దేశంలోని అత్యంత ధనిక రాష్ట్రాలలో తెలంగాణ ఒకటి. అయితే కోవిడ్ మహమ్మారి దెబ్బకు కుదేలైంది. కేసీఆర్ నేతృత్వంలోని టీఆర్ఎస్ సర్కార్ ను కుప్పకూల్చింది. రాష్ట్ర ఆర్థిక వ్యవస్థను దెబ్బతీసింది. లాక్డౌన్ తెలంగాణలో పెట్టినప్పటి నుంచి తెలంగాణ రాష్ట్ర ఆదాయం శూన్యంగా మారింది. సామాన్య ప్రజలతోపాటు ప్రభుత్వాలు కూడా డబ్బు కోసం కష్టపడుతున్న పరిస్థితి నెలకొంది.
లాక్డౌన్ తో సంపన్న తెలంగాణ రాష్ట్రం కూడా చాలా ఆదాయాన్ని కోల్పోయింది. ఇప్పుడు అప్పుల కోసం తిరుగుతున్న పరిస్థితిలో ఉంది. ఈ నెల 12 నుండి తెలంగాణలో లాక్డౌన్ పెట్టారు. అప్పటి నుంచి రాష్ట్ర ఆదాయాన్ని బాగా దెబ్బతీసింది. లాక్డౌన్ అమల్లోకి వచ్చినప్పటి నుండి ప్రభుత్వ ఆదాయం గణనీయంగా పడిపోయింది.
ఆర్థిక మంత్రిత్వ శాఖ వర్గాల సమాచారం ప్రకారం.. తెలంగాణ ప్రభుత్వ నెలవారీ ఆదాయం సుమారు 8,500 కోట్ల రూపాయలు ఉంటుందని అంచనా. ఈసారి రూ.4 వేల కోట్లు తగ్గే అవకాశం ఉంది.
లాక్డౌన్ తో తెలంగాణ రాష్ట్ర ఆదాయం దాదాపు 25 శాతం తగ్గుతుందని అంచనా. గత ఏడాది మేలో తెలంగాణకు రూ .4,471 కోట్ల ఆదాయం వచ్చింది. అయితే, ఖర్చులను భరించటానికి ఈ మొత్తం సరిపోలేదు. అందువల్ల తెలంగాణ ప్రభుత్వం మరో రూ .4010 కోట్లు అప్పుగా తీసుకుంది.
మరొక వైపు, ఆంధ్రప్రదేశ్ ప్రభుత్వం అప్పులపై నడుస్తోంది. జగన్ ప్రభుత్వం రాష్ట్రంలో ఆదాయ వ్యవస్థను పెంచడానికి ఏమీ చేయలేదన్న విమర్శ ఉంది.
