Rupees Borrowed : కోట్లాది రూపాయలు అప్పుగా తీసుకుని తిరిగి చెల్లించడానికి నిరాకరిస్తే దేశం ఏమవుతుంది?

Rupees Borrowed : అప్పు తీసుకోవడం మానవ సహజం.. అవసరానికి చేతుల్లో డబ్బులు లేనప్పుడు తెలిసిన వారి దగ్గర అప్పు చేయక తప్పదు. అలా ఎవరికైనా డబ్బులు అప్పుగా ఇచ్చి వారు ఇవ్వకపోతే ఏం చేస్తారు. పోలీసులు, చట్టాలను ఆశ్రయించక తప్పదు. అప్పుడు అనేది సామాన్యులు మాత్రమే కాకుండా రాష్ట్రాలు, దేశాలు కూడా అప్పులు చేస్తుంటాయి. అయితే ఒక దేశం అప్పుల్లో కూరుకుపోయి, ఆ రుణం తీర్చుకోకపోతే ఎలా అని ఎప్పుడైనా ఆలోచించారా? ఆ పరిస్థితిలో ఆ దేశంపై ఎలాంటి చర్యలు తీసుకుంటారు. దేశం రుణం తిరిగి ఇవ్వకపోతే ఏమి జరుగుతుందో ఈ రోజు ఈ వార్తా కథనంలో తెలుసుకుందాం.

ప్రజలు రుణాలు ఎలా చెల్లిస్తారు?
బ్యాంకు నుండి ఏదైనా అప్లికేషన్ ద్వారా లేదా వ్యక్తిగతంగా వ్యక్తుల నుండి డబ్బులు అప్పుగా తీసుకుంటారు.. అంటే ఆ వ్యక్తులు ఏదో ఒక పని కోసం అప్పు చేసి ఉండాలి. కానీ ఎవరైనా రుణాన్ని తిరిగి చెల్లించనప్పుడు ఆ పరిస్థితిలో బ్యాంకు చట్టాన్ని ఆశ్రయిస్తుంది. కానీ మనం నివసించే దేశాలు కూడా అవసరాల నిమిత్తం ఇతర దేశాల వద్ద అప్పులు చేస్తుంటాయి. అమెరికాతో సహా చాలా దేశాలు లక్షల కోట్ల అప్పులు ఉన్నాయి.

అప్పుల ఊబిలో కూరుకుపోయిన దేశాలు
దాదాపు ప్రతి సంవత్సరం, వరల్డ్ ఆఫ్ స్టాటిస్టిక్స్ ప్రపంచంలోని అత్యంత రుణగ్రస్తుల దేశాల పేర్ల జాబితాను విడుదల చేస్తుంది. ఉదాహరణకు, వరల్డ్ ఆఫ్ స్టాటిస్టిక్స్ 2023 డేటాపై ఒక నివేదికను విడుదల చేసింది. ఆ జాబితాలో అమెరికా పేరు అగ్రస్థానంలో ఉంది. అమెరికాకు 33229 బిలియన్ డాలర్ల అప్పు ఉంది. చైనా పేరు రెండో స్థానంలో ఉంది. జపాన్ మూడో స్థానంలో ఉంది. జపాన్ రుణం 10,797 బిలియన్ డాలర్లు. 3,469 బిలియన్ డాలర్ల అప్పుతో యూకే నాలుగో స్థానంలో ఉండగా, ఫ్రాన్స్ ఐదో స్థానంలో ఉంది. ఫ్రాన్స్ రుణం 3,354 బిలియన్ డాలర్లు. ఈ జాబితాలో భారతదేశం ఏడో స్థానంలో ఉంది. భారతదేశం 3,057 బిలియన్ డాలర్ల అప్పును కలిగి ఉంది.

రుణం చెల్లించకుంటే ఎలాంటి చర్యలు తీసుకుంటారు?
ఇప్పుడు అప్పు తీర్చకపోతే దేశం ఏమవుతుందనేది ప్రశ్న. సమాచారం ప్రకారం, ఏదైనా దేశం వివిధ మార్గాల్లో రుణం తీసుకుంటుంది. కొన్ని దేశాలు అంతర్జాతీయ బ్యాంకుల నుంచి రుణాలు తీసుకుంటాయి. కొన్ని దేశాలు ఇతర దేశాల నుంచి రుణాలు తీసుకుంటాయి. ఇదొక్కటే కాదు, చాలా దేశాలు వాణిజ్యం పేరుతో ఇతర దేశాల నుండి రుణాలు తీసుకుంటాయి. ఒక దేశం తన రుణాన్ని తిరిగి చెల్లించకపోతే, మొదట అన్ని ఇతర దేశాలు దానితో వాణిజ్యాన్ని నిలిపివేస్తాయి. దీని వల్ల రుణాలు తీసుకున్న దేశ ఆర్థిక వ్యవస్థ కుదేలైంది. అదే సమయంలో, ఎవరైనా అంతర్జాతీయ బ్యాంకు రుణాన్ని తిరిగి చెల్లించకపోతే, ఆ దేశం బ్లాక్‌లిస్ట్‌లో ఉంచబడుతుంది. ఆ తర్వాత దేశం వ్యాపారాన్ని లేదా ఆర్థిక పరిస్థితిని నడపడానికి ఆ దేశం ఎక్కడి నుండైనా నిధులు పొందే వీలు ఉండదు. అంటే ఆ దేశం పూర్తిగా దివాలు తీస్తుంది. ప్రజలు దుర్భర పరిస్థితులను ఎదుర్కోవాల్సి వస్తుంది.