Standard Glass Lining IPO : స్టాక్ మార్కెట్కు ఈ రోజు బ్లాక్ మండే అని చెప్పుకోవచ్చు. బ్లాక్ మండే అయినప్పటికీ స్టాండర్డ్ గ్లాస్ లైనింగ్ టెక్నాలజీ IPO స్టాక్ ఎక్స్ఛేంజ్లో గొప్ప లిస్టింగ్ను చూస్తుంది. ఆ కంపెనీ క్యాపిటల్ మార్కెట్ నుండి రూ.140 ఇష్యూ ధరకు డబ్బును సేకరించింది. స్టాండర్డ్ గ్లాస్ లైనింగ్ టెక్నాలజీ IPO బీఎస్ ఈలో రూ.176 వద్ద 23.50 శాతం పెరుగుదలతో లిస్ట్ చేయబడింది. ఈ ఐపీవో ఎన్ఎస్ఈలో రూ.172 ధరకు లిస్ట్ చేయబడింది.
ఈ రోజు స్టాక్ మార్కెట్ పెట్టుబడిదారులకు గడ్డు రోజుని ఫలితాలను చూస్తే అర్థం అవుతుంది. కానీ స్టాండర్డ్ గ్లాస్ లైనింగ్ టెక్నాలజీ IPOలో షేర్లను దక్కించుకున్న పెట్టుబడిదారులు ఈరోజు ఊపిరి పీల్చుకుంటున్నారు. స్టాండర్డ్ గ్లాస్ లైనింగ్ స్టాక్ ఎక్స్ఛేంజ్లో మంచి లిస్టింగ్ కలిగి ఉంది. లిస్టింగ్తో స్టాండర్డ్ గ్లాస్ లైనింగ్ టెక్నాలజీ మార్కెట్ క్యాపిటలైజేషన్ రూ.3454.20 కోట్లకు చేరుకుంది.
కంపెనీ మార్కెట్ నుండి రూ.140 ఇష్యూ ధరకు రూ.410.5 కోట్లు సేకరించింది. ఇందులో 1.50 కోట్ల షేర్లను కొత్తగా జారీ చేయడం ద్వారా రూ.210 కోట్లు, 1.43 కోట్ల షేర్లను ఆఫర్ ఫర్ సేల్ (OFS) ద్వారా రూ.200.05 కోట్లు సేకరించారు. కంపెనీ IPO ధర పరిధిని ఒక్కో షేరుకు రూ.133-140గా నిర్ణయించింది. ఈ IPO దరఖాస్తులకు 2025 జనవరి 6 నుంచి 8 వరకు ఓపెన్ చేసి ఉంచింది.
స్టాండర్డ్ గ్లాస్ లైనింగ్ టెక్నాలజీ IPO పెట్టుబడిదారుల నుండి మంచి స్పందనను అందుకుంది. ఈ IPO మొత్తం 185.48 సార్లు సబ్స్క్రైబ్ చేయబడింది. కంపెనీ IPO పరిమాణం రూ.410 కోట్లకు గాను రూ.53,238.58 కోట్ల విలువైన దరఖాస్తులను అందుకుంది. సంస్థాగత పెట్టుబడిదారుల రిజర్వ్ కోటా (QIB) 328 సార్లు సబ్స్క్రైబ్ చేయబడింది. సంస్థాగతేతర పెట్టుబడిదారుల రిజర్వ్ కోటా 275 సార్లు సబ్స్క్రైబ్ చేయబడింది. రిటైల్ పెట్టుబడిదారుల రిజర్వ్ కోటా 66 సార్లు సబ్స్క్రైబ్ చేయబడింది. IPOలో 2,05,02,558 షేర్లు ఆఫర్ చేయబడ్డాయి. 3,80,27,56,032 షేర్లకు దరఖాస్తులు వచ్చాయి. స్టాండర్డ్ గ్లాస్ లైనింగ్ టెక్నాలజీ 2012 సంవత్సరంలో స్థాపించబడింది. హైదరాబాద్కు చెందిన ఈ కంపెనీ ఔషధ, రసాయన రంగాలలో ఇంజనీరింగ్ పరికరాలను తయారు చేస్తుంది.
