First Night Video : నాలుగు గోడల మధ్య చేసుకునేదే శృంగారం. దాన్ని అత్యంత గోప్యంగానే చూస్తాం. ఎవరికి కనిపించకుండా దంపతులు చాటుగా సాగించే వ్యవహారమే శృంగారం. కానీ ఇటీవల కాలంలో దీన్ని కూడా బహిర్గతం చేస్తున్నారు. నవ్విపోదురు గాక నాకేటి సిగ్గు అంటూ కట్టుకున్న భార్యతో జరిపిన తొలి రాత్రి దృశ్యాలను ఓ ప్రబుద్ధుడు సామాజిక మాధ్యమాల్లో పెట్టాడు. మా అమ్మ, మా అన్నయ్య, మా అక్కయ్య అంటాం కానీ ఒక భార్యను మాత్రమే నా భార్య అని సంబోధిస్తాం. ఎందుకంటే జీవితంలో ఏ మహిళ అయినా ఒకరికే భార్య అవుతుంది. అతడితోనే జీవితం పంచుకుంటుంది. అతడికే సర్వం అర్పిస్తుంది.
అలాంటి భార్య శీలానికే మచ్చ తెచ్చాడు. స్మార్ట్ ఫోన్ ఉంది కదా అని ఏకంగా పెళ్లాంతో గడిపిన క్షణాలనే సోషల్ మీడియా వేదికగా పెట్టాడు. దీంతో అందరు అవాక్కయ్యారు. ఇంతటి నీచానికి ఒడిగట్టిన వాడిని ఏం చేసినా పాపం లేదు. భార్య అంటే భర్తలో సగం. ఆమె శీలానికి మచ్చ వస్తే వాడి శీలానికి రానట్లేనా? దుర్మార్గమైన ఆలోచన చేసే ముందు మనశ్శాక్షి ప్రకారమైనా చేయాలి కదా. తన భార్యను నలుగురిలో పెడితే ఎలా ఉంటుందనే కనీస ఆలోచన కూడా ఉండదా అని పలువురు ప్రశ్నిస్తున్నారు.
బీఆర్ అంబేద్కర్ కోనసీమ జిల్లా కాట్రేనికోన మండలంలోని ఓ గ్రామంలో ఫిబ్రవరి 8న యువకుడు (20) అదే గ్రామానికి చెందిన బాలిక (17)కు వివాహం చేశారు. దీంతో మరునాడు వారికి శోభనం ఏర్పాటు చేశారు. భర్తతో కలిసి ఉన్న సమయంలో అతడి బుద్ధి వక్రమార్గం పట్టింది. తన శోభనం దృశ్యాలను సామాజిక మాధ్యమాల్లో పెడితే ఎలా ఉంటుందనే వికృత ఆలోచనతో స్మార్ట్ ఫోన్ వీడియో పెట్టి శోభనం మొత్తం చిత్రీకరించేలా చూశాడు. తరువాత వాటిని సోషల్ మీడియా గ్రూపుల్లో పోస్టు చేశాడు.
విషయం తెలుసుకున్న కుటుంబ సభ్యులు అవాక్కయ్యారు. ఇదెక్కడి పాపం అని విలపించారు. గత నెల 28న అతడిని అరెస్టు చేశారు. కోర్టులో హాజరుపరచగా 14 రోజుల రిమాండ్ విధించారు. బాలిక తల్లి గత నెల 20న పోలీసులకు ఫిర్యాదు చేసింది. అయితే ఈ వ్యవహారంలో స్థానిక పెద్దలు జోక్యం చేసుకుని కేసు పెట్టొద్దని పంచాయితీ చేసేందుకు సిద్ధపడినట్లు సమాచారం. కానీ స్థానికుల ప్రోద్భలంతోనే కేసు పోలీస్ స్టేషన్ వరకు వెళ్లినట్లు తెలుస్తోంది. ఏ భర్త చేయకూడని పని చేసి సభ్యసమాజం తలదించుకునేలా చేసిన యువకుడిపై విమర్శలు వస్తున్నాయి.
