా వచ్చింది. అలాగని ఒకే పార్టీకి ఏకపక్షంగా అధికారాన్ని కట్టబెట్టలేదు తమిళ ప్రజలు.
మ్యాజిక్ ఫిగర్ కు దూరంగా ఉన్నప్పటికీ టీవీకే లార్జెస్ట్ పార్టీగా తమిళనాడులో అవతరించింది. ఈ నేపథ్యంలో కాంగ్రెస్ పార్టీ సపోర్ట్ ఇస్తున్న నేపథ్యంలో టీ వీ కే అధికారాన్ని దక్కించుకుంది. రేపు తమిళనాడు ముఖ్యమంత్రిగా విజయ్ ప్రమాణ స్వీకారం చేయబోతున్నారు. అంతేకాదు కాంగ్రెస్ పార్టీ నుంచి ఇద్దరు ఎమ్మెల్యేలకు మంత్రి పదవులు కూడా ఇవ్వబోతున్నారు. కాంగ్రెస్ అగ్ర నాయకుడు రాహుల్ గాంధీ విజయ్ ప్రమాణ స్వీకారానికి హాజరు కాబోతున్నారు.. ఈ నేపథ్యంలోనే తమిళనాడు అధికారులు విజయ్ ప్రమాణ స్వీకారానికి ఘనంగా ఏర్పాట్లు చేస్తున్నారు. అయితే రాహుల్ గాంధీ మాత్రమే కాకుండా.. దేశంలోని వివిధ రాష్ట్రాల ముఖ్యమంత్రులకు విజయ్ ఆహ్వానం పలికినట్టు వార్తలు వస్తున్నాయి.
విజయ్ రెండు చోట్ల పోటీ చేశారు. రెండు స్థానాలలో కూడా ఘన విజయం సాధించారు.. పెరంబూర్ ఎమ్మెల్యేగా కొనసాగాలని విజయ్ నిర్ణయించుకున్నారు. తిరుచ్చి ఈస్ట్ స్థానంలో గెలిచినప్పటికీ.. విజయ్ అక్కడ రాజీనామా చేశారు. దీంతో ఆ స్థానంలో ఉప ఎన్నిక నిర్వహిస్తారు. ఆ స్థానంలో త్రిషకు టికెట్ ఇచ్చి పోటీ చేయిస్తారని తెలుస్తోంది. అక్కడ త్రిష గెలిస్తే విజయ్ క్యాబినెట్ లో ఆమెకు చోటు లభిస్తుందని ప్రచారం జరుగుతోంది.
ఇంతవరకు విజయ్ పార్టీలో త్రిషకు ప్రాథమిక సభ్యత్వం లేదు. అయినప్పటికీ ఆమె ఆస్థానంలో ఎలా పోటీ చేస్తుంది.. విజయ్ ఆమెకు ఎలా అవకాశం ఇస్తాడు.. రాజకీయాల మీద త్రిషకు ఆసక్తి ఉన్నప్పటికీ.. ఇప్పటికే ఆమె చేతినిండా సినిమాలు ఉన్నాయి. అలాంటప్పుడు పొలిటికల్ ఎంట్రీ ఇచ్చి.. ఆ స్థానంలో గెలుస్తుందా.. అనే ప్రశ్నలను తమిళ మీడియా వ్యక్తం చేస్తోంది. ఇప్పటికే త్రిషతో సంబంధం విషయంలో విజయ్ మీద తమిళ మీడియా అనేక రకాల కథనాలను ప్రసారం చేసింది. ఇప్పటికీ ప్రసారం చేస్తూనే ఉంది. ఇప్పుడు తాజాగా క్యాబినెట్లో మంత్రి అంటూ చెబుతోంది. ఇవన్నీ పుకార్లే అయినప్పటికీ.. తమిళ ప్రజలకు కావలసినంత వినోదం ఈ వార్తల ద్వారా లభిస్తున్నది.
View this post on Instagram
