New India Cooperative Bank : న్యూ ఇండియా కోఆపరేటివ్ బ్యాంకులో జరిగిన అవకతవకలపై మహారాష్ట్ర ముంబై పోలీసులకు చెందిన ఆర్థిక నేరాల విభాగం (EOW) దర్యాప్తు ప్రారంభించింది. దీని గురించి బ్యాంక్ ప్రతినిధి ఆర్థిక నేరాల విభాగం (EOW)కి ఫిర్యాదు చేశారు. ఆ తర్వాత అతని స్టేట్మెంట్ రికార్డ్ చేశారు. ఈ బ్యాంకు ఆర్థిక లావాదేవీలపై ఆర్బిఐ నిషేధం విధించింది. దీని కారణంగా వినియోగదారులు ఆందోళన చెందుతున్నారు.
రిజర్వ్ బ్యాంక్ ఆఫ్ ఇండియా (RBI) ముంబైలోని న్యూ ఇండియా కో-ఆపరేటివ్ బ్యాంక్ లిమిటెడ్కు అన్ని ఆర్థిక కార్యకలాపాలను నిలిపివేయాలని నోటీసు జారీ చేసింది. ఈ వార్త వెలువడిన తర్వాత ఈ బ్యాంకులో ఖాతాలు ఉన్న వాళ్లు తీవ్ర ఆవేదన వ్యక్తం చేశారు. కష్టపడి సంపాదించుకున్న సొమ్ము ఏమవుతుందో అని ఆందోళన చెందుతున్నారు. న్యూ ఇండియా కో-ఆపరేటివ్ బ్యాంక్ లిమిటెడ్ వెలుపల కూడా ప్రజలు క్యూలలో నిలబడి నగదు తీసుకోవడానికి ప్రయత్నిస్తున్నారు.
ముంబై కేంద్రంగా పనిచేస్తున్న న్యూ ఇండియా కో-ఆపరేటివ్ బ్యాంక్ పనితీరుపై బ్యాంకింగ్ రంగ నియంత్రణ సంస్థ రిజర్వ్ బ్యాంక్ ఆఫ్ ఇండియా అనేక ఆంక్షలు విధించాలని నిర్ణయించింది. ఆర్బిఐ ఈ పరిమితి తర్వాత బ్యాంకు డిపాజిటర్లు తమ ఖాతాల్లో జమ చేసిన కష్టపడి సంపాదించిన డబ్బును ఇకపై ఉపసంహరించుకోలేరు. న్యూ ఇండియా కో-ఆపరేటివ్ బ్యాంక్ ఇకపై ఎటువంటి రుణం ఇవ్వదు లేదా డిపాజిట్ తీసుకోదు. ఈ నిషేధం ఫిబ్రవరి 13, 2025 గురువారం పనివేళలు ముగిసినప్పటి నుండి వచ్చే ఆరు నెలల పాటు అమలులోకి వస్తుంది.
బ్యాంకులో భారీ అవకతవకలు జరిగాయని గురువారం న్యూ ఇండియా కో-ఆపరేటివ్ బ్యాంక్ పనితీరుపై రిజర్వ్ బ్యాంక్ ఆఫ్ ఇండియా అనేక బ్యాంకింగ్ వ్యాపార సంబంధిత నిషేధాలను విధించింది. ఆర్బిఐ నిర్ణయం తర్వాత న్యూ ఇండియా కో-ఆపరేటివ్ బ్యాంక్ వినియోగదారులకు ఎటువంటి రుణం ఇవ్వదు లేదా వినియోగదారుల నుండి డిపాజిట్లను స్వీకరించదు. ఆర్బిఐ ఈ నిర్ణయం తర్వాత బ్యాంకు డిపాజిటర్ల సమస్యలు పెరిగాయి. బ్యాంకు ఖాతాదారులు తమ ఖాతాల నుండి డబ్బును ఉపసంహరించుకోలేరు. ఆర్బిఐ ప్రస్తుతం బ్యాంకుపై ఆరు నెలల పాటు ఈ ఈ నిషేధం విధించింది. ఈ కాలంలో బ్యాంకు పరిస్థితిని మెరుగుపరచడానికి ప్రయత్నాలు జరుగుతాయి. ఆరు నెలల తర్వాత, నిషేధ నిర్ణయాన్ని ఆర్బిఐ సమీక్షిస్తుంది.
ఆర్బీఐ జారీ చేసిన నోటీసులో.. “ప్రజల సమాచారం కోసం… రిజర్వ్ బ్యాంక్ ఆఫ్ ఇండియా (RBI) ముంబైలోని ది న్యూ ఇండియా కో-ఆపరేటివ్ బ్యాంక్ లిమిటెడ్ (“ది బ్యాంక్”) కు కొన్ని ఆదేశాలు జారీ చేసింది. వీటి ప్రకారం.. ఫిబ్రవరి 13, 2025న వ్యాపారం ముగిసే సమయం నుండి ఆర్బీఐ ముందస్తు అనుమతి లేకుండా ఏదైనా రుణాలు లేదా అడ్వాన్స్లను మంజూరు చేయకూడదు లేదా పునరుద్ధరించకూడదు. ఏదైనా పెట్టుబడి పెట్టకూడదు, డబ్బు తీసుకోవడం, కొత్త డిపాజిట్లను అంగీకరించడం చేయకూడదు.” అని పేర్కొంది. ఆరు నెలల తర్వాత బ్యాంక్ పరిస్థితి మెరుగైతే నిషేధం ఎత్తేస్తారు. అప్పుడు ఖాతాదారులు యథావిధిగా తమ డబ్బులు తీసుకోవచ్చు.. బ్యాంకులో వేసుకోవచ్చు. అప్పటికి కూడా బ్యాంకులో ఆర్థిక అవకతవకలపై దర్యాప్తు పూర్తికాకపోతే మరోసారి ఆర్బీఐ సమీక్షించి నిర్ణయం తీసుకుంటుంది.
